سبب تسميه شمر بالطنايا

السلام عليكم ورحمه الله وبركاته

اخواني لقب الطنايا معروف عند شمر وغير شمر من القبائل ولكن هناك من لا يعرف سبب هذه التسميه فشمر يوجد لها اكثر من لقب مثل السناعيس لعبده ولكن حاليا يعم شمر ككل مثل الطنايا الذي يخص زوبع ولكن حاليا يخص شمر ككل واهل اللحيسه للاسلم وغلبا وكبار الصحون ورواق العرب....
وساحكي لكم قصه الطنايا حسب علمي والله اعلم

غزا الشريف محمد الحارث ابن ابي نمي ويقال ايضا انه الشريف محمد بن احمد بن محمد الحارث بن الحسن (((وهنا اختلاف في تسميه الاب ولكن الاتفاق في ان اسمه محمد))) علي بوادي نجد وقدر انه يكسر اغلب القبايل الموجوده ومنها الظفير في مناخ الضلفعه وغزا الدواسر والصقور ومطير وعتيبه حسب المذكور بالقصيده واخيرا علي شمر واستمر المناخ 90 ليله بين الشريف وعبده وكان الانتصار للشريف لولا فزعت بني عمهم من زوبع ودخول المعركه مباشره وهم طنايا (والطنيان لغير العالم بها من غير شمر هو الزعلان) وكانت عبده بقياده الطليعه وعند وصول زوبع قلطوا لهم صياني الاكل وعندما شاهد زوبع الصياني طنوا وتلطموا وقال حديهم حنا محنا جايين ندور الاكل دخلوا المعركه مباشره والمعركه حدثت غرب حايل قريبه من موقق وغنمت شمر بعد هذه المعركه الخيل الاصيله منها الحمدانيه والهدبا والدهما والظبي
وبعد خساره الشريف لحربه حلف انه مايجي ديار شمر وقال هالقصيده









[poem font="Simplified Arabic,4,black,bold,normal" bkcolor="transparent" bkimage="" border="none,medium,black" type=4 line=0 align=center use=ex num="0,black"]

يمـل عيـن للشـريـف محـمـد............دمعه تهلهل من شفا الـراس حـادر
خذينا الخيـل مـن العـلا لياشتهـن...........من البدو والحضر واللبس زين المصادر
وجرينا السبايا من الطايـف والحـرم..........حلنـا وحلينـا بديـار الـدواسـر
وهزنـا بـن حميـد وعنـا تنحـي.............كره ملاقانـا وسنـد النيـر نايـر
وخذينا بوادي النير والصقـور عزبـه..........صملان اهلها عقـب البـلال غايـر
وجينا علي بعـض القبايـل وادبحـوا...........وكفوا وعرفوا به حمـران النواظـر
وغرنا علي طرش للسويطات بالحفـر...........وخلينـا الحـوض المليـا خـايـر
وهزعنا بالمسيـر علـي ديـار شمـر............مادبر المولـي علـي العبـد صايـر
ادلينا بالديره اللي اسمها باسم اهلهـا...........اكرام اللحـا ايـام حـر المساعـر
مناخنـا لعبـده تسعـيـن ليـلـه............بالتلعـه اللـي حصاهـا جـفـادر
سناعيـس مـن الهـوش كملـوا................كما دغلوبن نـش عنـه المغـادر
اليامـا لفونـا زوبـع فـوق ضمـر..........كبن يـلاوي صرعهـن كـل نـادر
مـن كـل صهـال وكـل اشمـره..........سطيرن ريغـان العجـاج الاجـادر
وجتنا الجحافـل مـن تالـع والحفـر.........تسمع زغاريـت البنـاات الجواهـر
اليا وردوهـن كالغـروب الـورد.............وان صدروهن كاللقـاح الصـوادر
ونشوف ضرب سيوفهـم بظهورنـا............مثل حقوق المزن من فـوق ماطـر
حلـوا بتالينـا وانـقـاد جمعـنـا..............وايدين بيص تقطعـن بحـد شاطـر
صكـوا علينـا بسربتيـن تذودنـا............هـذا يوردهـا وهـذاك صــادر
صاحوا علينا صيحتـن تنثـر الدمـا............وخذوا نوادي الخيل والعـج ثايـر
خذوا نوادي خيلنا واكرشـوا بنـا............وحنا علي الطوعات والكون عامـر
الخيـل بالفرسـان قامـت تذودنـا............مـن دور العيـلات هـذاك عاثـر
صاحوا علينا صيحه ترمـل النسـا...........يشيـب المالـود وياجـي التذاكـر
علنا عليهـم عيلنـت مـن خطانـا.............وانـا علـي ماقـدر الله صـابـر
وتجاولنا بالجمـوع باطـراف موقـق.............وصارت علينا من كبـار الكسايـر
ونشوف جدع الخيل منـا ومنهـم..............هشيم طلح جابـه السيـل حـادر
وجانـا صبـي لاطــال عـمـره.............خلي عجاج الخيل عـدا الجواسـر
وقمنـا ننخـي كـل قـرم مجـرب...........يالله ياقـادر علـي كـل قــادر
ونخينـا بيـص ويـن ابـن عشيـه...........الياما هفا حدر السيـوف الشواطـر
قلت يابيصيابيص انح الخيـل عنـا.............يابيص يافرز الوغـي يابـو شاكـر
وورد عليهم بيص واحمـر السمـا............وغدت اسروج الخيل مثـل البواخـر
وتلقـاه طيـر شلـوي واعطـبـه............بشلفا تلظي بيـن الضلـوع شاطـر
وتركنـا بيـص بـريـع المغـنـي.............تمره القطعـان اليالفـت صـوادر
اليا صدرت من جـو العويجـر تمـره...........ممشـاه ليلـه قدرهـا بـالاقـادر
ووردنا الخليفـه تاركيـن اشيوخنـا............عياض وحوشان ومحتمي الخيل ناصـر
وخلينا جبـار والزناتـي وعبـدالله.............غربـي بزاخـه لاسقتهـا الاقاطـر
ظيمي بنب عمـي مكـارم لابتـي.............اركوا علي جبدي حاميات المخاطـر
تلفي لبني عمي هل الجـود والسخـا..........اشـراف فـروع القبايـل مصـادر
ان انشدوك عن حالنا عطهـم الخبـر...........تري حـلات العلـم ياتـي مبـادر
باسباب سرنا ثم غرنا وصارت كسيره...........والراس من كثر الهواجيـس سـادر
عـزالله انـي مانويـت حربـهـم..............مارالله اللـي قـدر الامـر قـادر
وحلفت ماجي ديارهم عقب مامضي.............كود نتواجـه عنـد رب المقـادر
هـذا كـلام للشريـف محـمـد...............يذكر فعولن ماضيـن لـه بـوادر
هذا وصلينـا علـي سيـد البشـر............اعـداد ماكبـر بـروس المنـايـر [/poem]

اللهم صلي وسلم على محمد

والف نعم بشمر الطنايا السناعيس وهم نار على راس علم ولهم مقام ومجد عريق بالجزيره العربيه

بيض الله وجيهكم ودآم عزكم وطيبكم

حياكـ الله شمري

شاكره ومقدره المعلومه والقصيده الرائعه

,’,’,’,

ونعم والله بشمر

الله يعطيك العافية شمري طنيان

شكراا اختي حاتميه ونورتي الصفحه والف شكر لك اخوووي علوش الفضلي ونعمن منك ومن ربعك ياخوك

يا سبحان الله انتم تاخذون القاب غيركم

دعفوس لاتزعل ولاتزعل ضيفنا شمري طنيان بعدين يقولك خوذوه هذولا شمر مابهم حيله ارحبوا والطيب يسع الجميع يامار الله محيي الجميع .

ونعم والله بشمر

الله يعطيك العافية
يالشمري ياولد الطنايا

	ونعم بشمرومن كتب الموضوع تقبل مرووووري بصفحاتك ننتظرجديدك

ونعم مليوون ب شمر ونعم الناس

والله ومليون نعم فيك خاصه

وفي شمـــر السناعيس الطنايا

عامـه

والنعم في شمر

وشوووووكرن ع المعلومة

اي والله ونعم بشمر هل الطولات

شمر أهل الطولات وبليس ملعون

ونــعـــم بقبيلة شـمــر الطائـيـة العريـقـــة بتاريخها ورجالاتها الفرسان وشجعان
وأشـكـرك على الموضوع ..


وتقبل تحياتي ودمـــت بخير

والله والنعم والسبعة أنعام بقبيلة شمر

تسلم يمينك أخوي