فضول الكويت إلى متى ؟؟؟؟؟؟؟!!!!!!!!!!!!!!!!

وانا من السعوديه من قبيلة الفضول والله اجتماعات مافي ابد وانا ودي كل الفضيلي يجتمعون
ومن القبايل الي قريبه من الفضول وانا اضم صوتي الي صوت بو ثينان

الله يسمح أمركم

يارجااال خلها على الله

قبيلة الفضول مو على قلب واحد فالكوويت

السلام عليكم ورحمه الله وبركاته

بالنسبه للاجتماعات هو في اجتماعات بس ماترقى للطموح مثل اجتماعات باقي القبايل يعني حاليا بالكويت الرشايده فاتحين ديوان للقبيله كلها مساحته كبيره ويقدر يجمعهم كلهم هذا شيء جميل ونتمنى يسونه اعيال عمنا يعني احسن من كل يوم بدوانيه لعايله معينه نتجمع كلنا بديوان واحد احسن

وبالنسبه حق التبرعات والفلوس الحمدلله حنا العوارد مسوين صندوق للعايله من يدش واحد فينا عمره 18 يحط فيه مبلغ معين ومن فوايد الصندوق مساعده للزواج دفع الديه وغيره واجد طبعا والاتجار باموال الصندوق بالبورصه عشان اتزيد الفلوس اتمنى جميع عوايل الفضول يطبقون حركت العوارد ويسوون نفسنا

واخيرا بالنسبه للدواوين انا حاليا يحضرني موقع ثلاث دواوين
ديوان العوارد يوميا وباي وقت عنوانه الجهرا الواحه قطعه 2 شارع 10 مقابل الجامع الابيض البيت راس

ديوان المده بجانب ديوان العوارد البيت الي جنب العوارد بالظبط صباحا شياب وبليل شباب
ديوان اللبيجي نفس العنوان البيت الثالث
ودمتم بخير ولد عمكم عبداللطيف العاردي

مقترحات طيبه ونافعه لابناء القبيله
وياليت الكل يجتمع من خلال المنتدى ويتواصلون
واحب اسال اين يجتمعون ابناء القبيله في السعوديه

كل الشكر لك ياخوي مساعد على الطرح واتمني من الخوة في الكويت الفكير بشكل عملى المهم الخطوة الاولى .

تقبل الأول
حبي واحترامي
ثم تقبل مروري

السلام عليكم-اقتراح رائع جدا واحنا خمس عوايل كلهم موافقين ادينا مع اديكم
اتا فضلى بن صبيح ومثل لابتى__وعقالى مايميل دام ركنى قوى
وشكرا عادل بن صبيح سعود سويلم المهيريم الحمر الفضلى

نحن على مشارف انتخابات قادمه اقل من سنتين واحتمال حل المجلس في اى وقت وجميع القبائل لديها استعداد وانتباه لهذا الموضوع يا عيال عمي موشرط ان واحد من ابناء القبيله يفوز المهم ان القبيله تكون لها كلمه واحده بالانتخابات وتحديد هدف واحد يخدم ابناء القبيله عامه وتوجيه الاصوات الا شخص واحد بهدف الحصول على اكبر عدد ممكن من السكرتاريه لدى النائب لخدمه ابناء القبيله دون الرجوع الى الى نائب نفسه يكون ابن القبيله في خدمه ابناء القبيله في الدائره الخامسه تحديدا عدد ابناء القبيله كبير ويجب تحديد التوجهه من الان وشكرا للجميع ( اخوكم - محمد جاسم محمد غيلان المهنا القويماني الفضلي ) ديوان كل يوم الاثنين في منطقه مبارك الكبير قطعه 3 شارع 31 منزل 21 بعد صلاه العشاء

تسلم الايادي على طرح هالموضوع نحن في الكويت نحتاج الي شخص كبير يحل جميع مشاكل القبيله يعني مثلا شيخ
يوجه الجميع وكلمته مسموعه من جميع افراد القبيله كي يتسنى لنا ما يتسنى لبعض القبايل وهنى في الكويت بشرط لا يقول هذا كويتي هذا غير كويتي وهذا عنده وهذا ماعنده واللله نحن فعلا ياخوان محتاجين هالشي وليش ديوان الفلاني
ومايكون الكلام مجرد كتابة فقط وينتقل لمرحلة التنفيذ بإذن الله ..

حان وقت العمل المجلس انحل وجميع القبائل مستعده ويجب للفضول كلمه

كلام فقط لايتحقق حنا متفرقين خلونه بس بالمنتدى افضل

اقتباس:
المشاركة الأصلية كتبت بواسطة عادل الفضلي
كلام فقط لايتحقق حنا متفرقين خلونه بس بالمنتدى افضل


مع كل احترامي لك يا اخ عادل / عندنا ديوان مساء كل يوم اثنين وجميع القبايل واطياف المجتمع زارتنا الا ابناء القبيله العذر سابقا ماكو مكان يجمعنا / وانت واحد من الناس الي شفت الاعلان للديوان وليش مابادرت بالتواصل ولا اهيه شماعه احنا متفرقين وبس

مشكور على الموضوع الرائع والذي يحفز الصله بالرحم

اقتباس:
المشاركة الأصلية كتبت بواسطة محمد جاسم القويماني
اقتباس:
المشاركة الأصلية كتبت بواسطة عادل الفضلي
كلام فقط لايتحقق حنا متفرقين خلونه بس بالمنتدى افضل


مع كل احترامي لك يا اخ عادل / عندنا ديوان مساء كل يوم اثنين وجميع القبايل واطياف المجتمع زارتنا الا ابناء القبيله العذر سابقا ماكو مكان يجمعنا / وانت واحد من الناس الي شفت الاعلان للديوان وليش مابادرت بالتواصل ولا اهيه شماعه احنا متفرقين وبس



السلام عليكم لو مالكم معزه كان ماعاتبناكم ولاكن لاحياته لمآ تنادى اخاف اذا جيناكم حضورنا مثل عدم