|
مجلس الشيخ- بندر بن خالد آل إبراهيم ـ لـ شعراء القــبيلة يخص شعراءالقبيلة القدماء ,سيرتهم ,وماقيل فيها |
|
أدوات الموضوع |
#1
|
|||||||
|
|||||||
ميلة عقالي
ماكل منهو يمر بخاطـرك غالـي=بعض البشر من غثاه يمر في بالك
ياصاحبي لاتهاون ميلـة عقالـي=ما انت بعمي ولاخالي بعد خالـك خلك مع الوقت لاسولف به السالي=وان عودت للحقيقه ماني بحالـك وقتي ووقتك ومدهالـك ومدهالـي=ماهن سواء بس تكفى ريح رحالك فنجالك اللي تظنـه مثـل فنجالـي=من عام الاول ترى مشروب فنجالك هقيت بك طيب لاكن ضاعت آمالي=ماتت ركاب الهقاوي دون مدهالـك راهن وتلقى وانـا بحـط معدالـي=وان كنت واثق تعال وحط معدالـك والحر لا تل سبقه وارتفـع عالـي=ماهوب شرهٍ على المرقاب في جالك والطيب ورثٍ ورثته واصغر افعالي=شمسٍ سناها يغطي ضافي ضلالك فعلي واعرفه ولا فالك بعـد فالـي=وان قلت لي ليه؟ فال الله ولا فالك ماني بمثلك ولاغيـر الله الوالـي=يعلم بفعلي وهو عالم وش افعالـك اموت ماجيت يمك يا أشهب اللالي=وخذها صريحه وآخر بيت يزهالك ماكل منهو يمر بخاطـرك غالـي=بعض البشر من غثاه يمر في بالك |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|