صح الشمالي صدره أوسع من الكون...!!

صح الشمالي صدره أوسع من الكون..!!
بس إنتبه ..!! لاضاق صدر الشمالي..!!


وصح انك الغالي وانا فيك مجنون
بس انت ماقدرت من قال : غالي..!!


خيبت هقوات ٍ كثيرات وظنون
وأخلفت ماكان بخيالي وبالي


وخليت كل الناس عندي يقولون :
(مسكين يمشي بالهوى دون والي..!!)


والناس ناس ..!! وأكثر الخلق يدرون
باللي معك صاير .. وماقد مضالي


كم قلت لك لاتفعل اللي يسووون
خلك معى مخلص .. بأول وتالي


كم قلت لك إترك هل الهرج يحكون
وأرفع مقام الحب دايم بعالي


لأن الهوى مبدا وحكمه وقانون
شي ٍ كبير .... وشي .. شي ٍ مثالي


الله لو تدري اليا غبت وشلون ؟؟
حالي ... اليا من غبت.. وشلون حالي


لارحت ضلعي من عنا البعد محزون
حتى منامي ... لاحشا ... ماهنالي


وإن جيتني دمي وروحي يغنون
دبكة غلا .. من بعد طول إنشغالي


واليوم ماني فيك مغرم ومفتون
اليوم أنا في غيبتك صرت سالي


مالك ومالي .. ماانتْ للخافق تمون
وان قلت ليه..؟؟ اقول : مالك ومالي


وأكيد لك رجعه وأنا اكيد بكون
أحرقت صفحاتك ولا لك توالي


وبسّمعك ( أحلام ) .. لاجرت لحون
"وش ذكرك حب ٍ طوته الليالي"


نعم طويتك والغلا مات مطعون
حتى خيالك بقتله لاطرالي


ملعون أبو قلبي إذا جاك ملعون
وأنا معرب من عمام وخوالي


انا شمالي صدري اوسع من الكون
بس انت ماخليت صدري شمالي..!!

صح لسان الشاعر
وتسلم يمينك ياسلامه

تحياتي

عبدالله السويلم




صح بدنك وسلمت من الشر




يالغاالي




أشكرك على المرور الكريم



ياااذوق ...

مــــشكور اخوي سلامه العايد

صح السانك

أشكراك على أختيار القصيده الرائع

تسلم يمينك

فاارس الظلااام



صح بدنك ولا شكراً على واجب



أشكرك عل المرور الكريم



يالغاالي



دمت بود ...

تسلم يمينك سلامه ع القصيده الجميله

اعتقد انها رد على قصيده يقولون صدر الشمالي ما يضيق بساع

شكرا لروعة النقل

الله يعطيك العافيه

حااتميه




سلمتي من الشر يالشيخه



أبصراحه مدري يمكن تكون رد



على هذيك القصيدهـ



أشكرك على المرور الكريم ...

صح لسانك يا بن عايد
وتسلم يمينك لا عدمناك

أحمد الفضيلي




صح بدنك وسلمت من الشر يالغالي



أشكرك على المرور والحضور الكريم



دمت بود ....

صح الله لسانك ولاهنت

ذكرتني ببيت

يقولون صدر الشمالي مايضيق بساااااع

وانا اقول الصدور اليوم ماعادت شماليه

واليوم ماني فيك مغرم ومفتون
اليوم أنا في غيبتك صرت سالي


مالك ومالي .. ماانتْ للخافق تمون
وان قلت ليه..؟؟ اقول : مالك ومالي



صح اللسانك ولسان شاعرها


دمت بخير

عطر الخزااامى




صح بدنك ولا هاانت اياامك



نعم فيهاا نفس المعنى ....




باارك الله فيك واشكرك عل المرور



دمتي بود ....

نااصر السيف



صح بدنك يااالغااالي



نورة الصفحه بوجودك



أشكرك على المرور ....

لاهنت قصيدة جميلة

ننتظر ماهو جديد

تقبل مروري

محمد شاايع



اشكرك على المرور الكريم ...