لولا الخطا محد(ن) تعلم من الناس .. .. ولو الجفاء محد(ن) عرف قدر غاليه

من كلمات الشاعر علي بن سعود

[poem font="Simplified Arabic,7,black,bold,italic" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

البارحه والهم والفكر والياس = صبن على راسي ومافيه يكفيه
والجو من بعد الفرح صابه أعماس = وكثرت على صدر المولع بلاويه
من زلة أغلى الناس عندي بالأجناس = ماهوب طبعه جعل ربي يعافيه
خلا معاليق الحشى منه يباس = والعين تذرف دمعها من معانيه
مدري سمع هرج(ن) من الناس وأحتاس = والأ ظروفه عن غرامي تعاديه
ياصاحبي حذراك من كل بلاس = يحكي معك واللي حكى معك يحكيه
زليت قل زليت وأقول لا باس = أدم خسر جنته من زلت إيديه
لولا الخطا محد(ن) تعلم من الناس = ولو الجفاء محد(ن) عرف قدر غاليه
الحب له لذة وله طعم وأحساس = بذات لا صار الغلا عايش(ن) فيه
قلت الحقيقه ماصفالي ولا راس = حتى رفيقي صد عني وأنا أبغيه
لأني شريف الطبع مبني على ساس = عايش مع الواقع وعارف مواريه [/poem]

شكرا اخي الفاضل سلامة

على هذه القصيدة الرائعة

صح السان من قالها

دمت بعافية.

الحب له لـذة ولـه طعـم وأحسـاس
بذات لا صار الغـلا عايـش(ن) فيـه

صح لسان الشاعر

وسلمت يمناك اخوي سلوووم على هالنقل الرائع

تحياتي

صح لسان الشاعر .. صح لسان ناقلها


الله يعطيك العافيه على هذا الطرح الذووووووق


أحترامي وتقديري لكَ


دُمتَ بأحسن حال

الله الله على الذوق الراقي

قصيدة ولا أروع

صح لسانك ولسان شاعرها

الله يعطيك العافية على النقل

لولا الخطا محد(ن) تعلـم مـن النـاس
ولو الجفاء محد(ن) عرف قـدر غاليـه

تسلم على الإختيار الرآآآئع

الله يعطيك العافية سلامه

صح لسان شاعرها وسلمت يمينك

الله يعطيك العافيه

فيه احد قد قال لك قبلي انت ذوق ؟؟

بس عاد موب يكبر راسك علينا..

ثكرا قصيده رايقه