عضو في ضيافة مجلس الشعر..

صح لسانك يالمغيري ولاهنت

وبنتظار حروفك واحساس ابياتك على احر من الجمر طال عمرك .........

1- ماهي علاقتك بالشعر ؟!!



2- من هو شاعرك المفضل ؟!!



3- اعضاء تثق في ذائقتهم الشعرية ؟!!


4-عضو تقول انت سوبر ستار متذوقي الشعر بنبض العاصمه؟!!


5- بيت شعر يحضرك دائما ؟!!



6- قصيده تعدها من اروع القصائـد ؟!!



7- هل لك محاولات في كتابه الشعر ؟!!




8- لك مساحه بلآ حدود وحرية بلا قيود امتعنا بقصيدة على ذوقك ؟!!



9- بيت شعر اذا ضاق صدركـ ترددهـ ؟!!


10- اهدي بيت شعر لعضو بـ المنتدى ؟؟


11- أجمل بيت غزلي مر عليك .؟؟



هذي الاسئله نتمى نشوف ردكم عليها

شاعرنا عبداللطيف الفضلي

واستاذنا المغيري

وكبيرنا ابن عباد

1- ماهي علاقتك بالشعر ؟!!

-الشعر لغة الروح التي تعجز احيانا التعبير عنها بالكلام المطلق.

2- من هو شاعرك المفضل ؟!!
-من القبيلة:

الامير عبدالرحمن العوده الله يرحمه
عبدالله الثنيان الله يرحمه

عبدالله السويلم (ابوجهاد)
ناصر بن جفران
ابن ديرتي المراح عبداللطيف العلي

من خارج القبيلة:

كثير لكن يشدني كثير شعراء حائل بالدرجة الاولى لتميزهم الرائع والذوق الرفيع بعذب الكلام

كذلك الشعراء مثل ابن لعبون و داهية الشعر بندر بن سرور و راشد بن جعيثن

3- اعضاء تثق في ذائقتهم الشعرية ؟!!
-ناصر السيف(ليت يرجع مثل اول يطرح القصائد الرائعة الجميلة)

4-عضو تقول انت سوبر ستار متذوقي الشعر بنبض العاصمه؟!!
-حاتميه

5- بيت شعر يحضرك دائما ؟!!

يقولون من يلفي بليا عزيمه...... لامن ضواه الليل يرقد بلا فراش
ومن باع قلبه ماطلب فيه قيمه..... يستاهل اللي يرخص النفس ببلاش
ويامساير العالم بنيه سليمه ...... لزوم تنسى انك خاين وغشاش
قدرتك اول احسب ان فيك شيمه ..... واثرك مراية وجه وان غبت غشاش

6- قصيده تعدها من اروع القصائـد ؟!!


السد بـاح وبيـح السـد غاليـن
ذكرتنـي يازيـن وقـتٍ مضالـي

اعجبتني يا زين وانـت متعديـن
واشغلت قلبي يا حسيـن الدلالـي

على النقا سيد المها لـو يحاكيـن
واللي على وضح النقا ما يبالـي

قلوبنا من جملة الغـش صافيـن
اصفى من العد القـراح الزلالـي

يا غصن وردٍ ناعـمٍ بالبساتيـن
لا هب نسناس الهوى فيه مالـي

الخشم سيف وصافي السحر بالعين
يذبح وفي يمنـاه رمـح الهلالـي

والخد برقٍ يجهـر المستخيليـن
احمر عطر صنعه عزيز الجلالـي

والغره الحلوة تحـف الحجاجيـن
واللي ورا الغره شبيـه الهلالـي

لا شفت ناسٍ حول حلياه حلويـن
حيّر قدم رجلي و زوله طـرا لـي

سيد المها واسمه ببعض الدكاكين
اغلى قمـاشٍ بالدكاكيـن غالـي

الحب عذبنـي وعـذب كثيريـن
مانيب أنا الاول و لانـي بتالـي

بعـدك يعذبنـي وقربـك يسليـن
ضيعت قلبي يـا حلـي الغزالـي

اشغلت قلبي وانت سالي وناسيـن
ياليتي ادري ويش قلبـك نوالـي

حال النوى بيني وبيـن المحبيـن
والبعـد زود علـتـي عزتـالـي

قلبي يحن وهل دمعي مـن البيـن
رغم البطى والبعد مانـي بسالـي

الحي لابده يجي لـو بعـد حيـن
وش عاد لو صارت سنين وليالي

اهل الهوى دايـم تراهـم ذليليـن
وانـا تخوفنـي جهامـه ظلالـي

واختم جوابي وابقى القلب تأميـن
وانت الوكيل بسـر قلبـي بدالـي

7- هل لك محاولات في كتابه الشعر ؟!!

لي محاولات....


8- لك مساحه بلآ حدود وحرية بلا قيود امتعنا بقصيدة على ذوقك ؟!!

الله واكـــبـــر يـــازمــــان مــضــالـــي
اجنـي زهـور الــورد والقـلـب مـرتـاح

فــي وســط بسـتـان مـريـف الـظـلالـي
والـــيــــوم لاورد ولافـــيــــه تـــفــــاح

مــن صــد محـبـوبـي وهـجــره بـدالــي
امشي واسج واصفـق الـراح بالـراح

امشـي وانــا كـنـي مــن العـقـل خـالـي
والقلـب فـي بـحـر الهواجـيـس سـبـاح

عـلـى لطـيـف الــروح حـسـن الـدلالـي
صافـي البهـا مـن عـوده الــورد فـيـاح

لوقـلـت ابـدلــه عـنــه مـانـيـب سـالــي
وشلـون ابدلـه عنـه والبـال ماأنـسـاح

والــــى ذكـــــرت ايـامــنــا والـلـيـالــي
نجلـس ســوى والـهـم والـغـم مـنـزاح

والـيــوم اشـوفــه راح يـتـبـع بــدالــي
لاقـلــت سـيــر قـــال مـــولاي مـــاراح

قـلـت المـحـب الـــي يـريــد الـوصـالـي
يتبـع هـوى المحبـوب لـودونـه ســلاح

يتبـع هــوى المحـبـوب لـوكـان غـالـي
ولايــطــاوع كــــل عـــــاذل وكــســـاح

والله يـامـهـجـة فــــؤادي فـــــلا لـــــي
غيـرك مـن الزينـات يـانـور الاصـبـاح

وانــت عـديـل الــروح وانـــت حـلالــي
وانتـا هـوى قـلـبً غــدى كـلـه جــراح

عــفــت الاقــــارب كـلـهــا والاهــالــي
من شان حبك ياهوى الروح وان راح

قـالـو يـمـيـن وقـلــت دربـــي شـمـالـي
لاتـعـذلـون الـقـلـب مـاعـنـده اصـــلاح

هيـهـات ابــدل مـجـلـس الـعــز غـالــي
واصيـر بـاالـزلات مــن بـعـد الافــراح

يـاأهــل الـهــوى يـاعـارفـيـن بـحـالــي
قـولـو سـمـاح وكــل سـمــاح وضـــاح


9- بيت شعر اذا ضاق صدركـ ترددهـ ؟!!

- لاضاق صدري قلت مطولك ياليل
الله يعين اللي شكى من حبيبـه

اقول وين الصبح يانجمة سهيل
ماجاء من الونات قلبي يجيبـه

حبيت ذاك الزين وأسرفت بالحيل
أمشي على دربه وأقدر قريبـه

والقلب ممروضٍ ولايقدر الشيل
ومن رداة الحظ هـذا نصيبـه

يابو العيون اللي هدبهن مضاليل
إرفق على قلبٍ وصالك طبيبـه


10- اهدي بيت شعر لعضو بـ المنتدى ؟؟
-
اشوف لي ناسٍ على غير ماجوب
تهرف كما تهرف جياع الذيابه

لوان قلبك من هوا البيض معطوب
مالمتني لا من بكيت بغيابه

كن الغضا في داخل القلب مشبوب
لا واعذاب القلب لاواعذبه

انا احترق قلبي من الشوق ويذوب
وقلبه اشد من الحجاره صلابه

الناس في صوبٍ وانا اعيش في صوب
وخلي قفل دوني مزاليج بابه

انا اشهد ان الحظ ياناس منكوب
يامن يدور لي علاج الصبابه

نويت اجنب عن هل الحب واتوب
واحكم على القلب العليل الرقابه

11- أجمل بيت غزلي مر عليك .؟؟

أنا والليالي وابيات القصايد فـي امـل لقيـاك
اقول الشعر والليل الحزيـن يعـدّ نجمآتـه

نعزّي نفسنا ننطر تسابق لهفتـك وخطـاك
نقول ان الخطى تقصر ولا تسبـق للهفآتـه

أماني عاشت بصدري اغاني داخلي تهـواك
تموت ان غبت وان رديت عاش الليل وابيآته

أنا مقدر على بعدك على صدك على فرقـاك
يموت بغيبتك قلبٍ نزف لك حـر حسرآتـه

دخيل الصبح في وجهك دخيل الليل لا غطّاك
دخيل الرمش لاسيّر علـى خـدك بسجآتـه

دخيل الجمر والسكردخيل البلسـم! الفتّـاك
دخيل اللي تثنّـى ليـن عذبنـي برقصآتـه

اخيرا

اشكر جزيل الشكر الغائبة التي اتمنى ان تعود وتمطر علينا من جديد
سحايب الروائع والابداع

عبير الورد

لقد اشتاق لها المجلس كثير لطرحها المميز

كما اشكر جزيل الشكر للدعوة الكريمة من بنت العم

شموخ

على متابعة الموضوع من جديد وتنشيطه وبث الحماس فيه

بارك الله فيك ويعطيك العافية

وش كثر فالكون أشياء ثمينه - - - - - من ذهب والماس ولولو مع جواهر

قالو أختر قلت قلبي خابرينه - - - - - ما يدور للمكاسب والمظاهر

علم اللي يحسبن قلبي رهينه - - - - لا عشق ماهوب خبل بس ماهر

راح يم اللي تهقواها امينه - - - - - منهو غيرك والله أنت يا جواهر

كان تبغينه فداك اللي تبينه - - - - - وكان رحتي سامحيني يا جواهر

نحمد الله عد ماهل من مزنه مطر = خالق الأكوان ربٍ على خلقه كريم

مرحبا باللي لفونا عدد نبت الزهر = في لقانا ياعسى الله للّقيا يديم

داعج العينين يالابس الثوب الحمر = يجرحك بالخد لاهب نسناس ونسيم

حن بني فضلٍ على المعتدي مثل القدر = من نوانا ماتهنّا عن الدنيا عديم

حن هل العادات واهل المراجل والظفر = سابقين الناس من ماضي الوقت القديم

مرعبين الضد عاداتنا شوف الخطر = في لقانا للعدا نشعل الدنيا جحيم


هذه القصيدة من قصائد العرضه ومن قصائدي القديمه

-الشعر لغة الروح التي تعجز احيانا التعبير عنها بالكلام المطلق.

2- من هو شاعرك المفضل ؟!!
-من القبيلة:

الامير عبدالرحمن العوده الله يرحمه
عبدالله الثنيان الله يرحمه

عبدالله السويلم (ابوجهاد)
ناصر بن جفران
ابن ديرتي المراح عبداللطيف العلي
......
كفو ابن العم الشاعر الوافي ابن عباد وما عليك زود
يستاهلون الثناء

لقد اشتاق لها المجلس كثير لطرحها المميز

كما اشكر جزيل الشكر للدعوة الكريمة من بنت العم

شموخ

على متابعة الموضوع من جديد وتنشيطه وبث الحماس فيه

بارك الله فيك ويعطيك العافية
.......
نثني على ختامك الًرائع ونشكر جميعا جميل حضورك
ونثرك لكل هذا السرور والفائده هنا وفي كل جنبات مجلسناالعامر .

ألف شكر لك على تواجدك أخوي ابن عباد

أتحفتنا بهذه الأبيات الجميلة

السلام عليكم ورحمة الله وبركاته وبعد

يشرفني استضافتكم لي بهذا الموضوع

1- علاقتي بالشعر منذ الصغر فهو الهواء الذي أتنفسه


2- شاعري المفضل فصيح المتنبي

نبطي خالد الفيصل


3 أثق في ذائقة ابن عباد وشموخ الجموح والاخ علوش وليعذرني من نسيت أسماءهم


4- الاخ علوش الفضلي




5- قصيدة أعدها من أروع القصائد (خلق البشر


سبــحان من يـخلق من الطير قرنـاس = ومــن الكـواســر ضيـغمٍ ما يــهابِ
ومن الرجال اللي خذ الطيب نومــاس = يــبغى الستـيره من كــلام الغيــابِ
ومنهم له الهــيجا كما افراح واعـراس = يــجنــدل الـفرسـان يــوم الخرابِ
ومنــهم حكيــم وثـاقب القـول مـقـواس = لـه حكـمةـٍ في حـل كل الصعابِ
خلق الـبـشر يفـرق به اطياب وانـجاس = هـذا اصيــل وذاك كـلــه خــرابِ
مــعــدن بـعــضهم في تـواصيفه نحاس = وبـعضه ذهب وصفه يبيله كتابِ
يــاحــي قــومٍ فـعلــهـم يــرفــع الــراس = يخضع لشـيـبتـهم جميع الشبابِ
في مـجلـسٍ عـالي رفـيـــعٍ عـلى سـاس = مجلس كرم ماصك له يـوم بـابِ
أشــتـــاق للــقــهـوة تــقلـــّب بــمحماس = تشب نارك والحطب لك يــجـابِ
دق النـــجــر واطبــخ لنا اليــوم بـقياس = ســمــرا حـسينه حسنها ما يعابِ
يــاريــحة القــهــوه ترى طيب الانـفاس = بـــهــارها هيــلٍ بـصفــرٍ عذابِ
عـز الله انـي في هــوى الكيف محتــاس = مـن دونــها تصبح حياتي سرابِ
ويا ما حـلا الجلسه على رمـل الاطعاس = في ليـلةٍ قـمــرا وومضة شــهابِ
نــجــومها تــضوي لها اشــكال واجناس = زيـنــة ســمانا ماحـلاها عــجابِ
وصـــلاة ربي عـــد مــاهـــب نســنـاس = وعداد ماسال المطر في الشعابِ
على نــبــيــنا المـصطــفى سيّــد النــاس = اللي مــسح بالـحق كل الريـــابِ

7- أنا شاعر نبطي وفصيح

8- قصيدة على ذوقي

إسأليني

إســــأليـني كـان عنــدك لي سـؤال = مــنّـك اتـلــذذ ســـماع الأســئـلــــه
إسأليني كــــود يسنح لي مـجــــال = الخــجـل عندي مـسبب مــشـكــلـه
كني ألمح من ورى صوتك جـمال= أجمل الإحــساس صوتك يــحــمله
تـشــــعل الأشــواق نـبـرات الـدلال = يــخــتــلج بــالقــلـب منـها زلـزله
خـــلّـــني المــحـــك بالقلب اشتعال = عيـني شفقانــة نـظر مـــستــعجــله
لاتــــجافــيـــني وتقطع للــوصال = الوصـــل واجــــب عليـــنا نوصله
أعــرف انّـك يالغلا صعب المنال = لـيــتــني يــازيـــن وصلك نـايــلـه
اعـــذريـــني كان مطلوبي خيــال = ذي مـــشاعــر في حشايا صايــله
جــــيت ابيح الوجد في حـلو المقال = صــاير(ن) هـم(ن) بقلبي شايــله
بـس حــسيـت التـــغلّي مــا يــزال = والــمــــسافــــه يـــالعنيده هايــله


9-بيت شعر أردده اذا ضاق صدري

بطير من ذا الكون واجلس لحالي = وابوح سدي للفضا دون مخلوق

10- ياشموخ المح بنظراتك شموخ = بالأدب والشعر لك قلبٍ فطين

أجمل بيت غزل مر علي لعنترة بن شداد

وودت تقبيل السيوف لأنها = لمعت كبارق ثغرك المتبسم

وأخيراً أشكر أختي شموخ على الاستضافة ودمتم بخير

شاعرنا الغالي عبداللطيف الفضلي

صح لسانك ملاييين ولاهنت يابعدي...

استمتعنا بروووعة ماسطرت لنا ‏

طبعا كل حروفي تعجز انها توفي حق الاعجاب بأحساسك
وقلمك الذي يشدني لكل حروفه بقووووة

حفظك الرحمن واسعدك....

تحياتي وتقديري.....

الشاعر

عبداللطيف العلي الفضلي

كل الشكر لك على المشاركة الطيبة

صح لسانك واعتلا شانك

شاعرنا الكبير عبد اللطيف الفضلي

تسلم على ماأتحفتنا به في هذا اللقاء

وصح لسانك على القصائد الجميلة

أشكرك على الثقة الغالية

موضوع رائع ...متابعه لگم ....لگم تحياتي ♥