الفرق بين عزيز النفس وضعيفها

قرأت أبيات لشاعر اسمه حمد بن هادي المسردي
أعجبتني وودي أطلعكم عليها، عسى أن تعم فائدتها الجميع
يقول الشاعر:
ترى في الناس من يجلى الهموم عن المضيـوم عنـد النايبـات
يسد النوب مـن كـل النواحـي ويركـي للحمـول الكـايـدات
عزيز النفـس لـو مالـه قليـل ايدينـه بالوفـا مستـاصـلات
عزيز النفـس لـو مالـه قليـل احبـالـه للـمـكـارم واردات
عزيز النفـس لـو مالـه قليـل اشبـوره للمراجـل طـايـلات
ولا ظنيـت بـه ظـن ٍ بطيـب تشوف رسوم ظنـك راسيـات
وليمنـك نخيتـه فـي لــزوم بذل لك في قضـاه المعجـزات
وليمنك نصيتـه وأنـت ضيـف يقـوم لـك بجميـع الواجبـات
وفيهـم مـن يزيـد الهـم غـم ولا ينطـح وجيـه المكرمـات
وضعيف النفس لو ماله كثيـر سواً به فـي حياتـه والممـات
وضعيف النفس لو ماله كثيـر عن الطوله شبـوره قاصـرات
وضعيف النفس نذل ٍ مـا يفيـد وجـوده والعـدم متسـاويـات
بخيـل ٍ فـوق دنيـاه وذلـيـل وعن الامجاد طبوعـه شـاذات
يقوله واحـد ٍ جـرب وشـاف وصار يقول عقـب التجربـات
على قول الـذي بالقـول فـاز سبقني في العصور الماضيـات
جـزا الله الشدايـد كـل خيـر عرفت بها القـدا والمخطيـات
وعرفت بها العدو من الصديـق جزاهـا الله عنـي بحسـنـات
حمد بن هادي المسردي

.

تسلم اخي على على النقل الرائع

قصيدة جميلة






بومشعل

عزيز النفـس لـو مالـه قليـل ايدينـه بالوفـا مستـاصـلات
عزيز النفـس لـو مالـه قليـل احبـالـه للـمـكـارم واردات
عزيز النفـس لـو مالـه قليـل اشبـوره للمراجـل طـايـلات
ولا ظنيـت بـه ظـن ٍ بطيـب تشوف رسوم ظنـك راسيـات

صح لسان الشاعر ع القصيده الجميله

الله يعطيك العافيه علي

صح لسان شاااعرهااا




وتسلم يمناااك على النقل ....

صح لساااااااااااااااااانك




تحية عطرة ....