والبحث بالملقوف google وش نهاية العذاب

يسوقني همي سوات الريح لأساق السحـاب
وتطويني الفرقا كما طـوي البيارق المجذبـه

أصارع أهموم الزمان اللـي تشيـب للشبـاب
أيام صـارت سـود وليالـي ظـلام ومرعبـه

مالي صديق إلا القلم والرجـم ووراق الكتـاب
وجهازي المحمول والكنكـت والشعـر اكتبـه

والبحث بالملقوف google وش نهاية العذاب
لعل من google نحصل لـو بعـض الاجوبـه

وغديت مثل الهالك العطشان يطـرد للسـراب
هالك ظمأ بالقيض يركض مالقا مـاء يشربـه

ليه سنة مع لوعـة الفرقـا وعنـي للركـاب
وهماً بصدري لو بصـدر بعيـر ثنـى لركبـه

رحال وسط ارض الجزيرة من جناب إلى جناب
مثل المجلا من بنـي عمـه مطالـب بارقبـه

حسب أتجاه البوصلة وموشـرات الاقتـراب
وإشارة الأرصاد والتوجيـه حسـب الذبذبة

كذا مسير القافلة فوق القمـم ترقـا الصعـاب
والريح تجـري بالسفن شمـال ولا مجنبـه

وحلت ركابي في دير شعـر الأدب والانسكـاب
حليت ضيفا عندكم والبيـت احبكـه وسكبـه

اسخر الشرد وجيد الفلسفة وجيب مالذا وطـاب
شاعر ومأخذ درس في علم الحياة وتجربـه

مبدأي مثل الشمس مشرقها ما غطاه الحجـاب
من يستطيع انه يحـط أقناع حتـى يحجبـه

عابر سبيل ولا هنانـي لاطعـام ولا شــراب
أدور وسط ارض الجزيرة مثـل فاقـد مذهبـه

حالي طواها الشوق وأنا اياب وحيـانٍ ذهـاب
وعيش قصه غامضة جـداً وهو مستغربـه

عمري قضاء والغايب الحاضر ماجاني له جواب
وأشعل بقلبـي نـار يوقدهـا بزنـده وحطبـه

أجود صوابي لو جيت أجحد وخفـي لصـواب
والله ليبطي مابري حـال الـذي قـد صوبـه

الصد والهجران يطعني كمـا طعـن الحـراب
والحال طول الصـد والهجـران والهـم اقلبـه

وهذا الذي قبل أيحصل ماكنت حاسب له حساب
وأعزتي للـي وقـع مثلـي وقـوعٍ محاسبه

صبرت حتى باح صبري وشهد أن القلـب ذاب
صح المحبة مـوت وتضيـع شجاعـاً بشنبـه

وأنا الذي ربي عطاني حض كا وجـه الغـراب
وهذا الذي دهور حياتي ومشتكية مـن اسببـه

ياغايتي صدك معذبتي وخـاف مـن العقـاب
ألطف بحالي كيف تقتل نفـس ماهية مذنبـه

العطف مطلب وتسامح زين ولك اجـر وثـواب
ألطف بحال اللي رضاك منـاه غايـة مطلبـه

من عادتي مطرد ورا مقفى يريـد الانسحـاب
وانت الوحيد اللي يبا الفرقا وأنا أريد اكسبـه

أنا من أجلك ياهو بالـي ياكـم طقيـت بـاب
واللي تعـب لجلـك دخيلتك لاتخيـب لتعبـه

( اللي يعرف من شاعر هذه القصيده يبين لنا ولا عليه أمر )

صح إحساسك ع الإختيار الراقي يا عمر

عساك ع القوة ياذوق

ارحبو ابو عبد الله .انا اعرف واحد مفصله عليه جايه علي قده بالضبط ناقص بس ماقلو له انت هات الشهاده

بصراحه قصيدة رائعة وجزلة

عجبتني كثير

يستاهل التصفيق شاعرها

صح لسانك أخوي عمر ولسان شاعرها

تسلم على الاختيار الراقي

اقتباس:
المشاركة الأصلية كتبت بواسطة الــهــنــوف
صح إحساسك ع الإختيار الراقي يا عمر

عساك ع القوة ياذوق

صحت أنفاسك يالهنوف

تحياتي

اقتباس:
المشاركة الأصلية كتبت بواسطة إبن لام الدويسي
ارحبو ابو عبد الله .انا اعرف واحد مفصله عليه جايه علي قده بالضبط ناقص بس ماقلو له انت هات الشهاده

ارحب أبو صالح ولكن لم أفهم شئ مما تفضلت به

اقتباس:
المشاركة الأصلية كتبت بواسطة علوش الفضلي

بصراحه قصيدة رائعة وجزلة

عجبتني كثير

يستاهل التصفيق شاعرها

صح لسانك أخوي عمر ولسان شاعرها

تسلم على الاختيار الراقي

مرحبااا علوووش

أهم شئ أعجبتك بس

الله يسلمك يالغالي

أسعدني تواجدك

ابوعبد الله صباح الخير .هه شكلك انت ود. سعاد ماعاد تفهمون علي خلني اقوطر للي يفهمون علي . انا اقول الامور اللي تحكيها القصيده تنطبق علي حضرتك ماودك بس بكاس من حليب العزيزيه قبل انام

اقتباس:
المشاركة الأصلية كتبت بواسطة إبن لام الدويسي
ابوعبد الله صباح الخير .هه شكلك انت ود. سعاد ماعاد تفهمون علي خلني اقوطر للي يفهمون علي . انا اقول الامور اللي تحكيها القصيده تنطبق علي حضرتك ماودك بس بكاس من حليب العزيزيه قبل انام



ههههههههههههه

طيب يا أبو صالح


تراك يا أبو صالح تزود طعوووني
ليتك ما ترد علي كل موضوع

أهل الحليب ترا شحو ماعطوووني
وصار أصعب علي من حبت الكوع

طالت المسافه من دونه ودوووني
وقيمة الكاس يبي فتح مشروع


أبو صالح ركد الرمي ههههههههههه

ارحبو ابوعبدالله مامن رمي مغير ارسالات ابورشيد كلها برا لاويحلف مايرسل الاهو .الرمي مخلينه لمجلسكم اذا نزل سر القوافي لغزه الجديد .بقي هل القصيده لك ؟

ههههههههه

طااايب يا أبو صالح بس كل هالرمي وتقول مامن رمي هههه

القصيده أنا أسأل من هي له ؟؟

ابداع متواصل وجمال الحضور

صح لسانك عمر ولسان شاعرها / معزي الشلاحي

في انتظار المزيد من ذائقتك المميزه

اجمل التحايا والتقدير

أهلا" بالشيخه حتووووومه

وصح لسان الشاعر / معزي الشلاحي

مشكوره حتوووومه على التنويه

لله درك على هـ الابداع

صح لسان الشاعر و يسلم الذوق و لاهنت

ولا أنتي ياخيالة تميم

أسعدني تواجدك