لعيونكم يابني لام

الشعر من راسي أسوقه على الكيف
فــكـره ومـعـنـى وأوزن الـقـاف بـالـقاف
شـعـري جــزل مـايـنشغل بـالـتواصيف
(ألا يـاوجـودي) أو ( تـعـليت مـشـراف)
آرد عـلـى الـبـيت الــذي مـابعد شـيف
وأبــدلــه لــلــي يــقــول إنـــه إنــشـاف
مـاهـمـنـي لــــو اذبـحـتـنـي الـتـكـاليف
وإلا مـــداد الـحـبر عــود عـلـى الـجـاف
أرمـي الـقلم وأبـدع مـن الـقاف تـوليف
بــنـات فــكـري تـحـفـظه دون إسـفـاف
يــالابـتـي يـاعـزوتـي فـــي الـصـواديـف
يـامسندي يـامحزمي وقـت الإسـعاف
فـضـلـي وكـثـيـري والـمـغـيرة مـوالـيف
والــجــد لام ومــصـدر الــقـول شــفـاف
بـــدو تـلاقـينا وحـضـر(ن) وفــي الـريـف
وعـاداتـنـا وسـلـومنا حـسـب الأعــراف
يـاهـيـه يـالـلـي تـطـلب الـيـوم تـعـريف
إنـشـد وأنــا بـعـطيك تـفـصيل وأوصـاف
أربــع مـيـة عــام(ن) وعـليها بـعد نـيف
يــامــن تــعـرفـون الــعـدالـة والإنــصـاف
ســدنـا الـجـزيرة مـابـها شــك أو زيــف
ويـشهد عـلى مـااقول أجـواد وأشراف

لن يتم نشر عنوان بريدك الإلكتروني.

جميع الحقوق محفوظة لــ قبيلة الفضول

تصميم وبرمجة شركة  كيان للبرمجيات