فخر فخر

فخر فخر هالليله الدعوه فخر
فخر فخر يا فضول انتم لي فخر

فانهض يا هاجس وابدع ابيات القصيد
جمّل بيوت الشعر ببكار الفكر

بسمي وانا لاحم وببدعها أكيد
دام الشعر في لابتي مالي عذر

عنز لبن فصلا راعي الصوت الجهير
خلّه يشيل بلابتي جزل الشعر

يا لابتي والعز حنا له أهل
حنّا هل الطولات في يوم الخطر

حنّا سلايل طي في يوم اللقا
نقدم على الشدات نقدم في سطر

حنّا حزام اللي قصر درع وحزام
يرقد ويامن دام محدن له قدر

يبشر بنا يبشر بنا يبشر بنا
نبطش ولا نحسب حسابن للعمر

اللي نواتا خير يبشر بالسعد
يرحب ويقلط عندنا دايم صدر

واللي نوانا شر لا والله قعد
من قبل ينوي راح بيدينا نحر

حنا لها لا ثورت حنا لها
صغيرنا يغنيك لا منّه حضر

شهبان لا منّا ارتكينا للحمل
نليّن اللي كان بالماضي عسر

يوم العرب بين المجاعه والفقر
حنّا نخضب اركابها دمً حمر

ويوم انها بالخيل والسيف الشطير
سدنا وسمونا سلاطين العصر

فلا هنت يا هاجس على جزل البيوت
باهل الكرم واهل الحميّه والظفر

فخر فخر يافضول انتم لي فخر
ذخر ذخر يا فضول دمتو لي ذخر

الشاعر : لاحم الفضلي