ياللي تنشد عننا حنا الفضول
من سلايل لام طيبين النسب
أنشد التاريخ عنا وش يقول
أنشد التاريخ عنا وش كتب
حنا هل الفزعات طيبين الفعول
واللي يعادينا فلا يامن عتب
ليا ثارت الهيجا نصولبها ونجول
ونلطم العدوان بساعات الغضب
نشوش فالغارات بظهور الخيول
وفي عدانا والله سوينا العجب
مانهاب الموت ولا فينا خذول
نارد حياض المنايا فالنشب
والله أن افعالنا تثير العقول
وكم شجاع (ن ) من فعايلنا ارتهب
يا مسندي حنا اليا قلنا ننول
ناخذ القطعان لو معها جنب
يشهدلنا العارض ولو ينطق يقول
أن الفضول أعظم قبيلة فالعرب
وحنا الفضول أهل الزعامه والأصول
كاسبين الصيت بالسيف الحدب
الشاعر علي العنيني الفضلي