المقاضي والرومنسيه !!!!!!!!!! ادخل واضحك؟؟؟؟؟؟؟؟؟؟

ورقة المقاضي الرومانسية

--------------------------------------------------------------------------------

اللي كتب الموضوع رااااااااااايق


اقرأ واضحك ( كما جائني في الاميل )





ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها ..


ما تدمجين انتي ورقة مقاضي الظهر مع ورقة مقاضي الليل ونفتك من هالقلق اليومي





المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل
واخرتها مانلقا على السفره الا كبسه وان سوينا نفوسنا كنديين حطينا فجل




طيب هالبقسماط والصولجان وبقية الاسامي الصعبه لمين?




طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله




وان سوينا فيها فجور وكااااااش ارسلنا حنيف




يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله




مع ورقة المقاضي


مره سويت فيها ذكي وبعد ماقضيت لمرتي يوم الربوع قلت بروح للشباب ..




واطب على المدام بدري واحصل خواتها عندها وتوهم حاطين العشا ... أم ام الكااااارثه ..




اخيرا شفت ورقة المقاضي صدق


لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه




قسسسسم بالله مافيه شي ماهوب على السفره الى درجة اني رحمت يوم شفت سفرتنا ههههههههههههههه




المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبر




ه تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??




واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه
قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..
وكله كوم ويوم خذت اختي في المدرسه طريقة عمل المكرونه بالبشاميل صار يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه



الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله




لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم




واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد




وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة
اومليت
مادريت انه بيض !!!
المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموك




ورقة المقاضي




لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل


ويا عيني على استخدام التقنيه .. ورقة المقاضي صارت من العصر الحجري





الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه




.. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . )




وانا تعال شف رسايلي ( حليب سريلاك .. ) ( ارجع بدري نبي مويه )




( وانت جاي جب اعواد اسنا ن ) اعواد اسنان في نص الليل الله من الاعذار بس



وما قطع قلبي ونكد علي حياتي الا اذا طلبوا تسالي تجيب برنقلز قالوا نبي جحا


تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار




.. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه




وانا والله من اول كنت احسب البندوره هي البطاطس ههههههههه



مناسبة هالموضوع اني رحت اليوم بعد صلاة الجمعه ومعي كالعاده




رفيقة دربي ورقة المقاضي طولها حوالي 7.12 متر




ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي




وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري



وهذا انا اكتب لكم الموضوع من مقهى هههههههههههههههههه

هههههههههههههههههههههههههههههههههههههههههههههههههه هههههههههه

هههههههههههههههههههههههههههههههههههههههههههههههههه هههههههههه


مسكين كني اشوفه


يعطيكي العافيه على هذا النقل الطريف




دمتي بحفظ الوالي عزوجل

غيمه مطر جعلت الرجل يعب علي نفسه ممكن ترسلين الإميل لجمعيه حقوق الزوج حتى يعرفون معناة هذا المخلوق المطيع مسكين يدفع مائه الف حفله زفاف ويجلس علي حبة رز وعلبه ببسي و البوفيه البري والبحري للهوانم

الله يعينه


يسلمووووو غيمه

ههههههههههههه

بصراحه موضوع مضحك مره

الله يعيننا حنا يالرياجيل على طلبات الحريم

أغلب المقاضي اللي يطلبونها مالها داعي

مشكورة غيمة مطر

اخي (علوش وابن لام وحفيد الفايز وفتى القوامين ) بارك الله فيكم , واسعدني مروركم واضحكتني ردودكم ............

والله الحرمه تتعب وتصلح وفالالخير تلقى الرجاااااااااااال يقول وش هالخرابيط او كثرتي ماله داعي تشكلين او ياكل وهو ساكت وهنا !!!!!!!!!!1( المصيبه الحرمه المخلوق الضعيف قاعده نص يومها في المطبخ والنهايه مؤلمه عن (جد) فتتحطم الحرمه وتقول (الشرهه على الي يصلح لك او وجهك مو وجه سناعه حدك كبسه رز وتخب ) وهذا الحاصل منكم يالرجااال تحبون القديم كلاااااااااااااااااااامي صح والا لا ؟؟؟؟؟؟؟؟؟؟ واذا كلتوا تشكرون المخلوق الضعيف الي متعب نفسه عشااااانك ( يعطيك العافيه , اكله لذيذه , من يد مانعدمها ) والا على طول ( زهبي الشاهي ) وعلى المغسله !!!!!!!!!!!!
اما الحريم يحبون هالحركات ويمدحون ويعرفون السناعه ويحبون الاكل بانواعه ..........

أختي غيمة مطر

بارك الله فيك .... شكراً لـ طرحك الموضوع

عجبني كثير

أحترامي لكِ .... أحترامي لـ قلمك الراقي الرايق

دُمتِ بأفضل حال

بارك الله فيك اخصائي واسعدني مرورك........

وانت من يفرض على القارى احترامه واعجابه بقلمك المميز ......

دمتم بصحه وعافيه .............

السلام عليكم ورحمته الله وبركاته

يا هلا بغيمة مطر كلها خير ......الصراحة قصة حلو وتسلمين وتسلم يدك

بس اقولك شئ عندنا بالكويت صارت الحرمة تروح للجمعية تشتري كل شئ للبيت بدل الرجل
الحمد الله انتم ما صرتوو ا مثلنا الرجال مرحينكم وايد بس الله يعين الحريم مهما يسون ما كوو فايدة !!

التوقيع .......بنت ارجال

وعليكم السلام ورحمة الله وبركاته ..........

ياهلا باهل الكويت كلهم حياك الله يا بنت الرجال نورتي الصفحه ........

بارك الله فيك واسعدني تواجدك ,,,,,,,,,,,,,,

الأخت غيمه رائع ان تتحول هذه الطرفه الي كشاف يوضح بعض سلوكيتنا التي نمارسها وان كانت بسيطه لكن تاثيرها علي النفس كبير سلبا اويجابا .وهكذا يصبج للمداخله معنى

هههههههههههه...
يعطيك العافيه أختي وتسلم يمناك...

المقاضي الرئيسيه يجيبها الوالد الله يطول بعمره في الشهر مره...
بس اليوميه يجيبها السواق ...

لااااعدمنا هالأبداع..|

غيمة مطر كم ورقة شققته وقلت ضاعة ولكن تسلط علينا الجوال اليوم مافي عذر

قبل نهاية الدوام تكلم المدام تقول وانت جاي هات معاك كذا وكذا وانا اقول ابشري

امري الله مامنكن فكه هههههههههههههههههههههههههههههههههههههه

تحياتي غيمة مطر

ومن خلال موضوعك هذا

امسي على اخوي وحبيبي ابن لام الدوسي

وقول منور المنتدى بوجودك يابو صالح

[QUOTE=محمد الذرفي;220965]

غيمة مطر كم ورقة شققته وقلت ضاعة ولكن تسلط علينا الجوال اليوم مافي عذر

قبل نهاية الدوام تكلم المدام تقول وانت جاي هات معاك كذا وكذا وانا اقول ابشري

امري الله مامنكن فكه هههههههههههههههههههههههههههههههههههههه

تحياتي غيمة مطر

ومن خلال موضوعك هذا

امسي على اخوي وحبيبي ابن لام الدوسي

وقول منور المنتدى بوجودك يابو صالح

[/QUOTE]

اما انت يامحمد الذرفي ( كاني اسمع ابو الشباب قدامي ) ..........
الحمد لله التقنيه رحمتنا كثير وفكتنا من الاعيبكم وتصريفاتكم ولا,, احيانا ارسل صورة الكريم او المطلوب عشان مافيه تصريف ( ما فيه يمه ارحميني)
بعدين التعب هذا والمقاضي لمين !!!!!!!!!!!! للزوج والا الحرمة تتعب تعب وفي الاخير ما تاكل من التعب ...........

للجميع اسعدتني مشاركاتكم وبمداخلاتكم تعم الفائده ........
دمتم بحفظ المولى ........

المشاركة الأصلية كتبت بواسطة إبن لام الدويسي

الأخت غيمه رائع ان تتحول هذه الطرفه الي كشاف يوضح بعض سلوكيتنا التي نمارسها وان كانت بسيطه لكن تاثيرها علي النفس كبير سلبا اويجابا .وهكذا يصبج للمداخله معنى

بارك الله فيك ابن لام كلامك على العين والراس ........
ونتمنى ان يضيئ هذا الكشاف نورا على بعض سلوكياتنا ..........
اسعدني مرورك ولك جزيل الشكر ........دمتم بحفظ المولى ...........