إسأليني

إســــأليني كـان عندك لي سؤال =منّـــك اتلذذ ســـماع الأسئــلـــه
إسأليني كــــود يسنح لي مجــــال = الخجل عندي مسبب مشكــلـه
كني ألمح من ورى صوتك جمال= أجمل الإحساس صوتك يحمله
تـشـــــعل الأشــــواق نــبـــرات الدلال = يــخــتــلج بــالقــلب منـها زلزله
خـــلّـــني المــحـــك بالقلب اشتعال = عيني شفقانة نظر مستــعجــله
لاتــــجافــــيـــني وتقطع للــــــوصال = الوصـــل واجــــب عليـــنا نوصله
أعــــرف انّـــك يالغلا صعب المنال = لـيتــني يــازيـــن وصلك نايــله
اعـــذريــــني كان مطلوبي خيــــال = ذي مـــشاعــر في حشايا صايــله
جــــيت ابيح الوجد في حـلو المقال = صــاير(ن) هـم(ن) بقلبي شايـله
بـــس حــســيــت التــــغلّي مــا يــــزال = والــمــــسافــــه يـــالعنيده هايـله

صح لسانك واعتلا شانك

شاعرنا

عبداللطيف العلي

على هذه الذائقة الرائعة الجميلة

سوف نسئلك دوووما الجديد القادم الرائع

كلماات رآئعه
صح لساانك واعتلا شاانك
بإنتظار جديدك ..

ابن عباد صح بدنك

أسعدني مرورك


تحياتي لشخصكم الكريم

شموخ عزي صح بدنك وكلك



لكي مني أطيب تحاياي

الله الله

صح لسانك ولاهنت

سلمت يمنآآآك وسلم لنا احساس

ابيات جزله ومعبره


فالك التوفيق ياخوووي....

شموخ صح بدنك وكلك




رائعة في مرورك ياخيتي


لكي مني أرق وأعطر تحية

صح لسانك شاعرنا القدير

قصيدة رائعة من شاعر رائع

تسلم يمناك أخوي عبد اللطيف

علوش الفضلي صح بدنك


مرورك أروع اخوي


لك مني أجمل تحية