الشاعر مرزوق الرمالي على تركي 2000 (اللي تعرض فيها لحاتم الطائي)

السلام عليكم ورحمت الله وبركاته

الشاعر تركي الميزاني قال قصيده في صاحب السمو الملكي الامير سلطان بن عبد العزيز حفظه الله

وفي احد الابيات تعرض لحاتم الطائي بشئٍ من التهميش لهذا الرمز العربي الكبير



وسوف اورد لكم قصيده تركي اولا والتي قال فيها :



[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
كريـم يانوّ (ن) هبـوبـه تـقـوده = لي مدة (ن) وانـا عيونـي تراعيـه
اكبر من الغربي تـرازم رعـوده = سيلـه حقـاق والمخايـل تباريـه
اللي وطا حـزم البـلاد ونفـوده = عقب المحل ماناش من عرق يحييه
ايـام وسمـه ماتجيـك معـدوده = ثابت على طول السنه من مناشيـه
هتـان ودان ذعـاذيـع نــوده = تجلا هموم القلب والجرح تبريـه
وليا سمـك وبلـه وخيّـم ركـوده = تفرح به البيـدا وتـروا ضواميـه
فـوق البسيطـه ماتحـدد حـدوده = مافيه وادي غير تجـري مجاريـه
والعشب انواعـه تلاعـب وروده = طلعه سوا مـن مدلهم (ن) يساقيـه
هـذي هماليلـه وهـذي شهـوده = كل (ن) يرحب بـه وكل (ن) يحييـه
هذاك سلطان السعد مـن جـدوده = غيث (ن) علـى غيث (ن) يعافـيـه
يـاراح قلنـا الله علينـا يعـوده = من كثر حبـه ودّ شعبـه يخاويـه
وليا رجع تباشـروا فـي وجـوده = شيخ (ن) وحنا برض البلاد لمواطيه
حنا تحـت رايـه وحنـا جنـوده = واعمارنا في ساحة الحرب تفديـه
القايد اللـي منبـع الجـود جـوده = صار الكرم صرح (ن) للأمجاد بانيه
(( خلو كرم حاتم )) وماضي عهـوده = سلطان يعطي شي حاتم مايعطيـه
خيره على العالم عسا الله يـزوده = لو جيت ابذكـر ماتعـدد حسانيـه
وفاه وصلـة لكـل دولـه وفـوده = من مد كفه مايبـا احد(ن)يكافيـه
وليا قدح من نـار فكـره زنـوده = رايـه سديـد وكـل تايـه يقديـه
وليا بطش ضاعت روابع حسـوده = من سطوته خصمه يضيع هقاويـه
هداج تيماء اللـي يصـدر وروده = ياحي ابو خالـد وياحـي طاريـه
كنت اتمنى وقفتـي فـي وجـوده = واليوم انا موجـود مابيـن اياديـه [/poem]
:
:
:
:
:
وهذا هو رد شاعرنا الكبير مرزوق بن محمد الرمالي الشمري :







[poem font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
كريـم ياقاف (ن) خذتـه البـروده = وعلى صفا سلمى تحطّـم معانيـه
قدام اجا غصب يتبخـر صمـوده = ويصبح سراب (ن) بأوله لين تاليـه
اصغر من اللي عن سمانا يـذوده = يقفـي وذعـذاع الشمـال متقفّيـه
ماينثني لأطمـاع نفس (ن) حقـوده = ياصار راعيها الخطا من مباديـه
نفسه عن الكايد عزوم (ن) شـروده = والا على الذمـه كبار (ن) هقاويـه
حايل غنيه عن نفوس (ن) جحـوده = وتركي يبي سب الاجاويـد يغنيـه
سيرة سجاح اليوم منـه معيـوده = متفرش (ن) نهجه ونهجـه مغطيـه
لو كان مسلم ماسجد مع سجـوده = فرض الصلاة اللي نصلي يصليـه
شرهاتنا بالطيـب نثبـت بنـوده = والا الردي ماله علينـا مشاريـه
وتركي عطا الله قام يشعب قعـوده = يبي كرم حاتـم يشيلـه ويمحيـه
اكرم رجل يوم الحبـال معقـوده = واطلق شنب يجري كرم مايجاريه
تركي جحد والا النبي جاب جوده = تركي طعن والمصطفى اللي مزكيه
يمكن يشيل جبال حايـل لسـوده = وطويق للصمان يرسـي مراسيـه
دامه لحاتـم طـي جنّـد جنـوده = ويمكن فرس حاتم هو اللي مذكيـه
دام الكلام بـلاش يبـذل جهـوده = شاعر وطن يالله عسا الله يخليـه
شاعر وطن يبغى المشاعر يسوده = وعلى حساب الغير يبنـي مبانيـه
نعم (ن) بحكام الجزيـره واسـوده = حكام تاخذ حـق وافـي وتعطيـه
حكـام عـدّو للمعالـي سـنـوده = والكل منهم مانـزل عـن معاليـه
الهـرج ياجاهـم تقيّـد قـيـوده = يطيب هرج الطيب بلسان راعيـه
ال سعود احـرار جـو مهـدوده = وسلطـان منهـم ماتـردا مداليـه
والسرد مايغني رجال (ن) سـروده = لو ماانسرد يعجبه سـرده بشافيـه [/poem]

سلامه العايد



تسلم على طرح الابيات والرد في أبيات اخرى


دمت متألق

تقبل مروري

صح لسان الرمالي .. واعتقد تركي ما كان يقصد الاساءه بحد ذاتها

لكن مبالغة الشعراء المعروفه .. والامير سلطان بعد كريم ويستاهل المدح

يعطيك العافيه سلامه وبيض الله وجهك

؛؛؛

شرهاتنا بالطيـب نثبـت بنـوده...
والا الردي ماله علينـا مشاريـه....

كفووو بالشمري رد جميل وراااقي ...>>> مافية اهااانة ولا تجريح ...

وتسلم يا سلامة العايد.. > ع النقل ماننحرم منكـ,,,

يسلمووو ..


تحيــــــــــــــــــــــــاتي,,,

ناصر السيف

سلامه العايد



تسلم على طرح الابيات والرد في أبيات اخرى


دمت متألق

تقبل مروري

من قال سالم ان شاء الله اشكرك

على المرور ياذوق

الحـــا111تميــه

الله يعافيك ويبقيك لعين ترجيك وصح بدنك

هو مدحه عشان فلوس لو حاتم موجود كان مزال كريم

والكرم هو اللي يخلي الرجال فقير وهذا الكرم معروف

في البلاغه الكرم تشبيه بحاتم الطائي

يسلمو على المرور

بنت الحصان

كفاك الطيب يابنت العم ومن قال سالم ان شاء الله

واشكرك جزيل الشكر على المرور الطيب

دمتي بحفظ الله

الله يعطيك العافيه ياسلامه
ماتنقل إلا الشي الطيب يالطيب
رائعه الله يسلمك

وعليكم السلام ورحمة الله وبركاتة

سلامه العايد


تركي الميزاني ماتاب<< الله يذكر أيام العتبان وش صار معه


بس عالعموم يستاهل أميرنا سلطان بن عبد العزيز حفظه الله ورعاه


وماقصر الشمري يابعد حي رد عليه رد سكته

وصــح الله لــسانه

وتسلم يالغالي ع النقل الرآآآآئع

بــارك الله فيك

كفو والله بالشمري

أنا أشهد إنه ذيب كفى ووفى

إنك تمدح فهذا حق مشروع لأي شاعر

لكن التقليل من شأن الآخرين هذا اللي ماهوب مقبول

الله يعطيك العافية سلامه وصح لسان الشاعر الشمري

أديب الدعفس

الله يعطيك العافيه ياسلامه
ماتنقل إلا الشي الطيب يالطيب
رائعه الله يسلمك

الله يعافيك ويبقيك لعين ترجيك والطيب

والاروع والاطيب هو حضورك الكريم

دمت بود

صلاح القويماني الفضلي

وعليكم السلام ورحمة الله وبركاتة

سلامه العايد


تركي الميزاني ماتاب<< الله يذكر أيام العتبان وش صار معه


بس عالعموم يستاهل أميرنا سلطان بن عبد العزيز حفظه الله ورعاه


وماقصر الشمري يابعد حي رد عليه رد سكته

وصــح الله لــسانه

وتسلم يالغالي ع النقل الرآآآآئع

بــارك الله فيك

الله يبارك فيك وفي حالك وصح بدنك

وسلمت من الشر واشكرك على المرور

لاهنت ياذوق

علوش الفضلي

كفو والله بالشمري

أنا أشهد إنه ذيب كفى ووفى

إنك تمدح فهذا حق مشروع لأي شاعر

لكن التقليل من شأن الآخرين هذا اللي ماهوب مقبول

الله يعطيك العافية سلامه وصح لسان الشاعر الشمري

الله يعافيك ويبقيك يالغالي وكفاك الطيب

وأشكرك جزيل الشكر على المرور الطيب

ياذوق دمت بود

صح لسان الرمالي ويلي فديته

مزيونه

صح بدنك لاهنتي .. حياك ربي على المرور

دمتي بحفظ الله