الوليف اللب حصل

وانا سرحان طرى على بالي الاخ والصديق الغالي


الشاعر أبو رحمة


وأتت هذه القصيده



الوليف اللي حصل...


ياصاحبي منتب على الرد مجبور
مير الوليف اللي حصل ماحصل لي


عجزت ارمم والعظم حيل مكسور
والجسم ناحل والهوى مايخلي


في بعده احسب له دقايقه بشهور
ومالي في بعده غير شعرٍ يسلي


احب حب جنون ماني بمسحور
فتني الرمش الطويل المظلي


مابه حسوفه لكن اليوم مقهور
يشتاق قلبي مايكل ويملي


ابكي ودمعي كاشفٍ كل مستور
بين بداخل صدري ان له محلي


ودي بشوفه لحظهٍ ماهي ادهور
وإن كان مايحصل وش اللي يحصلي


يا خوي تكفى قل لي العلم والشور
ويش السواة وخلني في محلي



وسلامة قلوبكم



ولما علم بالقصيدهـ ابو رحمة رد علي يقول



لاصار همك بين الاضلاع محصور
والدمع فوق الوجن دايم يهلي


ارضى بنصيبك والفلك دوم بدور
والجرح يبرا بالصبر لا تملي


داري على قلبك ولو كان مقهور
ترى البشرياصاح تحب التسلي


لاتتبع الاوهام وتعيش في جور
مستقبلك اول والاوهام خلي


انا اذا اخطيت ماني بمعذور
ياصاحبي هون على القلب كلي


هذا كلامي والطريق صار محضور
ما ابغى دموعك فوق خدك تهلي




وصح لساك يا الشاعر الجزل




ربي يحفظكـ




أخوكمـ



صالح بن محمد العبيد الله آل بويت الفضلي

اسلم اسلم

صح السانك يا صالح بن محمد العبيد الله آل بويت الفضلي

هذا القصايد ولا بلاش

قافيه ومعنى وتصوير رائع ورديه اروع وصح السان خويك

ولا تحرمنا من روائعك يالغالي

صح لسااانك ولسااان خويك



وتسلم يمينك ياالغاالي أتحفناااا


باااللي عندك ولا تبخل عليناااا ....

راعي العليا


صح بدنك يا الذيب ولاهنت

على الرد السريع المباشر :)


ربي يحفظك و يخليك


إحترامي لمرورك و لشخصك

أخوكـ

صح الله لسانك ولاهنت

وننتظر الجديد

سلامه العايد

صح بدنك يا الذيب


أبشر بعزك ما طلبت إلا عزك يا الذيب


لا هنت على التواجد الطيب


ربي يخليك

أخوكـ

عطر الخزامى


صح بدنك ولا تهوني


ربي يحفظك

مشكور على هالطله

أخوكـ

اثاريك شاعر امير .. ! مشاءالله تبارك الله

قلـم رائــع وتميــز بلا حدود

احسـاس راقي ومـرهــف

رسمــت لنـا اجمــل لوحــاتكـ الـرائـعه

وابـدعــت فيهـا فأتحفتـنا

حضرت لاكـون شـاهـدة عـلى روعـة حــرفكـ

دمت ودام عطرك الفواح بتميزكـ

واافر إحترامي وتقديري

صح لسااانك ولسااان خويك