وش البيت الشعري اللي اذا ضاق صدرك تردده؟

**
*


قل للعيون اللي شكت بعد الأحباب
وقل للدموع اللي من الشوق هلت

وقل للشعور اللي من الهم منصاب
وقل للجروح اللي بالاحساس حلت

وقل للخفوق اللي عجز عنه الأطباب
ترى المشاعر من عنا البعد ملت ..}}

*
**

يااللي تكون الحياة أقصى مدى مجده....ألـهـاه وقـتـه وضاع بوسط دوامه

مسكين مايدري إن الدمع في السجدة....يبري هموم الزمان ويرفع الهامة

يا صاحبي لا تحزنك [ سوء ] الأوضاع
ربّكـ [ يفرّجها ] .. مثل ما عقدها

كل الأوادم صابها [ طلق الأوجاع ]
ذاقوا رصاصتها , و [ طابوا ] بعدها

ياضايق الصدربالله وسع الخاطر
دنياك يازين ماتستاهل الضيقة
الله على مايفرج كربتك قادر
والله له الحكم في دبرة مخاليقه

يا معلق آمآلي معك [ بالتوافيق ]
لا أشوف لك خد من [ الدمع ] غآرق

بأجلس على هالحآل لو ينشف الريق
و لو كلنــآ على [ العنـــآد ] انتزارق

من شفت وصلك ضيق و مفارقك ضيق
[ كنسلت ] موضوع الوصل و المفارق

**
*

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت


*
**

بعض العرب حبه يوردك الجنون
ولا يوصف له غلاه احكاك له

ما يقنعة وصف الغلا لو وش يكون
لو كل حرف بالحرير يحاك له

الموت جاك وهو تقلبه الظنون
ولا لك الا الصبر ....وش وداك له

ان قلت ضايق ..قال..هونها تهون
مايدري ان ضيقتك لة ..وبكاك له

تقعد تحبه وانت ساكت ومغبون
يمكن بيوم يقال لك ما اوفاك له

على متن الجبل هذا جلست اذكر حكاياتي
جلست استرجع الماضي وصدري ضاق بهمومه

تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه

يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه

نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه

تجرعت الالم بدري وخاوتني معاناتي
مشاعر ضمها صدري من الافراح محرومه

/

/


صبر المواطن صار لأحزانه حزام
معلّق آمالـه بـمعـلاق النصيـب


اول حياته مـن .. دوام الـى دوام
واخر حياته .. من طبيب الى طبيب

( يـا لـيـت رجـال يـبـدل بـــرجــال
ويـــا ليــت فـي بــدل الـريــاجيـل حيلــــه)

أبي لازادت جراحك تخيلني وتناديني

وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني

وقل ياكثر ماخلي كتب لي شعر وأهداني

ترى لو للقصيد عيووون والله ماتقديني

لأني للقصيد عيون وإسمك رمز ديواني

*
**

الليله الضيق عنـدي واصـلٍ حـده
الشرق الاوسط بكبره ضاق في عيني

والدمع أرده وبعض أحيان مـا أرده
حرارتـه تشعـل الاوراق بيدينـي

ياحر شوق الوصال اللي بعـد مـده
تكويه رغبة لقـا الغالـي ويكوينـي

لهايب الشـوق فالاضـلاع مشتـده
تحملـي نبـض قلبـي ياشرايينـي

*
**

*
*
*

الدمع ماهو عيب رح علم اللي يقول عمره ما بكى في حياته


الدمع ما يقطع [[ صلاة المصلي ]] ... والضحك مثل ابليس [[ يقطع صلاته ]]

يقولون: بعض (الحب) ياخذك بالقوّة !!
وأنا أقول: بعض (الحب) يفدنّه .. سنيني !!
مدام أنت في عيني وصورتك ( محلوّه )..
سهالات , دام إنك تسيّر على عيني !!


,,,,,,,,,,,...,,,,,,,,,.....,,,,,,,,,,,,,,,,,,,,

تعلم تحـترم حب وتعـلم تحــترم انسان

تعلم دامها الدنيا عطتك الدرس مجاني