صبر عاكَول

صبر عاگول

انا الصابر .. صبر عاگول بالبيد ..
من يعطش ..
رمل بشفايفه ايضوگ ..
وآنه عاشور ..
ما يتصافه وي عيد ..
حتى ابضحكتي ..
بالعبرة مخنوگ ..
طحت ..
عود اخوتي ..
هدوا هواديد ..
اشو ردوا عليه ..
وآني مطگوگ ..
گمت مجبور اشاگف ..
وآني بس ايد ..
شصد بأيد وحده ..؟
وهي راشوگ ..؟
اتلاوه وياي حظي ..
ملاوه عربيد ..
سبع والله ورفعته ..
وشلته ليفوگ ..
ماطخ النخل راسه لصواعيد ..
اليريد الرطب .. يصعد للعثوگ ..
ماطخ راسي لحد ..
مثل ميريد ..
ولاگل للحرامي ..
ابراحتك بوگ ..
آني الچنت اكد اعله الكواديد ..
وانه امزامط طحت ..
واجناحي مشبوگ ..
لجل هاي الوكت ..
هددني تهديد ..
وشلع گلبي شلع شجره ..
من العروگ ..
الف وسفه ..
طحت وآني الچنت حيد ..
وطلعت اگبال شامت ..
ثوبي مشگوگ ..

للشاعر محمد رحيمه الطائي مع ارق الامنيات للجميع اخوكم طه الكبيسي

طه الكبيسي



صح السانك ولسان الشاعر



تسلم على الطرح الجميل






ولاتحرمنا من جديد ابداعك