قصة وقصيدة : العجوز مع المعزب ( زوجها )

قصة شايب ومعزبته وهي عايشة معاه طول السنين وتعرف حاله وامكانياته ولا تبي تحمله اكثر مما يقدر عليه ومسايرته وهو شايب كبير في السن وهي كذلك كبيرة هالشايب له ولد نشمي .. جاه الولد وقال يا يبه وش رايك لو نزوجك ؟

قال : والله الساعة المباركة .. اي والله يا ولدي، يا ولد السعد.. اي والله زوجني
قال الولد : ها ما به خلاف.. قام وخطب له ذيك البنت، وهم شغالين في ترتيب الزواج درت العجوز وتأكدت ان الشايب بيعرس والله وتتغير عليها الأمور .. وقامت تمترح وماهي متأكدة ان الشايب بيعرس من جد لأنها خابره امكانياته متقاربه وبياخذ له بنت

قالت العجوز لولدها : ياولدي انتوا بتزوجون الشايب ؟ لا تزوجونه ماله لزوم.. الشايب ذا المفروض ما تزوجونه

العجوز ذي شاعرة وكذلك الشايب شاعر .. المهم قامت وسوت لها كم بيت في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته الاوليه قابله منه الميسور وراح تتغير عليه الامور


قالت العجوز :


جملنا جملنا باركن له ثلاث سنين
وهو ليّا جبنا له الحمل ما شلّه

ماغير القتب والمزودة وسطها مدين
وهو بارك عجزان عن شيلها لله

وذا اليوم جبتوا حملةٍ وزنها طنين
وذا الحمل يا الاجواد ما هو قد لّه

جيته وقلت بالهون بالهون يا مسكين
هذا الحمل يبغاله جمال تجهم(ن) لّه

ماهوب انت ياللي جايب فيدك من الصين
أنا اللي أعرفك زين يابارد(ن) دلّه


قام الشايب والظاهر عنده امكانيات .. لكن ذي العجوز واقفه في طريقه ومدقره له


الرد من الشايب :

جملكم ماهو مسكين يا جعلك السكين
جملكم يبي ينقل زهاب العرب كلّه

وهو اللي نفع العرب في الزمان الشين
لكن الجمل في تاليه طاح في علّه

وقع في رحوم طول سيقانها مترين
صخاف الجنوب ضلوعها كنها هلّه

وحتى الجمل من شوفها صار حاله شين
وهي السبب في طيحته جعلها العلّه

لها ذيل أجرد عمرها من ورا السبعين
وعز الله انها تمرض القلب وتعلّه

لكن جيبوا للجمل بكرةٍ عمرها عشرين
وتشوف الجمل يعطي كلش على حلّه

ليا عيّن الحمرا الردوم اشتغلها زين
وخله بعيد من أم شاصين منحلّه

اذا الله عطانا عمر وانتوا من الحييّن
تشوف الجمل لو حملوه طويق يشتلّه

ماهوب بسيط ذا الشايب

الله يكون في عون العجوز

مشكور على القصة أخوي سلامه

علوش الفضلي

ماهوب بسيط ذا الشايب

الله يكون في عون العجوز

مشكور على القصة أخوي سلامه

لا شكراً على واجب تسلم على هذه الطله الرائعه وفقك الله.

مشكله الشيبان لا طق العرس براسه
تزوج وحده كبر بناته ويمكن كبر أحفاده
وهالعجز ياكلنها
الله يعطيك العافيه سلامه

الــهــنــوف

مشكله الشيبان لا طق العرس براسه

تزوج وحده كبر بناته ويمكن كبر أحفاده
وهالعجز ياكلنها
الله يعطيك العافيه سلامه

هههههههههه هذي مشكلة بعض الشيبان وبعض العجايز يتسببون في هالشياب ويتمشكلون مهم

ولاتلاقي الشايب يقول ما اقدر اسكت هالعجوز الا لازم اتزوج عليها خخخخخ

الله يعافيك ويبقيك لعين ترجيك ولهلك يخليك يارب

دمتي بود.

يعطيك العافية ياسيد سلامة العايدعلى هذة القصة
ذكرتني بجاري اللة يرحمة تزوج امراءة من المدينة عمرها ثلاثون سنة
وعمرة هو تقريبا تسعون سنة ماكملت اربع شهور الا هجت
وهو يقول زوجوني غيرها

هههه ذولي على هالمناقر شلون كانو عايشين قبل ..؟!

شكراً لك سلوووم

يا سلوووم السعد ..

ارررررحبو لابتي قصة رائعة واللي يعين ها العجيز .

تقبل مروري يالعشير .

موهيـن الششـآيب : )

الله يعين الشايب علي العجوز
بس زوجوه مدام هذي العجوز
تقول العجوز

جملنا جملنا باركن له ثلاث سنين
وهو ليّا جبنا له الحمل ما شلّه
وانا اقول
جملكم جملكم يا جعله الجنه
وش جابله الشيب قيرالعله
يازين جملكم مدور الحلوه
قلبه خضر وزين الاطباع اعلاجه
خلو جملكم يا جعلكم العله
_
_
بدايته صلو علي النبي سيد الخلق

حب الرجل مثل الطلاقات مبثوره
عرق النساء جذاب والرجل مسحوره

تسلم يمناگ,,
ويعطيگ العافيہ
طرحگ بقمہ الرووعہ
لگ وديے,,