ربعي الفضول

هاضت هواجيسي تبي تفخر اليوم
هاضت وهيّضت الشعر بستثيره

قامت تبارق ثم تراجد هالغيوم
همّالها جزل المعاني غزيره

تمطر فخر باللي يردّون الخصوم
اهل الفعول الكايده والشهيره

لي لابتن فيها زحازيح وقروم
ماهم يهابون الجموع الغفيره

اللي يعادينا ترا دوم مهزوم
حنا لنا فالحرب مليون سيره

ربعي فضول ملطّمه عايل القوم
من ضدّنا تصبح عيونه سهيره

ربعي فضول مزبّنه كلّ مظيوم
اهل السموت مسهله كل عسيره

حن مدلهين الجار والصيت معلوم
طيب المهادي ينذكر في قصيره

ربعي فضول موجبّه كل شغموم
لاجيتهم عابر لقيت النحيره

وختامها نعم القبايل على الدوم
نعمن بكل اهل الوجيه السفيره

الشاعر لاحم الفضلي

لن يتم نشر عنوان بريدك الإلكتروني.

جميع الحقوق محفوظة لــ قبيلة الفضول

تصميم وبرمجة شركة  كيان للبرمجيات