محمد بن فطيس / يالله عفوك يوم تصفيت الحساب

السلام عليكم ورحمه الله

قصيده للشاعر محمد حمد محمد فطيس المري


يالله عفوك يوم تصفية الحساب ..
.. يوم حصاد لما زرعنا في السنين

يوم الحشر قرب ولا معنا زهاب ..
.. اليوم في الدنيا وبكرة راحلين

نجني ذنوب ونرتجي عفو وثواب ..
.. وعلى نصر ربي لنا مستعجلين

تدرون ليه آمالنا كنها سراب ..
.. تدرون ليه النصر سيف الأوليين

الأوليين أعمالهم وفق الكتاب ..
.. قاموا عليه وباعوا الدنيا بدين

وحنا غفلنا بين مالذ وطاب ..
.. والنصر سيف ما يسله غافلين

نصبح على شوف انتهاكات وخراب ..
.. ونمسي على دمع وتنهات وونين

بصدورنا شي تذوب اله الهضاب ..
.. وأفعالنا والواقع رياح .. وطحين

وعلى العيون من الفتن مثل الضباب ..
.. معد درينا من يسار ومن يمين

ما للضيف الا الدعا لو ما يجاب ..
.. ما غيره الا الشوف مكتوف اليدين

يالله زلزل تحت الأعداء التراب ..
.. والطف بنا واحقن دماء المسلمين

ندعوك يا قادر على جعل السحاب ..
.. جيش لنصرة قلة مستضعفين

أغرقهم بنوع من أنواع العقاب ..
.. غرق الغلام اللي يحسب انه فطين

لوما عصى نوح نجا به في رحاب ..
.. سفينته وأمضى معه في العمر حين

لكنه اختار الخساره والذهاب ..
.. اصنع بهم صنعك به وانت المتين

والا اخذهم يا مجري سود الحقاب ..
.. أخذ العجوز اللي بقت في الغابرين

ذوقهم اللهم أنواع العذاب ..
.. اللي عثوا في أرضك أمن المفسدين

وألطف بمن لبسوا من التقوى ثياب ..
.. عبادك المستهدفين المتقين

تكالبت عليهم أنياب الذئاب ..
.. ولا غير عونك يا معين الصابرين

من بينهم شيبه يعجزون الشباب ..
.. من وقفته من طولها في الركعتين

ومن بينهم بنت تون بلا حجاب ..
.. أحجابها لفوا به الجرح المكين

وطفل عن عيون أمه الثنتين غاب ..
.. تبكيه عين وتلتفت لأخيه عين

من هول ما يجري لهم شاب الغراب ..
.. يا وسع حلمك وانت ما فوقك مدين

أدعيك وانت ادرى بحال أهل المصاب ..
.. وأمد كفي لك يا أكرم الأكرمين


القصيده صوت على هذا الرابط
77

http://www.youtube.com/v/30n27rLQ6wg&hl=en&fs=1


تقبلوا تحياتي

وعليكم السلام ورحمة الله وبركاته

افا ياعمر والله انا ماتوقعتها منك تسوي كذا هههههههه اقول علوش عطه اجازه تدري ليه تراك خربت علينا الجدول تراها عندي صوتية يعني خلاص مراح احطها لان الموضوع يكون مكرر ولا ويش قولك عمورهـ شكلك تعابين ويش رايك تاخذ اجازه مثل بعض الناس تحياتي لطرحك.

هلا سلوووم

لا تكون مكرره بس تراني ما فهمتك بصراحه

لا يكون قصدك الخطأ المطبعي بكتب فيديو كتبت صوت هههههههه

هلا سلوووم

لا تكون مكرره بس تراني ما فهمتك بصراحه

لا يكون قصدك الخطأ المطبعي بكتب فيديو كتبت صوت هههههههه

هههههههه بعدين تفهم لاجا ذاك اليوم راح تفهم وراح اذكرك طبعاً بعد شهر ذكرني اوكي ارحب يالشنب.

المشاركة الأصلية كتبت بواسطة سلامه العايد

هههههههه بعدين تفهم لاجا ذاك اليوم راح تفهم وراح اذكرك طبعاً بعد شهر ذكرني اوكي ارحب يالشنب.

والله يا انت رايق

لا ما ابي افهم خلاص ههههههههه

ارحب ابو عبدالله قصيد ه رائعه يسلم ذوقك .الحبيب سلامه بدل ماتلاعب أحاسيس عمر شف لنا ابوسندتقول لنا شهر ماشفناه لايكون جهازه مسروق اومحروق مايسويها ابوسند وياخذ شهر عسل .

رائعه
صح لسان الشاعر
وتسلم يدينك يا عمر
الف شكر

قصيدة رائعة والأداء أروع

بالنسبة لي أي قصيدة لابن فطيس لازم إني أسمعها

ياهلا بك عمر وباختيارك

تسلم يالغالي

===================

أخوي سلامه

مشكور على حرصك واهتمامك

جهودك واضحة وماقصرت

سواء أنت نزلتها أو أخوي عمر

أهم شي إنها رائعة

الله يعطيك العافية

تسلم عمر على الإختيار الرآآآآئع

والشاعر ابن فطيس غني عن التعريف

تحياااتي

المشاركة الأصلية كتبت بواسطة إبن لام الدويسي

ارحب ابو عبدالله قصيد ه رائعه يسلم ذوقك .الحبيب سلامه بدل ماتلاعب أحاسيس عمر شف لنا ابوسندتقول لنا شهر ماشفناه لايكون جهازه مسروق اومحروق مايسويها ابوسند وياخذ شهر عسل .

ارحبو عمووو حظورك وتواجدك هو الأروع

اما بالنسبه لأبو سند لديه ضروف خاصه وهذا سبب غيبته

تحياتي ابو صالح

المشاركة الأصلية كتبت بواسطة حاتميه

رائعه
صح لسان الشاعر
وتسلم يدينك يا عمر
الف شكر

الله يسلمك يالغاليه



تحياتي

المشاركة الأصلية كتبت بواسطة علوش الفضلي

قصيدة رائعة والأداء أروع

بالنسبة لي أي قصيدة لابن فطيس لازم إني أسمعها

ياهلا بك عمر وباختيارك

تسلم يالغالي

===================

أخوي سلامه

مشكور على حرصك واهتمامك

جهودك واضحة وماقصرت

سواء أنت نزلتها أو أخوي عمر

أهم شي إنها رائعة

الله يعطيك العافية

هلا بك علوش اهلا" بك يالغالي

اسعدني تواجدك

بس بصراحه ما فهمت شئ انا ما اشوف شروط عشان امشي عليها

الا إن كانك متفق انت وسلامه خارج المنتدى على شئ معين ههههه

تحياتي

ياهلا بأخوي عمر

مافيه شروط ولا شي

واللي تبي تنزله نزله

القسم ومشرف القسم تحت أمرك

كل مافي الأمر إن أخوي سلامه عنده بعض المقاطع

وهو ماشاء الله عليه ينزلها باستمرار

وأنت سبقته بهذا المقطع

هذي كل السالفة

الله يعطيك العافية

يا بعد راسي ياعلوش عسى عمرك طويل

احرجتني بالرد بصراحه ولا يامر عليك عدو يالغالي

ودي وتقديري لمقامك السامي

نجني ذنوب و نرتجي عفو و ثواب ..


ابن فطيس قسم لو هو يمدح يضيق الصدر :(

عمر المسعر .. يسلم ذوقك يالنشمي
أبيآآت جزله ولـ شاعر جزل و الناقل جزل <~ مسكت خط


يسلم راسك .. لاعدمنآك