صفحة جديدة 2
 
 
العودة   مجلس قبيلة الفضول التوثيقي الرسمي الأول - وموقع واجهة القبيلة > مجالس القبيلة > مجلس الشيخ ـ سلمان بن عبدالله الدبوس ـ لـ نسب قبيلة الفضول
 
 

مجلس الشيخ ـ سلمان بن عبدالله الدبوس ـ لـ نسب قبيلة الفضول قصص , مآثر , وثائق , بلاد

إضافة رد
 
أدوات الموضوع
#1  
قديم 28-08-2011, 05:21
أسد الفضول
ضيف
لوني المفضل Cadetblue
 رقم العضوية :
 فترة الأقامة : 19812 يوم
 أخر زيارة : 01-01-1970 (04:00)
 المشاركات : n/a [ + ]
بيانات اضافيه [ + ]
قصة وقصيدة الشايب والبنت ....




بسم الله الرحمن الرحيم
السلام عليكم ورحمة الله وبركاته:

بدايه القصه عن شايب اسمه حمدان وهواوي ( قلبه أخضر ) ما يشوف بنت الا ينفتن ومشهور بانه حبيب



فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون




راحت له وردت عليه السلام كيف حالك يا شايب رد السلام والله بخير الله يعافيس


وفجأه عطته ظهرها ومشت ولا استإذان ولا شيء


ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه


يقول الشايب :





يا بنت خوذي خاطري وارحميني
لا تجرحين العود بعيونك السـود
غضي نظرك وغطي الوجنتينـي
لعل يومٍ جدد الجرح مـا يعـود
يوم انتهى مع مرمسات السنينـي
جتني صواديفه على غير مقصود
باول شهر عشره نهـار الثنينـي
حمدان مروا به على جنازة حمود





البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل


ردت عليه وهزأته تقول





يا شايب الرحمن وينـك ووينـي
عزي لحالك قدمك الباب مسـدود
قلبك عطوف وجاه قلـبٍ متينـي
والبنت ما تشفق على مغازل العود
حبل الرجا مقطوع بينـك وبينـي
مثل الغليث اللي رعا قلبه الـدود
اقفى شبابـك والعـرب مقبلينـي
يا عود ما يرجع من العمر مفقود





حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه


يقول حمدان :





يا بنت صـدي بالعيـون الظليلـه
لا صد عنـك الله نهـار القيامـه
مالي ومالك يالفـروع الطويلـه
لو فيك من رسم البـداوه علامـه
يابنت مـا لـي بالثمانيـن حيلـه
اهدف كما تهدف على البير قامـه
اقفى شبابي والدهر شفـت ميلـه
يالله حسـن الخاتمـه والسلامـه
اعطيك موجز والبضاعـه قليلـه
واخذت لك من صافي الماء سنامه






راحت الايام والشايب مسكين سنه خذله معها شايب وهي بنت وتقول له كيف اعطي شايب وجه



بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب



يقول حمدان






يا بنت ما جاس الكبـر والخشونـه
وعادت شباب اليوم يجفل من الشيب
ياسرع ما وبلـك تمـزع مزونـه
يالفاتنـه يـا ام الثمـان الرعابيـب
يا بنت مـا بينـي وبينـك مهونـه
كلمة شرف نبي تحيـه وترحيـب
الله مـن عـودٍ ثقيـلـه طنـونـه
ينصاه راع المشكلـه والمواجيـب
على الكرم والديـن نفسـه حنونـه
تلقاه بالاجـواد شـرق وتغاريـب





جهز الابيات وارسلها مع عجوز ووعد العجوز بهديه اذا وصلت الرساله لها


راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته ترجعني بابياتي


العجوز مسكينه قالت طلعيني ولا ابي منكم شي الله لا يعودكم انتم واوراقكم



ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف



تقول البنت





العود عود وطايحـاتٍ سنونـه
من كثر ما يرقد على جرة الذيب
عودٍ مهرقل والعرب ما يبونـه
ياعود ما لك في طويل المراقيب
اقفى شباب العود راحت حتونه
مثل اليتيم اللي بكا ما له مجيب
جداه ينثر دمعـة ٍ مـن عيونـه
غريق موجٍ ما لقا له مقاضيـب






هذي قصة الشايب والبنت وسلامتكم وتحياتي للجميع .....
الشعطاني الظفيري .....




رد مع اقتباس
قديم 28-08-2011, 02:40   #2
العود الازرق
ضيف


الصورة الرمزية العود الازرق

بيانات اضافيه [ + ]
 رقم العضوية :
 أخر زيارة : 01-01-1970 (04:00)
 المشاركات : n/a [ + ]
لوني المفضل : Cadetblue
رد: قصة وقصيدة الشايب والبنت ....



هههههههههههههههه

في منتهى الروعة

الف شكر لك يابن العم ع الطرح الجميل

سلمت يمناك يارب يعطيك الف عافية

ربي لايحرمني منك ولامن ابداعك

دمت بحفظ الله ورعايته


 

رد مع اقتباس
قديم 28-08-2011, 09:52   #3
أسد الفضول
ضيف


الصورة الرمزية أسد الفضول

بيانات اضافيه [ + ]
 رقم العضوية :
 أخر زيارة : 01-01-1970 (04:00)
 المشاركات : n/a [ + ]
لوني المفضل : Cadetblue
رد: قصة وقصيدة الشايب والبنت ....



الله يعافيك وماقصرت على المرور الجميل يا جمييييييييييييييييييل.


 

رد مع اقتباس
قديم 31-08-2011, 06:35   #4
شموخ الجموح


الصورة الرمزية شموخ الجموح
شموخ الجموح غير متواجد حالياً

بيانات اضافيه [ + ]
 رقم العضوية : 13639
 تاريخ التسجيل :  06 2021
 أخر زيارة : 24-06-2021 (04:43)
 المشاركات : 6,700 [ + ]
لوني المفضل : Cadetblue
رد: قصة وقصيدة الشايب والبنت ....



هههههههههه

الصراحه ثقلت عليه كثير الله يعينه

يعطيك الف عاافيه

بجد امتعتنا بروووعة هالقصه

دمت بحفظ الرحمن


 

رد مع اقتباس
قديم 03-09-2011, 04:08   #5
أسد الفضول
ضيف


الصورة الرمزية أسد الفضول

بيانات اضافيه [ + ]
 رقم العضوية :
 أخر زيارة : 01-01-1970 (04:00)
 المشاركات : n/a [ + ]
لوني المفضل : Cadetblue
رد: قصة وقصيدة الشايب والبنت ....



يعطيك العافية يا شمووووووووووووووووووخ.


 

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:42.


Powered by vBulletin® Copyright ©2000 - 2024,

ارشفه ودعم شركه جامعه الويب


HêĽм √ 3.2 OPS BY: ! ωαнαм ! © 2011-2012
new notificatio by 9adq_ala7sas
Ads Organizer 3.0.3 by Analytics - Distance Education
مجلس قبيلة الفضول التوثيقي الرسمي الأول - وموقع واجهة القبيلة