قصيده مسنده لشاعر محمد الذرفي

السلام عليكم ورحمة الله وبركاته

هذه قصيده أسندتها على إستاذي بالشعر

وهو عمي الشاعر / محمد بن سند الذرفي

أقول فيها/

يامحمد وصلك القاف من ساعة ضيق ** وأنا اللي ليا ضقت غنية قافي

أوسع الخاطر بزين الطواريق ** لو بالصدر من الخوافي خوافي

وأسند ابياتي لشروا رجال(ن )مطاليق ** شرواك ياللي ليا وعدت تافي

وأنا يامحمد مااجيب بالهرج تلفيق ** صريح ولا همني هرج(ن) إخلافي

حلق بمغزاي يا أبو سند تحليق ** ترى للجبل مرقاب ولطعس سافي

ولا يالذرفي ياطول رقاب الغرانيق ** بوقت(ن) على الحر الأشقر عجافي

هالوقت نافق تحصل معزه وتصفيق ** ويسمونك القوم رجال(ن) سنافي

أحب أراوغ بالقصد ولا أحب توهيق ** ودوم مغزاي على الغشمان طافي

وأقول لسلف دقه وللقير تعشيق ** ولدرب مشتاق وللمواليف لافي

أحدن يتقابل مع خله بنصف الطريق ** وأحدن يعني لخله والقدم حافي

ليل الشتاء يالذرفي عذاب العشاشيق ** طويل وبارد ولابه حضن دافي

أصبح ولا يحصل لي فكت الريق ** وأمسي ولا يحصل لي تلحافي

رغت بالقصد ويعلمه رب المخاليق ** وريحت الضمير ولابي خلافي

وسلامتكم

وأرجو عدم وضع ردود إلى أن يتم وضع رد العم محمد الذرفي

صح السانك وعتلا شانك ياستاذي عمر

قصيدة في قمة الروعة والجمال دمت بخير وصحة وعافية

يا شباب لا تحسبوني احضرة الرد احضار بل هو من البارحة

عندما كلمني ابو عبدالله وعلمني بالقصيدة قلت لا تكتب قصيدتك حتى اجهز ردي عليك

وهذا ردي الان جاهز

وعسى يحوز على رضاك يالغالي

الصدر مصنع شعر والبوك تسويق >××< أخذ من اثقاله وكب الخفافي

واليا بغيت اغرق السوق تغريق >××< لا شك ماودي تعدى كفافي

راع الحفر سير على راعي ابقيق >××< ونور بنوره كل ماكان طافي

المدح والترحيب في مثله ايليق >××< يامرحبا ياشوق جال الرهافي

يالي عدوه كل مايسكر ايفيق >××< ياطوحت بيض العذارى الغدافي

اسند علي كنك على قمة اطويق >××< اصعد سنود وعلمن لاتخافي

اغنيك عن شوفات بعض المخاليق >××< وعطيك علم(ن) يابن الاجواد شافي

علم(ن) ترى ماهو بمزح(ن) وتعليق >××< تجارب اللي قال للوقت كافي

بس انت حيرتن وانا ماقدر اويق >××< على خفايا خافقك ياسنافي

فريتني (ك) مروحة طائرة ميق >××< ولاظن جفني عقب ماصار غافي

شوقتني لمجاذب الهرج تشويق >××< وتركتني في حيرتي وارتجافي

ياليت لو دققت بالوضع تدقيق >××< وعطيتني شرح(ن) لدعواك وافي

وعطيك حل وفلم للحل توثيق >××< يظهر خفا المكنون لو كان خافي

وتطبق اللي شفت بالفلم تطبيق >××< وتصبح مدير المدرسه بحترافي

سلامتك ياعمر لا تشكي الضيق >××< عساك يامشكاي دوم امتعافي

صح لسانك وإعتلا شانك ياأبو سند

عز الله كفيت ووفيت ولا جاء منك قصووور

وأنا أشهد إنها حاز على رضاي

تحياتي لك

ارحبو سلامه و ارحبو عمر

راع الحفر سير على راعي ابقيق >××< ونور بنوره كل من كان طافي
كفو بالذي سير ونصى رجال يستاهل من ينعناله
________

فريتني (ك) مروحة طائرة ميق >××< ولا ظن جفني عقب ماصار غافي
يسلم راسك يالذيب وجفنك .... لاعدمناكم

المشاركة الأصلية كتبت بواسطة سنجار وقفار

ارحبو سلامه و ارحبو عمر

راع الحفر سير على راعي ابقيق >××< ونور بنوره كل من كان طافي
كفو بالذي سير ونصى رجال يستاهل من ينعناله
________

فريتني (ك) مروحة طائرة ميق >××< ولا ظن جفني عقب ماصار غافي
يسلم راسك يالذيب وجفنك .... لاعدمناكم

اخوي سنجار وقفار

الظاهر فيك النوم هههههههههههه

شرفني مرورك يالغالي

دمت بأفضل حال

ارحبو عمر وارحبو سلامه....

أوسع الخاطر بزين الطواريق ** لو بالصدر من الخوافي خوافي
شكرا ابو عبدالله حتى حنا وسعت خواطرنا
وأسند ابياتي لشروا رجال(ن )مطاليق ** شرواك ياللي ليا وعدت تافي
كفوا ابو سند اي والله ياعمر ابو سند وافي ويفدنه عيون الشعر وعيون المها
أحب أراوغ بالقصد ولا أحب توهيق ** ودوم مغزاي على الغشمان طافي
اشوفك ياعمر تعرض بالخرازه تراها ماحد وهقها اسئل بوثنيان عنها

المشاركة الأصلية كتبت بواسطة عمر المسعر

صح لسانك وإعتلا شانك ياأبو سند

عز الله كفيت ووفيت ولا جاء منك قصووور

وأنا أشهد إنها حاز على رضاي

تحياتي لك

صح بدنك ياغالي

ولاعليك زود

انت دايما مبدع

تحياتي

المشاركة الأصلية كتبت بواسطة سنجار وقفار

ارحبو عمر وارحبو سلامه....

أوسع الخاطر بزين الطواريق ** لو بالصدر من الخوافي خوافي
شكرا ابو عبدالله حتى حنا وسعت خواطرنا
وأسند ابياتي لشروا رجال(ن )مطاليق ** شرواك ياللي ليا وعدت تافي
كفوا ابو سند اي والله ياعمر ابو سند وافي ويفدنه عيون الشعر وعيون المها
أحب أراوغ بالقصد ولا أحب توهيق ** ودوم مغزاي على الغشمان طافي
اشوفك ياعمر تعرض بالخرازه تراها ماحد وهقها اسئل بوثنيان عنها

اخوي سنجار

وراك مطفي النور الله يهديك من سلامه قصدك محمد ههههههه

ااسعدني تواجدك يالغالي

أما الخرازه فهي بين يدين العم ابن لام الدويسي ههههه

تحياتي

وعليكم السلام ورحمة الله وبركاته

جميل هذا التواصل الادبي
صوت و صدى ولا اروع

صح لسانك عمر
صح لسانك محمد

دآم هذا النقاء والود الأخوي الجميل

,,’,,

ارحبو لابتي عمر ارحبو ابوسند اهل المعاني الجزله مفاجاه جد رائعه سعدنا بها هذه الليله وسنجار حاول في الخرازه بس شكله ناسي يازنها

انا عندي خاطر ما يغشني اقولكم الليله هذي طيبه ارحبي حاتميه العذر ماني شاعر كان ارسلنا القصيد علي جناح الميق

الله يعطيكم العافيه

المشاركة الأصلية كتبت بواسطة إبن لام الدويسي

انا عندي خاطر ما يغشني اقولكم الليله هذي طيبه ارحبي حاتميه العذر ماني شاعر كان ارسلنا القصيد علي جناح الميق

هلا وغلا ابن عمي
يا مرحبا بك والطيب من طيبك
جُل حروفك قصيده ومعزوفه رائعه

ممـنوـوـونـه

,,’,,

المشاركة الأصلية كتبت بواسطة حاتميه

وعليكم السلام ورحمة الله وبركاته

جميل هذا التواصل الادبي
صوت و صدى ولا اروع

صح لسانك عمر
صح لسانك محمد

دآم هذا النقاء والود الأخوي الجميل

,,’,,

وجميل كذالك تواجدك

صح بدنك

المشاركة الأصلية كتبت بواسطة إبن لام الدويسي

ارحبو لابتي عمر ارحبو ابوسند اهل المعاني الجزله مفاجاه جد رائعه سعدنا بها هذه الليله وسنجار حاول في الخرازه بس شكله ناسي يازنها

أرحب ابو صالح

أسعدني تواجدك هنا

أما سنجار ماحاول بالخرازه جاب طايها بس ههههه