قصيده في صفوة الخلق صلى الله عليه وسلم

السلام عليكم ورحمة الله وبركاته

واسعد الله اوقاتكم بكل خير وبركه

قصيده رائعه في النبي محمد صلى الله عليه وسلم

وتكفي صورة القلم والتي اثنا الله سبحانه وتعالى على نبيه وقال فيه

(وانك لعلى خلق عضيم)


[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
وبالنسبه للقصيده يقول الشاعر فيها = مبتداي بفاطر الوجـه شقـاق العيـون

جل رب يبدئ الخلق ومـن ثمـا يعيـد = ما خلق جنـه ولا الانـس إلا يعبـدون

الاله اللي على الكـون متفـرد وحيـد = ما يريد الرزق منهم ولا هـم يطعمـون

مطعم جنـه وانسـه ولا منهـم يريـد = الله الخالـق ولله فـي خلقـه شـؤون

جل كافينـا بالاحـوال قـدوسٍ شهيـد = علم الانسـان والجـان مـالا يعلمـون

الجليل الماجد الواسـع الفـرد المجيـد = العلي اللي له الخلـق كلـه يسجـدون

هادي النجدين جـلّ جلالـك يالرشيـد = ما دخلني بذات ربي هـوى ولا ظنـون

دون تشبيه وتعطيل فـي ذات الحميـد = اعبده مخلص له الدين والكايـن يكـون

واشكر الله ومن شكر نعمة الله له يزيد = رحمة وذكرى مـن الله قـوم يؤمنـون

والله ان المسلم اليـوم دايـم مستفيـد = واثر ان الحق مايجحده غير الكافرون

وجهنم مئوى كـل كفـار عنيـد = ماظلمهم ربنـا لا هـم اللـي ظالمـون

ربنـا الغفـار ماهـو بـظالـم للعبيـد = يوم انجاهم إلى البر .. ذاهم يشركـون

يجحدون بكفر وبكفـر يـزداد الجحيـد = يا الدنمرك اللعينه وش اللـي تفعلـون

ماتخافون الولي راعي البطش الشديـد = قل ابلله ورسـول الهـدى تستهزئـون

ليه ما خفتوامن اللي تقول هل من مزيـد = انتم اصبحتوا مثل هالبقر فيكـم جنـون

بل اشد من البقر يـا عساكـم للوقيـد = خلف شمطاكم عجوز البلا تستحكمـون

يامال الزلـزال مافيـه رجـالٍ رشيـد = والله ان اللي تحكمهم مـره مايفلحـون

لا عقل لا دين يـردع وتفعـل ماتريـد = إن كفرتـم بأنعـم الله شلّـي تدعـون

ما لفيتوا بكفر ثاني ولا جبتـوا جديـد = مثل فرعـونٍ وقـارون انتـم تفعلـون

زي ابو لهب و ابوجهل والاشقى الوليد = ما يضرك يا نبيّ الهدى مـا يرسمـون

هم حطيط ٍوانت سقفك هو العرش المديد = لا تخوضون بنبيّ الهدى .. لا تلعبـون

الله اقرب ياهل الكفر من حبـل الوريـد = بيس للي تكتب اليـد واللـي يكسبـون

بالرحيم الهادي الفذ ذو الراي السديـد = يارسـول الله والله القلـب مغـبـون

نار تصلى مهجة القلب وكل ماله تزيـد = كيف مسوا طهرت النور باللوان الجنون

كيف عاشوا لحظة الزيف من خط البليد = عملكـم تدنيـس طـه لا والله تهبـون

والله إل تبطون بالغيض ياكلاب الجليـد = هذا محمد صفوة الخلق تدري من يكون

سيد ٍ ما قـدر اوفيـه قـدره بالقصيـد = الرؤوف اللي مع الناس متواضع حنون

رحمةٍ حتى على الكافـر النغـل العتيـد =سيدي ياصفوة الخلق عنـدي ماتهـون

المحبة داخـل القلـب لا يمكـن تبيـد = قلت للي يرتعـد بيـن يدينـك بهـون

لا تخاف انا ابن من تاكل بمكـة قديـد = وانت افضل خلق ربي وخلفك يحتمـون

وانت اصدق خلق ربي وسيد السيد سيد = وانت خلق الله قبلك ابد مـا يشفعـون

وانت رعبك يرعب اعداك والكايد يكيـد = وانت اكرم من تكرم وعندك ما يجـون

والله ان قدرك رفيع ٍ ولك بـرج مشيـد = ياامـة الملـيـار بالله لا لا تاخفـــــون

ومن يدافع عن نبيه ترى هـو السعيـد = قاطعوهـم والله الا يجـون ويبلشـون

ادبوهـم حاولـوا انهـا مـا تستفيـد = والله ان النصر قـادم لقـوم يؤمنـون

والمصايب بعض الاحيان للعاقـل تفيـد = كن مع اللي مابهم خوف ولا هم يحزنون

وان اصابتهم مصيبه تلوا قول الحميـد = إنـنـا لله وإنــا إلـيـه راجـعـون

والصلاة اختام ما اقول والمغزى بعيـد = صل يا ربي وسلم على نـور العيـون

عبدك محمد رسولـك وآلـه يالمجيـد [/poem]


وصح الله لسان الشاعر الي قالها وللاسف ما اعرف اسمه واسئل الله ان يجزيه خير الجزاء على مشاعره تجاه النبي صلى الله عليه وسلم

ودمتم سالمين

عليه أفضل الصلاة والتسليم

صــح الله لــسان شــاعرها والله قصيده طيبه تشرح الصدر

وجـــزاه الله خــيرآ ،،، وجــزاك الله خــير سلامه العايد لطرحك الرآآئع

والله يعطيك العافيه ياذووق

اللهم صلي وسلم عليه

بارك الله فيك اخوي سلامه

في موازين الصالحات ان شاء الله

صلى الله عليه وسلم



صح اللسان الشاعر ولسان ناقلها




ولاتحرمنا من جديد ابداعك

اللهم صلي وسلم على محمد

جزاك الله خير سلامه لنقلك المميز

صح لسان الشاعر والله يثيبه لبوحه النقي التقي

اللهم صلي وسلم على سيدنا محمد وعلى آله وصحبه أجمعين

سيد ٍ ما قـدر اوفيـه قـدره بالقصيـد
الرؤوف اللي مع الناس متواضع حنون

فعلاً مهما نمدحه ونقول فيه ما نوفي قدره
سلامه جزاك الله خير على القصيدة الأكثر من رآئعة
وصح اللسان قائلها
كلام طيب يحرك فيك حب المصطفى والشوق الى لقائه
الله يجمعنا واياكم مع أفضل الخلق في دار كرامته

اللهم صلي وسلم على سيدنا محمد وعلى آله وصحبه أجمعين

سيد ٍ ما قـدر اوفيـه قـدره بالقصيـد
الرؤوف اللي مع الناس متواضع حنون

فعلاً مهما نمدحه ونقول فيه ما نوفي قدره
سلامه جزاك الله خير على القصيدة الأكثر من رآئعة
وصح اللسان قائلها
كلام طيب يحرك فيك حب المصطفى والشوق الى لقائه
الله يجمعنا واياكم مع أفضل الخلق في دار كرامته