اللقاء الأول " وش يقولون الناس عنك اول مايشوفونك "

.


.


السلام عليكم

انا اليوم مقطعني الحماس مدري شفيني خخخخ


كله من الشاهي الاخضر خخ


المهم


احنا اهل وقرايب مابينا مقدمات وفهرس

بدخل في الموضوع على طول

تتعرف على اشخاص وياخذون عنك انطباع النظره الاولى او اللقاء الاول ان صح التعبير

واحيانا لما تتعرف على ناس تاخذ عنهم فكره ومع الايام تكتشف انه فكرتك عنهم كانت صحيحه او خاطئه


فسؤالي وش يقولون عنك الناس اول مايشوفونك ؟؟

صارت معك وتعرفت على شخص واخطأت في الصوره اللي اخذتها عنه ؟؟

طبعا الفكره الاولى عن الشخص قابله للتغيير

وياشينها لاتعرفت على واحد وارتحت له وبالاخير طلع نشبه وولد ابليس ساعتها تقول شللي خلاني ارتاح له


هذا واشكركم جزيل الشكر والسلام عليكم ورحمة الله وبركاته


تعالوا ردوا وسولفوا اليوم خميس وبكره جمعه وبعده سبت

< احد يسطرها


.

ماشووف احد رد

ترا بهون وماانزل لكم مواضيع < تكفين

وعليكم السلام ورحمة اللة وبركاتة


اشكرك على هذا الطرح اختي السنافية

وهذي تصير دائما ياما طحت فيها ويتبين بعدين مثل ماقلتي نشبة

وما يستاهل تضيع وقتك معاة ومثل ما يقا ل وجة مغسول امرق

ههههههههههههههههههههههههههههههههههههههههههههههه
تقبلي مروري

فتى القوامين

هلا فتى


الله يفكك منهم ياكثرهم عاد


مشكووور

اللة يسمع منك

هههههههههههههههههههههههههههههههههههههههههههههه

هههههههه..
تسلم يمينك بنت عمو...!
داااايم نظرة الناس الأولى لي أني شاااااطره ومثقفه ..

بس لما يقعدون معي ينصدمووووون بالواقع المرير..!

أما عاااد الناس اللي تبتلشين فيهم!!
حدث ولا حرج كاااثرين هالأياااام !!

الله يبعدهم عنااا..!

تقبلي مروري...

السلام عليكم
سبحان الله فيه شغله ومعروفه جدا واعتقد الجميع يلمس هالشي بنفسه
عند مانشوف اي شخص لاول وهله نعتقد باننا نعرفه من زمان ونعتقد بان لنا معه مواقف
ونبغى متحيرين يارب وين شايفينه او وين جالسين معاه
والسؤال يبدأ من هنا
هل الارواح تتلاقا مع بعضها قبل ان تلتقي الاجساد(نعم)
لذلك نجد في بعض الاحيان من خلال رؤيتنا لكائن من يكون انطباع عنه بالمحبه اوالنفور
اكيد حدثت مع البعض هذه الحاله
والغريب ان في بعض الاحيان هناك شخص يكون الواحد يتمنى بان يكون صديق لهذا الشخص
والنقيض يأتي شخص أخر وهو عارض نفسه والتودد للمعرفه بنا و نرفضه
اما عن الموضوع ماذا يقول الناس عنك
بالنسبة لي بالنظره الجميع يقولون عني شخص متكبر ومتعالي (شكلي يوحي)
والواقع يكتشفونه لاحقا بانني طيب القلب وشفاف الى ابعد مايتصورون ويصارحوني بالانطباع الاول
الذي رسموه عن شخصي
وشكرا لصاحب الموضوع

اختي العزيزة السنافية

شكرا على موضوعك

الحقيقة الناس اجناس

والناس صناديق مقفلة

ولا يفتحها الا التجارب

ياما انغشينا في ناس الله يرحم الحال

شكرا مرة ثانية.

اول مشكورة اختي السنافيه على الطرح

ثانيا وش يقولون عني اول مايشوفوني ماعلي منهم
لكن من ناحيتي تعلمت بعد ما اكلتها عدة مرات من بعض النشبات والمظاهرالخداعه ؟؟؟؟...ودفعت ثمنها
صرت اعرف كيف التعامل مع الناس اللي اول مره اشوفهم ؟؟؟...
واقول لاتنخدعوا في بعض الالسن المعسوله والمظاهر الكشخات .
وهل تعرفون ((( الكشخة في اصل اللغة العربية ))) ابحثوا عنها في قوقل

والسلام

أنا من رايي أن الشخص إذا تعرفنا عليه

ماراح نعرفه من يوم أو يومين

المسألة تتطلب وقت للحكم عليه

ودائما يجب علينا أن نحسن الظن بغيرنا

وذلك في حالة عدم التأكد من المشكلة أو سوء الفهم

موضوع جيد للنقاش

الله يعطيك العافية أختي السنافية

بالنسبة لي بالنظره الجميع يقولون عني شخص متكبر ومتعالي (شكلي يوحي)
والواقع يكتشفونه لاحقا بانني طيب القلب وشفاف الى ابعد مايتصورون ويصارحوني بالانطباع الاول
الذي رسموه عن شخصي

بالضبط الحال من بعضه....

وياشينها لاتعرفت على واحد وارتحت له وبالاخير طلع نشبه وولد ابليس ساعتها تقول شللي خلاني ارتاح له

الحمد لله ماقط حصلي هذا ......

سنافيه مشكوره مواضيعج مميزه ...:)

هلا عزوة ابوها

داااايم نظرة الناس الأولى لي أني شاااااطره ومثقفه ..

اتخيلك دايم تسوين ظفيرتين هههههههههه

بس لما يقعدون معي ينصدمووووون بالواقع المرير..!

ماعليه بكره يتعودون

بس اتوقعك ذكيه وتشلخين

هلا راعي

سبحان الله فيه شغله ومعروفه جدا واعتقد الجميع يلمس هالشي بنفسه
عند مانشوف اي شخص لاول وهله نعتقد باننا نعرفه من زمان ونعتقد بان لنا معه مواقف
ونبغى متحيرين يارب وين شايفينه او وين جالسين معاه

ايه صحيح تقول ياربي كني اعرفه من زمان

ومثل ماقلت نشوف ناس ونحبهم وعلى العكس نتعرف على ناس ومانرتاح لهم

الارواح جنود مجنده

بالنسبة لي بالنظره الجميع يقولون عني شخص متكبر ومتعالي (شكلي يوحي)
والواقع يكتشفونه لاحقا بانني طيب القلب وشفاف الى ابعد مايتصورون ويصارحوني بالانطباع الاول

كويس انهم يعرفون العكس بعدين

والاحظ اللي تحسبه مغرور يطلع العكس تماما


مشكووور

هلا ابو وجدان


ايه صحيح كثير ننغش


الانسان اللي مايتصرف على طبيعته دايما تنغش فيه بعدين

قصدي اللي يحاول يتصنع شخصيه غير شخصيته في البدايه

عكس الانسان الصريح والعفوي في كل اوقاته وحزاته < يمديكم على حزاته

هلا بو رجا

ثانيا وش يقولون عني اول مايشوفوني ماعلي منهم

يبو شخصيه

يعني ماتهتم ابد

مو شرط اهتمام مثلا قابلت واحد وبعد فتره قالك سبحان الله ماكنت متوقعك كذا

لكن من ناحيتي تعلمت بعد ما اكلتها عدة مرات من بعض النشبات والمظاهرالخداعه ؟؟؟؟...ودفعت ثمنها
صرت اعرف كيف التعامل مع الناس اللي اول مره اشوفهم ؟؟؟...
واقول لاتنخدعوا في بعض الالسن المعسوله والمظاهر الكشخات .

وانا حصلي نفس الشي وماعرفت الا بعد فوات الاوان

يمكن انا انخدع باللي شكله طيب وبعدين تفاجئت انه العكس

اللي لسانه معسول مثل ماقلت هذا شخص يصعب التعامل معه

ماتعرف صدقه من كذبه !

وهل تعرفون ((( الكشخة في اصل اللغة العربية ))) ابحثوا عنها في قوقل

متكيسله اروح ابحث

حط المعنى الله لايهينك