قصيدة بياض افعولنا خاااصة للمنتدى اقبلوها - مجلس قبيلة الفضول التوثيقي الرسمي الأول

#1 28-01-2009, 08:47


	[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] بحور الشعر اعزفها عليكم باجمل النغمات =بحور الشعر اعرفها وتعرفني مثايلها الا ياعيال عودة عزوتي الياقلت العزوات =عليكم من سلام الله تحياتي اراسلها بديكم يا بني فاضل جزيل الجود والمدات=انا اشهد من قصدكم يزبن للروحة ويأملها عطاكم للكريم ابحور الا ياا طيب هالمدات=تطولون الطويلة والطويلة قل نايلها نبي كسب النعم ولا النعم في مدحنا اشويات =متى ماساروا العربان تحدينا قبايلها اعزاز والمعزة شي محمول على الهامات =مثل تاج الملوك اللي تقاتل من يقاتلها لنا كم يشهد التاريخ وكم تشهد لنا صفحات =ولا يكفي الورق تشهد ميادينن ننازلها بياض افعولنا واضح مثل ما بالسما غيمات= مع اهل الوفا وافين نزود ولا نكايلها نحب المدح واندورة ولا يوم علينا فات =قصدنا الدين والدنيا الا يا بخت نايلها سكنا بالمراح اجياد وكانت قبلنا اموات =ويوم شافت قروم القوم فزت من خمايلها الا ياربي تسكن عودنا في اكرم الجنات =هذاك الي على الضيقات يفتح كل مداخلها عدونا يا بني فاضل نذوقه اكبر الحسرات =فنون الموت نتقنها ونجيها كننا الولهى حمينا السنة السمحة وقهرنا راعي البدعات =هل البدعة حوالينا عسى ربي يقللها فضول ما نجيب الا سمين القول والهقوات =علينا عهد مانجاري الجمايل بس ندبلها إذاامسى الحاتمي جدي أهيم من الفخر ما بات= تخلوا يا رفيعين المنازل عن منازلها [/poem] (( وسلامتكم وللي يعرف ينسقها الله لا يهينه ))

29-01-2009, 12:04

المكرم ابومنيرة صح السانك

على هذه القصيدة .

قبلك اجدودك لها العز شارات--والكرم والجود ما يفارقها

دمت سالم يا ابو منيرة.

29-01-2009, 12:30

الله يديم عزك وظلك يا ابو وجدان

29-01-2009, 11:48

صح السانك على هالقصيده يابو منيره
ولك ان تفاخر وتتفاخر باجدادك .

29-01-2009, 05:45

حمينا السنة السمحة وقهرنا راعي البدعات 00 هل البدعة حوالينا عسى الله لا يكثرها

صح السانك ابومنيرة

الله يعطيك العافيه

دمت بخير

29-01-2009, 07:00

صح ابدانكم وجميع والله لا يهينكم
بس حبيت اصحح البيت اللي يقول هل البدعه حوالينا عسى الله لا يكثرها
هل البدعة حوالينا عسى ربي يقللها

29-01-2009, 11:47

اقتباس:

بس حبيت اصحح البيت اللي يقول هل البدعه حوالينا عسى الله لا يكثرها
هل البدعة حوالينا عسى ربي يقللها

شوف أخي الكريم أبومنيرة لك خيارين إما تنتظر أحد المراقبين سواء حاتميه أو شاعرة الفضول أو أبووجدان أو عبدالله السويلم لأن لهم الحق في التعديل
أو تجي في المكان إللي كتبت فيه الآبيات من تحت اضغط على كلمة تعديل بعد ماتفتح الصفحه سوي تعديلك وبعدها اضغط على حفظ التعديلات وخلاص إن شاء الله أفدك
دمت بخير