|
مجلس الشيخ- بندر بن خالد آل إبراهيم ـ لـ شعراء القــبيلة يخص شعراءالقبيلة القدماء ,سيرتهم ,وماقيل فيها |
|
أدوات الموضوع |
#1
|
|||||||
|
|||||||
ألا ياليت ربي يوم سوى=عبيده حط بالطيِّب علامه
بسم الله الرحمن الرحيم السلام عليكم ورحمة الله وبركاته هذي قصيدة للشاعر إبراهيم بن مزيد اتمنى ان تعجبكم لقيت الناس مامنهم سلامه=لزومٍ يلحقك منهم ملامه ولاتحسب حلالك ؛ لوتبيده=يبي يحماك من هرج الفدامه بذرت الجود في من لاجزاني=سوى ذمٍ إلى هبت ولامه حقود القلب نقال الوشايا=هذور سهمته نقل النمامه إلى منه طرى له ماطرى له=تكلم مايثمن وش كلامه يقوله يزعم إنه مازحٍ به=وهو ينقض ويفتل في عدامه دخيل الله من خطو السملق=إلى بالهيذوان أطلق لجامه ألا ياليت ربي يوم سوى=عبيده حط بالطيِّب علامه على شان الذي بالناس جاهل=يعرف الحر من برق الجهامه لجل بالناس شيطانٍ ملبَّس=ولو يلوي على راسه عمامه يغرك بالسلام وبالتحفي=وهو شيحٍ وجثجاثٍ طمامه مثل هذا: تحذر منه جدا=ولا تدني منامك من منامه وبعض الناس في ممشاه رافض=يختل الناس في قل اهتمامه يحني لحيته كنه مطوع=ولايفرق حلاله من حرامه حذارك لاتحطه له ظنينه=ترى ذاك الطمع منه السلامه وبعض الناس يبدي لك نصيحه=ولكن ماتعرفه وش مرامه وهو ما مقصده نصحٍ ؛ ولكن=يبي يلبسك للحاجة خطامه وإلى منه قضى بك مايريده=أخذ سدك وضربك المهامه وبعض الناس يوريك المحبه=وارق من البريسم في تمامه إلى قام يتمسكن بالتلفظ=تقول أطهر وأصح من الحمامه وهو بولة حمارٍ -عزك الله-=ينجس من مشى حوله رشامه وبعض الناس محمود السجايا=رقى العليا بعزمه والتزامه إلى منه بدى لك فيه لازم=قضى لازمك ماثمن حطامه كما إنه وافيٍ في كل خصله=عريب الجد خيلانه عمامه أسال الله يرفع كل خيِّر=عن الخذلان لايهفي مقامه قضا نحبي ومالاق بضميري=حلات القيل مبداته ختامه أقول الناس مشكاهم على الله=لزومٍ يلحقك منهم ملامه وسلامتكم |
29-08-2009, 04:52 | #8 |
ضيف
|
رد : ألا ياليت ربي يوم سوى=عبيده حط بالطيِّب علامه
أمبرآطورنآ... تسلم يمنآااك.. وصح لسآاانك ولسان الشآعر.. أبيآت رآاائعه وقويه تستحق النقل../ في إنتظآر جديدك لآعدمنآ هآلذوق*.../ |
|
30-08-2009, 07:10 | #10 |
ضيف
|
رد : ألا ياليت ربي يوم سوى=عبيده حط بالطيِّب علامه
الله يعطيك العافيه على هذا النقل المميز
أخي الإمبراطور سلمت يمناك قصيده رائعه وفيها من الحكمه والنصائح المفيده دمت بود |
|
30-08-2009, 05:06 | #12 |
ضيف
|
رد : ألا ياليت ربي يوم سوى=عبيده حط بالطيِّب علامه
وعليكم السلام ورحمة الله وبركاته
قصيده لها ثقلها جزاله وحكمه رائعه صح لسان الشاعر .. وتسلم يدينك الامبراطور ابدعت بالنقل الف شكر ,,’,, |
|
31-08-2009, 12:33 | #13 |
|
رد : ألا ياليت ربي يوم سوى=عبيده حط بالطيِّب علامه
مرحباً ارباب بعذب القصيد
سر القوافي اسرت القلوب بهمساتك الرقيقه الجميلة تسلم وصح لسانك |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|