|
|
 |
 |
|
||||||||||
 |
 |
| مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
 |
|
|
أدوات الموضوع |
|
#1
15-12-2010, 01:32
|
||||||||
|
||||||||
|
بـرد وحـنـيـن وغـيـاب !!
برد وحنين وغياب ! يعني الحزن واجد ! واللي عيونه في عذاب بيلقى التعب واحد !! هذا الصباح أول صباح ! في عام فرقانا ! أنت وأنا وأحلامنا ! يعني أنا صرت أكبر أكبر كثير من ليلة البارح ! ما صرت أغص بدمعتي وبجرحي أتعثر ! صرت أضحك وقلبي إن لمحك ما يرتجف يبكي ! وإنْ مر طيفك في دمي ! مــــ أشتاق لك وأحكي ! صرت أكبر وأكبر وأكبر كثير من ليلة البارح ! شفت يا عيد عمري كيف أنا ما اكتفيت من جروح خذت قلبي بوصف التمام ! كل جرحٍ سكن بي لين طاب المبيت لين صرت أحسب إني للمواجع مقام ! أشهد إني لصوتك وأمنياتك وفيت وماحدٍ غيرك أسقيته دموعي غمام ! أصدق الحب كان لعين قلبك عطيت وأعذب الشعر من روحي وهبك الغرام ! بس !! وش عاد باقي لو بكيت وشكيت دام مالي بقلبك غير سمْ الكلام ! سم الكلام الصمت ! واحساسك الجارح وأنا الوحيدة في مدى هالحزن مالي من جراحي ملاذ ! ولو بغيت أكذب عليّ وأقول تغليني ! تنطق جروحي في حشاي وتنادي البارح ! ليل الرحيل السرمدي وآخر خطاوينا ! وهذا الصباح أول صباح في عام فرقانا ! يعني ذبل الكلام ! وماتت أمانينا ! وكثرت بي جراحي وصارت كثير ! أكثر من البارح ! مافيه كلمة تشافي جرح وجداني
إلا إني أروح دون أطالع عيونك ! باخلّي القلب يرحل طفل وحداني ما عاد تفرق معه ما دام من دونك ! يعني هو أصلاً مع دنياه بــ يعاني ما هو جديد عليه يعانق طعونك ! باروح يكفي ! من الحرمان ماجاني ماتت بساتين حلمي ترجي مزونك ! كم مرةٍ قلت تسقيها على شاني أتذكر دموع قلبي يوم يرجونك ! كنت أترجاك وأحصد شوك خذلاني كنت أنتظر قلبك ينادي علي عونك ! وتمسح من عيون قلبي نظرة أحزاني وتلمني داخل أنفاسك على هونك ! وأغفى على صدر حلمي وأنت ترعاني كنت أحلم أصحى وأنا عصفورة غصونك ! أغرد لقلبك الغالي من ألحاني كنت أجمع حروف قلبي لجل يرضونك ! كنت أحلم وذبلت أحلامي بحرماني وأينع رحيلك وأنا بعروقي أصونك ! يعني بأموت أنزفك من قلب شرياني وبتصير حتى السماء تمطرني بلونك ! يا كبر حزني وقلبك ضم نسياني وحتى نسايم حنيني ما يضمونك ! بأرحل وأخلي الصبر والصمت خلاني يكفيني إن قلبي أقفى دون ما أخونك ! 
|
|
31-12-2010, 09:33
|
#3 | |
|
المراقب العام
|
رد: بـرد وحـنـيـن وغـيـاب !!
يا كبر حزني وقلبك ضم نسياني
وحتى نسايم حنيني ما يضمونك ! بأرحل وأخلي الصبر والصمت خلاني يكفيني إن قلبي أقفى دون ما أخونك ! تسلم ع الابيات والكلمات الرائعه ولاتحرمنا من جديدك المميز ودي واحترامي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
