الفراق , يفض للحب البكارة !!

الهوى سلطان و الدنيا متاع=وابن آدم بين قدره و اقتداره

مايروم الحر لا شاف الرفاع =من علوّة في علّوة بنحدارة

في عروقي طفل في سن الرضاع=ماخذن من لون دمي احمراره

يبكي الشمع المضوى يوم ماع =رد له شمعه و رد اله اعتباره

المحبه من ضياع ن في ضياع=والحكي لاشك , لك انتي ياجارة

الهوى يجري بدمي للنخاع=وانتي الي تحسبين انها شطارة

يا وسيع العرف و عيونك وساع=تحملين من الصفا ومن الطهارة

شي يخلي كل وجهه وكل قاع =اتمنى دوستك , في كل حاره

الجمال الانثوي لاشك جاع=وانتي اشبعتيه في صدق العباره

ردفك المليان و ضلوعك جياع=وعنقك الي كنه اشبه بالمناره

المشاعر و العواطف في صراع=ماجمعها الا صلاة الاستخاره

السفيه مبحره بلا شراع=سالب و موجب نتيجتها شرارة

الوصال الي نهيته بالقطاع=مايفيده طب ولا استشاره

كنت لك محزم و كنت الك الذراع=كنت احسب اني ربحتك يا خساره

الهجوم يحد من صف الدفاع=شاعرك شرهته في اول نهاره

اثر فـ قلبك تهول وارتياع؟؟=كان ماتقوى الهوى ياخوي جاره

الوصال يزيد كل بنت ارتفاع=والفراق يفض للحب البكارة

يا تقول ابيك , او قول الوداع =وخلني مابين الاسما المستعاره!!

صح منطوقك ابن عمي
لاهنت ولا هان راس من جابك
ابيات روووعه...بأنتظااار جديدك..

الله الله

صح لسانك ولاهنت

ابيات قوويه ومميزه

ابداع في تسيطرها واحساسها

لله درك،،،

الله الله على القصيد الزين

صح لسانك أخوي طرقي

صح لسانك وجاد بنانك

دوم نتظر كل رائع قادم