لاهنت يالغزي.. والله يالفضول أفعالكم ترفع الراس.. جود وكرم ومرجله

فهد رفاعي كتب:

الأعزاء جميعا

بلفته كريمه من الأخ الفاضل: داوود بن سلمان الدبوس

اقيم مهرجان للطيور حضره جمهور كثير من الصقاقير من جميع المناطق وقد تخلله
سباق لأسرع صقر وأسرع شاهين وقد وزعت الهدايا للفائزين وكما وزعت هدايا على الجمهور ولجنة التحكيم.

فكل الشكر للأخ الفاضل داوود الدبوس لأقامته هذا المهرجان وتشجيع هواة الصقور وان دل هذا على شيء انما يدل على غيرته على موروثنا الشعبي وهواية الأجداد ومحافظته على هذه الهواية من الأندثار.

وقد كتبت هذه القصيدة الأرتجاليه عندما رأيت الجمهور الكثير والمخيم الرائع الذي أقيم فيه المهرجان والخدمات التي تدل على كرم راعي الحفل وجوده.


لاهنت يارجلن له الطيب عنوان = من عادته كسب العلا والنواميس
داوود صيته عند بدو وحضران = طيبه تعدى بالفعول المقاييس
حافظ على موروث جده بليهان = يوم ان له في قمة المجد تأسيس
اودع لجمهور الصقاقير ميدان = وجوايزن لفروخها والقرانيس
لفته كريمه لصقاقير لاهان = يومن غيره من كرمهم مفاليس
للبعض هرجن وهو بالفعل بان = الله يفكه شر الأشرار وابليس
ولاهو غريبن طيبكم يابن سلمان = يوم انت رجلن من رجال الدبابيس


* منقول من منتدى النداوي المختص بشؤون الأبل والصقور والتراث
للعضو فهد رفاعي.

السلام عليكم ورحمة الله وبركاته
والله وسبع انعام في ابن العم داوود بن سلمان الدبوس
وهذا شي مو غريب على ابناء العمومه
وصح السان من قال القصيده وصح السانك
ابن العم \ طيب الراس
الف شكر لك على نقل الموضوع المشرف للمنتدى
اخوك \ الحر

صح السان من قالها

وهذا ماهوب غريب على ابن الدبوس شيخ ولد شيخ

بس كان علمتنا عن المهرجان على شان نحضر

عزيزي الحر,

صح بدنك

الله ينعم بحالك ونعم بجميع الفضول مرجله وجود وأخلاق طيبه
منذ قديم الزمان وشاكر لك مرورك الطيب.

عزيزي ابومطلق,

تسلم من كل شر ياابومطلق
وبخصوص المهرجان الجايات أكثر طال عمرك وإنشاءالله يستمر ابوسلمان
في مثل هذه الأنشطه الطيبه التي تعني بتراثنا وأصالتنا .

السلام عليكم

الاخ / طيب الراس

الله لايهينك على هالمشاركه

وسلمت يمينك على النقل الرائع

وعليكم السلام ورحمة الله وبركاته,

الأخ/ أخو حوشه

الله يسلمك ياخوي وأشكرك على مرورك الرائع يالغالي.

وش رايك ياطيب الراس

نجيب صقورنا في المهرجان الجاي

كود نفوز ;)

إنشاءالله في الهرجان القادم نكون أنا وأنت واللي يبي يجي من الأخوان
في المهرجان حنا وصقورنا وكود نفوز;) ,