كل ماجيت اتناسى

كـل ماجـيـت اتـناسى وابـنــسى ماقـويــت = ذيـك الاعـوام الخـليــة بكـل احــوالــها

يا ما عايــشـت الرفـاقة وبالطيــبـة مشيـت = صحـبـة زيــون الفـعايل زهت باقوالها

آه من ذكرى قديمه على الـذكـرى بـكيــت = دايـم الدمـعــات تـجـري وذا منـوالــها

من هميل دموع عيني توجّدت و شكيــت = سـربت من عقـب ماهي تصب زلالـها

ذكرتـني مـن مـعـاهـم تـعـلـمـت وربـيــت = مـن مـراجـلـهم فـريـدة قـلـيـل امثـالـها

لاهب الجمرة شكا في بطن رجلي وطيت = مادرت عـنـها الـقـدم زود هــمّي طـالها

من يـعــز القـلب مــنهـم بـذا الأيـام مـيـت = تــحـزن النفس الجريحة بفـقـد رجـالـها

يالله المعـبــود ياخــالـق الدنــيــا رجــيــت = باسـط الأرض الكبـيـرة ومرسي جبالها

طالـبـك يارب الاكـوان تـغـفـر ماخـطيـت = نـجّني مـن حــرّ نـارك وزود اهـوالـها

طالبـك فـردوس الاعـلى كريـمٍ لـ عطيت = بـيــن الانـهار وفـواكـه كثـير اشـكـالـها

الله الله ‏

صح لسانك شاعرنا المميز والراآآآآآآئع


ابيات قوووية وهيضت معها كل الذكريات


دنيا ماخوذ خيرها وماحنا ماخذينا منها
غير اعمالنا ‏......

وعلى قولت المثل عاشر من تعاشر فلابد من الفراق

وطعم الفراق والوقوف على الاطلال مر......

الله يسعد الجميع ولايفرق عن محبينا ‏

ويجمعنا في الفردوس الاعلى ان شاء الله


اسعد الرحمن قلبك ‏.......

صح لسانك مدد بلا عدد

شاعرنا

عبداللطيف العلي الفضلي

تسلم الايادي ويعطيك العافية

يابعدهم

صح لسانك أخوي عبد اللطيف

دائما مبدع

شموخ الجموح


هلابك ملايين



لكلماتك الجامحة أثر في نفسي ولشموخك المذهل اجلال واكبار في نفسي



صح بدنك وكلك


لكي مني أجمل تحية

ابن عباد



صح بدنك ملايين


أسعدني مرورك



لطك مني كل الشكر والتقدير

علوش الفضلي


صح بدنك يالغالي



لك مني كل التقدير والاحترام