|
مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
|
أدوات الموضوع |
#1
|
|||||||
|
|||||||
!!! كررررروش للشاعر عبيد ابن رشيد رحمة الله !!!
ولقد اخترت لكم هذه القصيدة للامير عبيد العلي الرشيد وهي من اشهر قصائدة وهي على البحر المسحوب وقصتها ان الامير عبيد رفض طلب من والي مصر عباس باشا الذي كان يرسل وفودا سنوية لشراء الخيل العربية الاصيلة لاسطبله الكبير في مصر وعندما وصلته الوفود لشراء فرسه كروش رفض الامير بيع فرسه لهم وفي اخر القصيده يؤكد انه بيع ماراح يبيع كروش واستثنى انه يهديها للامام فيصل بن تركي آل سعود ان طلبها حيث انه هو من اعطاه اياها في البداية. >>>>>>>>>>>>> كـــــــروش <<<<<<<<<<<< يابيه انا لكروش ماعطي ولا بيع علمت قبلك فيصل وابـن هـادي يابيه لو كثرت بالقـول ماطيـع ياحيف تبغينـي اسلـم جـوادي يابيه مايرهم هلى مثلهـا البيـع ولايجي مثلـه بقـودة مهـادي ماجمع اصله بالقراطيس تجميـع اصله يعرفونه جميـع البـوادي باغ الى من لقموهـا المصاريـع وصاح الصياح وثار عج الطرادي انهج عليها وتعـدي بالتراثيـع مثل الفحل لاصار وقت الهـدادي واصلها لعيون بيـض مفاريـع فوق الحنايا والسبايـا غـوادي هذاك بيعـة والصبايـا مفاريـع بين القنـا ومخفـرات الهنـادي هذاك بيعه كـان ماتفـه البيـع لن منهن جلبن بسوق المـزادي يابيه انا لا اسمع جوابك ولا طيع هرجك بمقلة ناظري والفـوادي ياسابقي مانرخصك بالمطاميـع حتمٍ ولو قيل ارفعـه بالحـدادي ابغي الى ثار القضا بالزعازيـع وحطوا على عجلاتهن العـدادي بيوم يشيب من وحاه المراضيـع حدين حاديهن من الخوف حادي انطح ورا ربعي وجيه المداريـع واقضي عليها دينهم والعيـادي وانشد عن افعاله بعاد المفازيـع هو هرجنا ذا كذب والا وكـادي من لابة بالحرب ماهم مطاويـع ولاتحسّـب بالمـداس العـوادي حلفت مايطري علينا بها البيـع للحشر مايفخت سواده سـوادي مادام راسي للريـاح الذعاذيـع بالعون طالبها من الناس غـادي وديارنـا حامينهـا بالمرابـيـع واضدادنا عنها تجي بالحيـادي ألا ان بغاه الليث حنا مخاضيـع ولامره هو فوقه كما البدر بـادي هذاك انا وحداي لامره مطاويـع فرز الوغى صياد من لايصـادي حر يفدع بابرق الريـش تفديـع ولا يفرس الا من كبار الثنـادي طير السعد يفرح قلوب المراضيع تشتاق له معها وهو بالمهـادي يدرا وترجي من وراه المنافيـع الليث يرحي للعطايـا الزيـادي اودع مصاعيب القبايل مراجيـع والخيل جاته من عمـان تقـادي وصلوا عدد ماحيش مال ومابيع على نبي للـورى خيـر هـادي وسلامتكم ............. |
04-04-2008, 12:22 | #2 |
ضيف
|
رد : !!! كررررروش للشاعر عبيد ابن رشيد رحمة الله !!!
القرم
صالح الدعفس صح الله لسانك ولسان الشاعر ومليار نعم فيك وفي الشاعر وهوفارس و شاعر يعرف كيف يصخر المعنى بجزاله وانت مميز ومبدع في اختيارك الله لا يهينك وعساك فالوجود على العز... وتقبل جل التحايا |
|
04-04-2008, 12:26 | #3 |
VIP
|
رد : !!! كررررروش للشاعر عبيد ابن رشيد رحمة الله !!!
تسلم ويسلم اللي علي الطيب ربوك يالغالي ...
لا هنت علي مرورك الرحب ...... والف شكر لك ياجدي .... ودمت بحفظ الرحمن .... |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|