الشمعة اللي تجيب النور محروقة

الشمعة اللي تجيب النور محروقة

قطعت سلوك المحبة يالله الخيرة

والجسم عيا يسير الدم بعروقه

كن الدركتر على قلبي بجنزيره

النوم ياصفوه الزينات ماذوقه

مدري عن الصبح لين اسمع عصافيره

اسبح مع الهم والهوجاس وطروقه

اقزر الليل في غفله وتفكيره

والجنب الليمن عجزت اخيط فتوقه

والجنب اليسر تناههشني جزازيره

كفي وعفي عن اللي ضاع صندوقه

بعد الفوايد كثيرات(ن) مخاسيره

الرجل مايقفي الطماع بحقوقه

يعتاد حقه ولو طالت مشاويره

وانت على ذبحتي منتي بمسبوقه

الروح في ذمتش ياشمعه الديرة

متى تقولين هاك الروح معتوقه

وانشر ثياب الفرح واظرب مزاميره

قالوا لي الناس فالخدرات معشوقه

تلقى العوض في لطيفه جسم وصغيره

قلت اه ياناس كل(ن) عارف سوقه

خلوني اموت في حكمه وتعزيره

الى ذكرت الخدود ورق سمحوقه

رديت للثوب ثم قطعت ازاريره

ياحلو جسم عليه وحلو منطوقه

ياحلو عذره ولو كثر معاذيره

محموس دمه ويعطي لون بزروقه

ماغيره اليوم لي محبوب ماغيره

ينقض جديله على الحجان مفروقه

تاج الجمال استلم امره وتدبيره

الخالق اللي بصر في خلق مخلوقه

سبحان من صوره في حسن تصويره



الشــــاعر الكبيـــــر// خلف بن هذال العتيبي

قصيدة رائعة للشاعر الكبير خلف بن هذال

يازين مااخترت أخوي راعي العليا

صح لسانك ولسان الشاعر

صح لسان الشاعر وسلمت على النقل

قصيده مميزه

صح لسان الشاعر

وتسلم يمينك راعي العليا

قصيدة رآآآآئعة تسلم راعي ع الإختيار والنقل

المميز والرائع مروركم

شكرا لكم

صح السان الشاعر



وسلمت يمناك راعي العليا



مبدع ومتميز بطرحك الرائع

ــ

جعلـت للتميـز عنوآن لك هنآ
ووضعتـــ لك بصمـه ربمآ تخلد وتذكر بصمـه أبدآعـك
دمت متألقـــــــ
تحيآتي لك


..