شورما دجاج بالتوست بالصلصه

السلام عليكم

قوه شلونكم
اليوم جايبه لكم شورما بالتوست والصلصه
المكونات :
شورما جاهزه امريكانا او اي نوع _ توست _ كريما حمرا كي دي دي _ جبن كرافت
الطريقه :
ناخذ الشورما الجاهزه ونغسلها شوي ونحطها بالمقلى ونحط شوي زيت وفلفل اسود وبهارات وملح ونحمسها لين تتحمر ونطلعها ونجيب توست ونشيل الاطراف ونفردها ونحط شوي من الشورما فيها ونلفها ونجيب صينية الفرن ونصففهم فيها لحد مانترس الصينيه
ونجيب صحن ونحط فيه الكريما ونحط معاها قفشتين جبن كرافت ونخلطهم ونصبهم فوق التوست
ونحط الصينيه بالفرن اقل من خمس دقايق بس لين يتحمر التوست من فوق شوي بس ونطلعها ونحطها بصينية التقديم

ملاحظه : بس نحطها بالفرن اقل من خمس دقايق عشان ماتحترق او تصير الطبقه يابسه



بالهنا والشفا

امممممممم

شهيه لذيذة الوصف مغري تخيلتها

مزيونه

انا اشهد انج بنت سنعه


بس ليه حاطه الموضوع بقسم الصحة؟؟!!!


يعطيج الف عافية على الوصفة الشهية

تقبلي مروري

عبير الورد,,

تمام طاب خاطرك


مزيونه الفضول



طرح جميل من ابداعك الرائع


والله يوفقك ويسعدك ويسخرلك ان شاءالله

وتسلم يمينك

ولا تحرمنا من جديد ابداعك

حبيبتي عبير الورد م ذوقج حياتي عيل وين احط الموضوع


اخوي ناصر الله يسلمك بس خل زوجتك تسويلك ياها هههههه

الله يسمع منك واتزوج

خخخخخخخخخخخخخ


في قسم خاصة للبنات على ماأعتقد



بس حلو انك وضعتي هينا نشوفه




حتى لو تكتبينه في العام عادي في نظري


تقبلي مروري مرة اخرى

يويلي مو متزوج وعزاه عليك عيل


ان شاءلله تلقى بنوته الحلال اللي تريح بالك والله ماادري اي قسم احطه بس مااظن راح يخالف لو حطيته هنيه صح؟

مزيونه الفضول


اذا كان لايسمح به هينا عادي الاخوان ماراح يقصرون يحطونه في المكان المناسب


بس باالنسبة لي يعتبر موضوع مناسب في هذا القسم


بس العام علشان للعموم


ولك احلى التحية

الله يحييك وبجيك يا ولد قبيلتي

اشكرك على هذا الوصف بس لو مسويته

وجبتيه هناا عشان ناكل كذا افضل

بارك الله فيك وان شاء الله سفره دايمه يارب

دمتي بود

المشاركة الأصلية كتبت بواسطة سلامه العايد

اشكرك على هذا الوصف بس لو مسويته

وجبتيه هناا عشان ناكل كذا افضل

بارك الله فيك وان شاء الله سفره دايمه يارب

دمتي بود

ابشر يا ويل حالي الحين الاكله عندك ترى انا خوش طباخه اعجبكم ههههههههههههههه اعرف اسوي كبسه بعد

المزيونا مشكوره يسلمو
اقول تراكي خربتي عليه الرجيم ههههههههههي

انتي لا تاكلي بس اطبخي لزوجج وكليه وانتي بس طالعيه بعيووونج بس دربالج لا يقص الريال

المزيونه والله ماقدر انظره بعيوني اخاف يغص ويو موت عليه عيني حاره على
الاكل ههههههههههههههههههي انا طباخه واحب الطبخ

الله يستر عرجال زين يبنت الاجاويد تحبين الطباخ ؟