جاء خطب بنت عمه .قصيده (قبست مع عمه)‎

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمر أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه

قلت الله أكبر يا محـرر فلسطيـن ***من يسمعك يحسبك ذيـب الذيابـه
تراك شايب رأس مالـك رياليـن ***والبنت ما تسوى جنـاح الذبابـة

والله كفو أعجبني رده على عمه

والله هالقصيده تبين لنا المغالاة في المهور على وشو مدري

الله يهدي الجميع يارب

صح لسان شاااااعرها

وتسلم يمينك ياعمر

قصيده ولا أروع ياذوق

فعلا" قصيده تبين لنا المغالاه بالمهور

الله يسلمك الهنوف

تحياتي

الله يرحم الحال

مشكلة من يبالغ في المهر

عجبني رده في القصيدة

تسلم على النقل أخوي عمر

الي من يهمهن الامر ترا الشايب معه حق ذاك الوغد لاهوموظف مثل السعودي ؟ ولا عنده بقاله مثل الهندي جاي يخطب ليه استريح ياملحط

اقتباس:
المشاركة الأصلية كتبت بواسطة علوش الفضلي

الله يرحم الحال

مشكلة من يبالغ في المهر

عجبني رده في القصيدة

تسلم على النقل أخوي عمر

الله يسلمك أخي علوش

تحياتي

اقتباس:
المشاركة الأصلية كتبت بواسطة إبن لام الدويسي
الي من يهمهن الامر ترا الشايب معه حق ذاك الوغد لاهوموظف مثل السعودي ؟ ولا عنده بقاله مثل الهندي جاي يخطب ليه استريح ياملحط


هين يالشايب أنت والله يا إن البنت على الملحط باب رزق

لكن ما هنالك شيبان تقدر الوضع ههههه

تحياتي أبو صالح

ابوعبد الله انا عارف انك مشغول بالدجاج عشاء الاستراحه .اسمع الشايب ماهو طماع عرف ان الولد فاضي ومغلوب في البلوت وماسدد قطت الاستراحه قال اوريك به

هههههههههههههههه

لا تعليق يا أبو صالح

قصيده حلوه وتعبر عن حالنا ياشباب ومكافحتنا مع الشياب الله يعينا عليهم تسلم يا اخوي عمر

كني اشوف الشاعر يدق اصبع الحين ويقول وين اروح ومنين اجي

اقتباس:
المشاركة الأصلية كتبت بواسطة إبن لام الدويسي
الي من يهمهن الامر ترا الشايب معه حق ذاك الوغد لاهوموظف مثل السعودي ؟ ولا عنده بقاله مثل الهندي جاي يخطب ليه استريح ياملحط


وفي السماء رزقم وماتوعدون

ليه يجلس طيب ماعنده واااسطة ولالقى وظيفه يجلس بدون زوااج مهوب منطق وهذا عمه مافيهااااا شي لو زوجه ودور له وظيفه

اقتباس:
المشاركة الأصلية كتبت بواسطة عمر المسعر
اقتباس:
المشاركة الأصلية كتبت بواسطة إبن لام الدويسي
الي من يهمهن الامر ترا الشايب معه حق ذاك الوغد لاهوموظف مثل السعودي ؟ ولا عنده بقاله مثل الهندي جاي يخطب ليه استريح ياملحط


هين يالشايب أنت والله يا إن البنت على الملحط باب رزق

لكن ما هنالك شيبان تقدر الوضع ههههه

تحياتي أبو صالح



صـــــــــــــــــدقت وفيه حديث عن الرسول يدل على ذلك لكن مايحضرني الآن

هه العزيزه هموسه انتي جالسه تصمخين الشايب ابخص لانه عارف انه يومين وقاطها هذي مشكلتكم رحومين بزياده المشكله اذا نشبها بطفل وهاتو بعد مهري

اقتباس:
المشاركة الأصلية كتبت بواسطة إبن لام الدويسي
هه العزيزه هموسه انتي جالسه تصمخين الشايب ابخص لانه عارف انه يومين وقاطها هذي مشكلتكم رحومين بزياده المشكله اذا نشبها بطفل وهاتو بعد مهري


هههههههههههههههه وش دراه عالم الغيب .... مابين طرفة عين وانتباهتها يغير الله من حال إلى حال
وإذا أنشبها بطفل فربك موجود وهو أرحم بها من أبوووها وأرحم بولدها وش يدريك لو يكون هذا الولد الي منه باااااار بها ومصدر سعاده لها

بعدين إذا عمه الي بمنزلة الأب في الشرع ماظفه وزوجه من بيزوجه ؟؟؟؟؟؟؟؟؟؟؟؟؟؟؟ وإلا تبيه يلجأ للطرق الملتويه و
الحقيقة لو هو قاتل بنته مايحق له يطلب هذا الطلب هذا الشايب حاط بنته سلعة عنده وتلقااااااها تبي الفكه منه بس مابيدها حيله الله يكون في عونهااااااا