محاورة بين بوش وبلير!!!

هذه محاورة بين بوش وبلير :


بلير
الله لايجـزاك بالخـيـر يـابـوش
ورطتنا فـي حـرب صـدام ورطـه
غرمتني وتقـول بتـرول وقـروش
بس الحقيقه روحتـي معـك غلطـه

بوش
يابلير رد العلم عن بوش إبن بـوش
الله خلقـنـا للمقـاريـد سـلـطـه
وأبـوي عنـده للرياجيـل دنبـوش
كـم واحـد شلنـا فلوسـه ونفطـه

بلير
أبوك والنعمين لكن انـت مربـوش
تمـوت بالبتـرول وتحـب شفطـه
صحيح عندك مال وسلاح وجيـوش
ميـر اتوقعلـك تدهـور وسقـطـه

بوش
يابلير كانك خفت يوم إحتمى الهوش
حـرام ماتاخـذ مـن النفـط نقطـه
قبلك ترى شيراك قـد راح مكـروش
شوفـه يصـرح كـل يـوم بمحطـه
بلير
وراك ماتعطـي لشيـراك عرمـوش
تـراه مشغلنـا بشيـلـه وحـطـه
وليا انتهى موضوعنا نرسل طـروش
ونجمـع المبلـغ مـن الربـع قطـه

بوش
شيراك هذا عنـده الفكـر مغشـوش
فرط علـي بمجلـس الامـن فرطـه
يـدزه اليابـان والصيـن ويطـوش
ومجهـز الفيتـو لتحقيـق شرطـه

بلير
يابوش انا مرهق وخايف ومدهـوش
وأنت تقول الحـرب خدعـه وخطـه
أسراي واسراك امتلى منهم الحـوش
عزالله أنـه اصابنـي منـك جلطـه

بوش
ماقلتلك كم فيـه إذاعـات ودشـوش
لاتكشف المعنى وانـا اقـول غطـه
وان قالوا انّا علوج واصحابنا جحوش
ماهمنـا الصحـاف واللـي يحـطـه



منقول

هههههه

اتحفتنا ياقعقاع الخير
بارك الله فيك

بومشعل

حسبنا اله ونعم الوكيل
انا لله وانا اليه راجعون
هذا من ضعف وهوان المسلمين واختلافهم وتفرقهم
اللهو ردنا الى حياض دينك رداً جميلاً
اللهم اضرب الظالمون بالظالمون واخرجنا من بينهم سالمون غانمون
اشكرك اخي القعقاع على مشاركتك

الله لايوفقهم ان شاءلله


ويجعل تدبيرهم في انفسهم




مشكور اخوي على الموضوع

يعطيك العافية أخوي القعقاع على هالنقل الموفق .

والله يورينا بهم عجائب قدرته .

تحياتي
أبو عبد الله

ههههههههههههههههه




القعـقـــااااع




بارك الله فيك على هذي المحااوره



الله يعطيك العاافيه




ونسلم يمناااك على النقل



دمت بود ...

اشكر الجميع



على المرور و التعقيب