ابي رد منكم يا بنو لام

السلام عليكم ورحمه الله وبركاته ...
ابي اسالكم سوال شاغل بالي ومحيرني !!
الحين الفضول كانوا حاكمين نجد وحنا كلنا نتفق على هالموضوع
بس سوالي
1_متى بدأ حكم الفضول للجزيره العربيه؟
2_ومن هم الي ماسكين الحكم في ذاك الوقت ؟
3_طيب وين كانت شمر \وعنزه\وباقي القبائل عن الفضول يعني شمر وعنزه وباقي القبائل كانوا تحت حكم الفضول ؟

وياليت تجيبون على اسالتي الطويله وشكرا لكم يا عيال عمي........................ والسلام ختام.

هلا والله وبشر باللي يرضيط

طال عمـرك ماهو الفضول فقط اللي كانو مسيطرين علي نجد بل بنو لام كافه كانت مسيطره

الفضول والكثران كانو مع بعض وتحت راية بن عروج

وكانت منازلهم اعالي نجد

اما المغيره فكانو مسيطرين علي اسافل نجد من الشعرا الي نفود السر شرقآ

اما سؤالك عن عنزه فهيا كانت موجوده في منازل مطير حاليآآ

ومنازل حرب كانت تنزل فيها قبيلة الظفير

اما شمر ماكانت لهم علاقه ولا تحدهم بأي حدود

القبائل التي لها تاريخ مع بني لام هي قحطان والدواسر وسبيع والسهول

وبني خالد

هذا اللي انا اعرفه وحسب معلوماتي البسيطه

واتمنا اني افدتك

وعليكم السلام ورحمة الله وبركاته

اولاً بخصوص قولك متى فأقول لك وقت نزول بني لام في نجد هو في القرن السادس الهجري حتى نهاية القرن العاشر

اي ان هناك شيوخ لم تذكرها المصادر وايضاً اشعار لان تلك الفترة لا يوجد التدوين

وايضاً هناك في الشام فضل بن ربيعه فهم يرجعون ايضاً لبني لام وهم أمراء العرب في الشام وهم الذين حاربوا التتار

مع الظاهر بيبرس

واما بخصوص قبائل عنزة وشمر فكانت موجوده في ذاك الوقت بعد خروج بني لام من نجد إلى الشمال والعراق بسبب القحط

احتلت مكانها قبيلة عنزة وايضاً عنزة ارتحلت وذهبت إلى الشمال بسبب القحط هذا اللي اعرف.

يعطيكم العافيه يا اخوان على الرد السريع وشاكر لكم على المعلومات القيمه وننتظر من الاخوان المزيد