هجينيه بالصوت / قصيدة الشاعرعمرالمسعر و مجاراة الشاعر محمد الذرفي

السلام عليكم ورحمة الله وبركاته


قصيده أسندتها لشاعر الغالي / محمد بن سند الذرفي

على قولت راعي الفاطر يوم يقول لصاحبه


أما أنت هيجن ليا هيجنت
و إلا أنت عن فاطري حول



و إليكم رابط تحميل شيلة القصيده / بصوتي أنا عمر المسعر

http://arabsh.com/ki0ol6ezy93m.html




أقول/

أكتب قصيده أبي أرتاح
لاضاق صدري أغنيها

جودي على فركت المسباح
والعين تشفق لغاليها

من يوصل العلم له ياصاح
إن كان حالي جهل فيها

قله ترا ماني إبمرتاح
والنار بالقلب صاليها

ياليت عيني تشوف أشباح
ولا هنوف(ن) تمنيها

مجنون ليلى زمانه راح
واليوم هايم بواديها

أثر الهوى بالزمن سفاح
لاصاب قلوب(ن) رثع فيها

غنية أبياتي وسدي باح
وبـانـت علوم(ن) مخفيها

أكتب قصيده أبي أرتاح
ليت أبو سند يجاريها





ــــــــــــــــــــــــــــــــــــــــــــــــــ ــــــــــــــــــــــــ


وهذا رد العم محمد الذرفي


وإليكم شيلة القصيده / بصوتي أنا عمر المسعر


http://arabsh.com/178asvvca62y.html





ياعمر وأنا معك منصاح
لو تطلب الروح لهديها

لاتشكي جرحك على الجراح
علتك محدن يداويها

إلا أبو نهود(ن) كما التفاح
هذاك ينعشك طاريها

يابن عطر الحبيب وفاح
مواجع الروح يبريها

أسأل مجرب زمانه راح
مواجعه كان يخفيها

ياما ركض بالطريق وطاح
والعين نومه مجافيها

ماعمر برق الأمل له لاح
لاشك مازال يرجيها

أهله علي ياصديق إشحاح
الله يزين تواليها




وبعد أن وصلني رد العم محمد الذرفي على قصيدتي


تقلبت مواجعي وقمت بالرد بهذه الأبيات


وكان ردي إسنادا" لقول الله تعالى ( المال والبنون زينة الحياه الدنيا )

أقول /

عرضت جروحي على شراح
ثم قام بالموس يدميها

قد شب نار(ن) بلا قداح
وأنا أحسبه جاء يطفيها

أخذت علم(ن) مهوب إمزاح
وأنا اللكاعه ما أدانيها

عن النخل إنشد الفلاح
كود الثمر من سواقيها

مير النخل حاجته لقاح
من شان يثمر بحاليها

ولافيه نور(ن) بلا مصباح
ظلمتك يالليل يضويها

ولافيه قفل(ن) بلا مفتاح
وخزن الذهب عند واليها

لو ماشكيت العنا يا بداح
للي كحلها ويعميها

ــــــــــــــــــــــــــــــــــــــــــــــــــ ــــــــــــــــــــ


وقد رد العم محمد الذرفي بهذه القصيده /


ترفيه حرب(ن) بليا السلاح
قوم العرب بدعت فيها

أزعلتني يارفيق ابدااح
مدري بعد وين تنهيها

موج البحر يغرق السباح
ياعمر جنب بلاويها

الطير حمله على الجناح
ياضاقت القاع يطويها

وحول النهر يفرس التمساح
والذيب رجله يعنيها

يمرح ردي النصيب امرااح
يصبح رعيته مفنيها

ياعمر تبقى النويا اصحاح
مابه لكاعة مسويها

نصايح(ن) ماعليها ارباح
كان العرب قبل تشريها


وسلامتكم جميعا"

عرضت جروحي على شراح
ثم قام بالموس يدميها



قد شب نار(ن) بلا قداح
وأنا أحسبه جاء يطفيها




صح السانك ابو عبدالله وصح السانك يابو سند

بس والله ماهي راضيه تشتغل

قلبتها يمين ويسار ماهي راضه تشتغل انتظر

حاتميه تجي وتسنعها لي

بس ردك الأخير علي ابو سند خطيرررررررررر

ياليتك سلمت من هالجراح هههههههههههههه

هذا سفاح

يعطيكم العافيه متعتونا

القصيده اشتغلت معي
الطريقه التشغيل المقطع 1- اول شي بيجيكم مكتوب انشاء رابط اصبر 8 ثواني واضغط عليه اذا مانفع انزلوا اخر الصفحه مكتوب حمل بطريقه اخرى كلك يمين واستمتعوا بالقصيده

صح لسانك يا أبوعبدالله وصح لسان العم أبوسند مفاجأه حلوة وخطيره نستاهلها منك شخصت بها على جوالي كل ماضاق صدري سمعتها

كفو ابو عبد الله وصلت ولاقصرت .مانسمح يسعدنا ولازم نسمع رد ابوسند .كانك اخليت بشي يابعدي انا سمع مشيوله علي الربابه بصوتك وسحبتك أهاانا كبيت العشا

تستاهل يابو صالح لجل عين تكرم مدينه

والله عمر من البارح وهو يشيل ويحط ويشاور ليما ظبطها

وبشرك وعدني انه يشيلها علي الربابه

وبيرسلها علي جوالاتنا

صح اللسانك ياعمر ويسلم بوحك

وصح اللسان ابو سند

تحياتي

اقتباس:
المشاركة الأصلية كتبت بواسطة خالد الكثيري

عرضت جروحي على شراح
ثم قام بالموس يدميها

قد شب نار(ن) بلا قداح
وأنا أحسبه جاء يطفيها

صح السانك ابو عبدالله وصح السانك يابو سند

بس والله ماهي راضيه تشتغل

قلبتها يمين ويسار ماهي راضه تشتغل انتظر

حاتميه تجي وتسنعها لي

بس ردك الأخير علي ابو سند خطيرررررررررر

ياليتك سلمت من هالجراح هههههههههههههه

هذا سفاح

يعطيكم العافيه متعتونا

صح بدنك يا أبو خزمى

أجل قلبتها ذات اليمين وذات الشمال وعجزت ههههه

إنتظر السنعه تسنعك يا أبو خزامى

أما الجرح ليتنا من حجنا سالمين هههه

تحياتي

اقتباس:
المشاركة الأصلية كتبت بواسطة سنجار وقفار
القصيده اشتغلت معي
الطريقه التشغيل المقطع 1- اول شي بيجيكم مكتوب انشاء رابط اصبر 8 ثواني واضغط عليه اذا مانفع انزلوا اخر الصفحه مكتوب حمل بطريقه اخرى كلك يمين واستمتعوا بالقصيده

صح لسانك يا أبوعبدالله وصح لسان العم أبوسند مفاجأه حلوة وخطيره نستاهلها منك شخصت بها على جوالي كل ماضاق صدري سمعتها





مشكور على التوضيح والشرح الوافي يالغالي

صح بدنك يا دحووومتي وأنت أخطر ياخطير

أجل مشخص بها على الجوال ههههههه يالبا قلبك

تحياتي

اقتباس:
المشاركة الأصلية كتبت بواسطة إبن لام الدويسي
كفو ابو عبد الله وصلت ولاقصرت .مانسمح يسعدنا ولازم نسمع رد ابوسند .كانك اخليت بشي يابعدي انا سمع مشيوله علي الربابه بصوتك وسحبتك أهاانا كبيت العشا



كفوك الطيب يا أبو صالح لعلها على ما تمنيت بس

وأنا بعد لاأسمح للعم أبو سند إنه ما يجاري
بس أنا عن نفسي القاف شاب ما أدري هل يشيب عند أبو سند أو لا وقلت لا ألزمه بالرد لكي لا أسبب له إحراج ههههه



اقتباس:
يابعدي انا سامع مشيوله علي الربابه بصوتك وسحبتك أهاانا كبيت العشا


ههههههههههههههه

يا أبو صالح وش تطلبني أنت أحد موصيك علي ما يكفي إنك سمعتها

الربابه للجلسات الخاصه أما أمام الملا نخاف ناس تلحقنا شرهه من وراهم

يا شين كبت العشا وهو مستوي ههههه


تحياتي وتقديري

اقتباس:
المشاركة الأصلية كتبت بواسطة خالد الكثيري
تستاهل يابو صالح لجل عين تكرم مدينه

والله عمر من البارح وهو يشيل ويحط ويشاور ليما ظبطها

وبشرك وعدني انه يشيلها علي الربابه

وبيرسلها علي جوالاتنا




جاك عاد الثاني واحد يثبت والثاني يشوووت

يا حبكم للفضايح يا أبو خزامى أنت وأبو صالح ههههههه

اقتباس:
المشاركة الأصلية كتبت بواسطة راعي العليا
صح اللسانك ياعمر ويسلم بوحك

وصح اللسان ابو سند

تحياتي




صح بدنك يا أبو حمييييد

تحياتي

الأحبه ابو سند الذرفي ابو عبد الله وش أقول تاريخ من القصايد العذبه يكتب الآن حقيقه ابداع نفتخربه وسجل سيفاخربه من يأتي بعدك جمله تحسب . لهذا المنتدى الرائع أعضاء وإداره

صح الله اللسنتكم ابوعبد الله ابو سند .. قصائد جزلة يعطيكم الف عافية ..

ــــــــــــــــأأأأأأأحترررامي .......:

اقتباس:
المشاركة الأصلية كتبت بواسطة عمر المسعر

السلام عليكم ورحمة الله وبركاته

تلبيه لطلب العزيز على قلبي العم ( إبن لام الدويسي )

والذي أبا إلا أن تنزل القصائد بالصوت بقوله نريد التغيير

( ولا تواخذونني على الصوت لان التسجيل من الجوال )

إليكم القصيده المسنده للعم الغالي الشاعر محمد الذرفي

على قولت راعي الفاطر يوم يقول لصاحبه

أما أنت هيجن ليا هيجنت
و إلا أنت عن فاطري حول

إليكم القصيده بعد أن أرسلتها له عبر رسالة وسائط بالصوت وقام بالرد برساله كتابيه

و إليكم رابط تحميل شيلة القصيده / بصوتي أنا عمر المسعر

http://arabsh.com/9s2og9nqkgh8.html

وماقصر سلووم أضاف صدى لصوت وإليكم الرابط

http://arabsh.com/k0xwhy4mijbc.html

أكتب قصيده أبي أرتاح
لاضاق صدري أغنيها

جودي على فركت المسباح
والعين تشفق لغاليها

من يوصل العلم له ياصاح
إن كان حالي جهل فيها

قله ترا ماني إبمرتاح
والنار بالقلب صاليها

ياليت عيني تشوف أشباح
ولا هنوف(ن) تمنيها

مجنون ليلى زمانه راح
واليوم هايم بواديها

أثر الهوى بالزمن سفاح
لاصاب قلوب(ن) رثع فيها

غنية أبياتي وسدي باح
وبـانـت علوم(ن) مخفيها

أكتب قصيده أبي أرتاح
ليت أبو سند يجاريها

ــــــــــــــــــــــــــــــــــــــــــــــــــ ــــــــــــــــــــــــ

وهذا رد العم محمد الذرفي

وإليكم شيلة القصيده / بصوتي أنا عمر المسعر

http://arabsh.com/mbrlm6dgfxr5.html

ياعمر وأنا معك منصاح
لو تطلب الروح لهديها

لاتشكي جرحك على الجراح
علتك محدن يداويها

إلا أبو نهود(ن) كما التفاح
هذاك ينعشك طاريها

يابن عطر الحبيب وفاح
مواجع الروح يبريها

أسأل مجرب زمانه راح
مواجعه كان يخفيها

ياما ركض بالطريق وطاح
والعين نومه مجافيها

ماعمر برق الأمل له لاح
لاشك مازال يرجيها

أهله علي ياصديق إشحاح
الله يزين تواليها

وبعد أن وصلني رد العم محمد الذرفي على قصيدتي

تقلبت مواجعي وقمت بالرد بهذه الأبيات ولعل العم أبو سند يجاريها ( مع انني لا إلزمه بالمجاراه )

وكان ردي إسنادا" لقول الله تعالى ( المال والبنون زينة الحياه الدنيا )

أقول /

عرضت جروحي على شراح
ثم قام بالموس يدميها

قد شب نار(ن) بلا قداح
وأنا أحسبه جاء يطفيها

أخذت علم(ن) مهوب إمزاح
وأنا اللكاعه ما أدانيها

عن النخل إنشد الفلاح
كود الثمر من سواقيها

مير النخل حاجته لقاح
من شان يثمر بحاليها

ولافيه نور(ن) بلا مصباح
ظلمتك يالليل يضويها

ولافيه قفل(ن) بلا مفتاح
وخزن الذهب عند واليها

لو ماشكيت العنا يا بداح
للي كحلها ويعميها

وسلامتكم جميعا"

	من يوصل العلم له ياصاح إن كان حالي جهل فيها قله ترا ماني إبمرتاح والنار بالقلب صاليها صح لسانك يا عمر انت والشاعر محمد الذرفي صوت واداء والله وخلي بالك بو صالح المرة الجاية يطلب منك صوت صورة حضر حالك تقديري والاحترام

مرحبا د.سعاد صحيح جبتيها وعمر رزه يواجه لكن الرجل لازم ناخذ له تصريح من وزارة الاعلام الفرع اللي ورا العزيزه .