|
مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
|
أدوات الموضوع |
#1
|
|||||||
|
|||||||
مـــــــــــــــــــع الســـــــــــلأمـــــة
قصيدة مـــع الســـــلأمة اتمني ان تحوز علي رضاكم ....
لاصرت بايعني..أشوفك على خير= مـع السلامـه..دام مابـه سلامـه قلت :أنتهينا_قلت لك: خير ياطيـر= ماني بأول شخص يخسـر غرامـه محذرك مـن قبلهـا ألـف تحذيـر= لاعفتني..بيعيـف قلبـي هيـامـه مانيب ميت لا!! ولا أحتـاج تبريـر= صح الله لسانـك..و وفـر كلامـه بسمعك..حبكه..وفكره..وتصـويـر= وافهـم عـدل يامدعـي بالفهامـه وجه الشعر (ابيض)ويحتاج تغييـر= هدي تزيـن هالقصيـده (علامـه) ماضيك(الأسود)بذكره دون تقصيـر= كـذا يكـون بخـد هالشعر..شامـه يصدق معي تعبير..ويخـون تعبيـر= ياضيعة الشاعـر بوقـت انسجامـه يمكن خطـا ادونـك بالشعـر ميـر= لـو ماأحترمتـك للغـرام أحترامـه ماكان حبك غير..بس طعنتك غيـر= علمتنـي معنـى النـدم والندامـه ماجـاك منـي اي زلـه وتقصيـر= كـل ماخطيـت اعاتبـك بأبتسامـه حسبي على الذكرى إذا هبت عصير= ماعـاد تنفـع شرهتـي والملامـه البال(ضامي) وقتها والحزن (بيـر)= (خسرتك)وهمي(كسبت)اهتـمـامـه والليل فازع لك كـذا جانـي مغيـر= ظلمتني..واكثـر ظلمني..ظـلامـه لا أقبل علي اوحييت صوت المسايير= وفزيت كل ضيـف أقـوم بمقامـه وليا عزم هالليل (ضيقـه وتفكيـر)= قلـي بربـك كيـف بقـدر انامـه مافيـه داعـي للعتـب والمعاذيـر= الغدر(خال)الجـرح واطيب(عمامـه) أما يجيـب الله مطر..تالـي وخيـر= وإلا(السلامه)ماش مامن (سلامـه) للشاعر محمــــد جــــارالله السهــــلي |
05-09-2008, 04:22 | #2 |
ضيف
|
رد : مـــــــــــــــــــع الســـــــــــلأمـــــة
صالح الدعفس
صح لسانك ولسان شاعرها ... أحيانا تجي على الكيف وأحيانا تستخير @@@ هذي حال الدنيا حتى ليوم القيامه إن كنت ناوي للرحيل خذني معك ياطير @@@ كيف أعيش بدونك ياصالح بغرامه دمت بخير,,, |
|
05-09-2008, 04:50 | #3 |
VIP
|
رد : مـــــــــــــــــــع الســـــــــــلأمـــــة
ومن قال ياعزوتي انت بو ثنيان
وصح لسانك ويسلم راسك ... مع السلامة يابوي ربي ماقسم بين الاثنيـن *** وش حيلتـي يامـا ويامـا تعشمـت مبطي وانا من عام تسعه وتسعين *** ايه اعترف عن شوف غيرك تلطمت لا عاد لي قلبن ولاعاد لي عين *** ايـه اعتـرف والعـام هـذا تفهمـت حطيت نفسي بعدها بين قوسين *** عرفـت بأنـه حلـم لـو ماتحلمـت نضحك على انفسنا واحبك وبعدين؟ *** لاعاد ترجـع للـورى ولاتقدمـت يابوي والله كلبونا مساكيـن *** مـع السلامـه واتركـن لـو تكرمـت عافك الله يا خوي .... |
|
05-09-2008, 05:51 | #4 |
ضيف
|
رد : مـــــــــــــــــــع الســـــــــــلأمـــــة
صالح الدعفس
صح لسانك ولسان شاعرها ... خذ.. 7 7 الناس تذكر الله في شهر رمضان @@@ وأنا وياك ياصالح نتحاور بشعرها كن كل واحد يقول مع السلامه يافلان @@@ الوكاد هذه رساله وعليك تمعنها شهر الفضيله والرحمه شهر القرآن @@@ يالله يارحيم تسعد كل مسلم بسعدها دعوه فقير للباري والله المستعان @@@ أن تزوج صالح في ليلة دايم مطرها دمت بخير,,, |
|
05-09-2008, 08:25 | #5 |
ضيف
|
رد : مـــــــــــــــــــع الســـــــــــلأمـــــة
صالح الدعفس
صــح الله لـسانك ولسان شاعرها أختيارك لهذه القصيدة رآئعه جدآ والله يعطيك العافيه ياسلام على المحاوره أبدااااااع وأستمتعت بالأبيات أستمرووو إلى الأمام |
|
05-09-2008, 05:27 | #6 |
VIP
|
رد : مـــــــــــــــــــع الســـــــــــلأمـــــة
صــــــــــلاح ..
والله لكـــ وحشة ياطرررربتي فاقدينكــ وينكــ .!! الله لايهينكــ علي الحضور ومنور ..... جل التحايا .. |
|
05-09-2008, 05:31 | #7 |
VIP
|
رد : مـــــــــــــــــــع الســـــــــــلأمـــــة
بو ثنيان
تسلم الله لايهينك .. وانشاء الله اتزوج بليلة مطر .... استلم 7 7 7 ونيت انا ونه ولا حدٍ فطن له = تجذب معاليق الضماير من اقصاه يابو ثنيان صار بالقلب عله = من فقد منسوب الحشاء كيف ابا انساه الكبد كنه تنصهر فوق مله = والعين عيت تقبل النوم لا جاه وان كان خلي ما حصل روحتن له = فأنا ذهبت ولا بقالبي مراواه يا بو ثنيان شوفتك ما نمله = هي الذي تجلي عن القلب ما جاه .. |
|
05-09-2008, 08:19 | #8 |
ضيف
|
رد : مـــــــــــــــــــع الســـــــــــلأمـــــة
صلاح القويماني
بارك الله فيك ,, منـــــــــــــــــــــــــــــور ...بحضورك الطيب والرائع .. *** صالح الدعفس خذ .. 7 7 ماعليك زود يابن الحمايل @@@ صالح الدعفس وحنا خابرينه هذا العشم فيك ..هذي الدلايل@@@ يا مشاهد الموضوع خلكم شاهدينه أخلاق وطيب عالي جمايل @@@ لو أسولف ماتخلص حتى للمدينه من أول معرفه ..جرة قلم ..قلت هايل @@@ تعرف الرجال بين شينه وزينه ابيات شعر ماتوفي لك ياقايل @@@ ودي اعرف وين ساكن وبأي مدينه هل هو من الرياض ولا حايل @@@ لالا الزلفي الدمام من الكويت ساكنينه فضلي ..مايحتاج يامدوج ياعايل @@@ حتى لو انشد أي واحد يقول عارفينه الله يوفقك ..ويسدد خطاك وافي الخصايل @@@ في شهر الرحمه شهر محبينه دمتم بخير,,, |
|
05-09-2008, 09:02 | #10 | |
VIP
|
رد : مـــــــــــــــــــع الســـــــــــلأمـــــة
اقتباس:
تسلم والله تسلم يالذيب ابن الذيابة نسل الفضول ولاهي غريبة يابعد تسبدي وملي انت والله يالقرم .. 7 7 7 بو ثنيان لاحت بروق القصايد من هجوس داخلية زلزلت عرش الضماير واعتزيت وقمت صاحي الفضلي الرجال اللي لهم تاريخ وعزوم قوية افتخر في مدحهم والمراجل نعم السلاحي اشهد ان الشعر في مدح القروم اغلي هدية والتحية عد برق في عرض الغيم لاحي ... نقلبها وماعندكـــ مشكلة ياخووووي وش عندنا اغلي منكم ومن الفضول كلهم . تسلم ويسلم راسك يالعزززززوة .... |
|
|
06-09-2008, 03:17 | #15 |
المراقب العام
|
رد : مـــــــــــــــــــع الســـــــــــلأمـــــة
صالح الدعفس
صح السانك ولسان الشاعر محمــــد جــــارالله السهــــلي ابيات جميله تسلم ياذوق ولاتحرمنا من جديد ابداعك |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|