فتاة تسأل عقاب العواجي عن زوجها

السلام عليكم ورحمة الله وبركاته

الكل يعرف الفارس والشاعر والشيخ عقاب العواجي واخوه حجاب ابناء الشيخ والشاعر والفارس سعدون العواجي الله يرحمهم جميعا وهم شيوخ
فخذ ( ولد سليمان ) من قبيلة عنزه ذائعة الصيت ، وفي غزوه من غزوات عقاب العواجي صادف ثلاثمائة فارس من فرسان حرب وكان معه ثمانون فارسا فوقع الطراد بينه وبينهم وحصلت خسائر بين الجميع ولم يغنم إبلا من حرب ، رغم انه لم يغز الا من أجلها ، وأثناء رجوعه وعند وصوله الى أحياء قبيلته ، اعترضته فتاة تسأله عن حليلها ، وكان من الفرسان المرافقين له فقالت :

ياعقاب ياحبس الضعن باللقا الشين *** ياللي حريبك بالهزيمه يمنّا

عيّنت ذيب الخيل يوم الأكاوين *** نور العيون بغيبة الشمس عنا

هو سالم ولا رموه المعادين *** يا عقاب خبرني تراي اتمنا

فأجابها عقاب قائلا :

يا بنت ياللي عن حليلك تسألين *** حنا لنا حيّي يسألون عنا

خمسة عشر ليله على الوجه مقفين *** ندور وضح بالأباهر تحنا

وشفنا هل البل شاربين الغلاوين *** من دون رخم للحويّر تحنا

جونا ثلاثمية وحنا ثمانين *** مثل المحوص الشلف منهم ومنا

وبانت رديتهم وشفنا الرديين *** وكل عرفنا عزوته يوم كنا

ليتك تراعي يا عذاب المزايين *** يوم أن عيدان القنا يطعننا

منا حليلك طاح بين المثارين *** في ديرة فيها الوضيحي تثنا

ومنهم جدعنا عند شوقك ثلاثين *** وكم خير من راس رمحي يونا

في ساعة فيها تشيب الغلامين *** انطح نحور الخيل يوم اقبلنا

ياما نقلت الدين والحقته الدين *** وحريبنا في نومته ما تهنا

أرسي لهم يا بنت وانتي تعرفين *** لياما حمام النصر رفرف وغنا

وأردها وألحق ربوع مخلين *** بوجيه قوم يطلقون الأعنا

عاداتنا نخلي سروج المسمين *** ونروي حدود مصقلات تجنا

وقلايعي من نقوة الخيل عشرين *** قب ولافيهن ثبار ودنا

وسلامتكم

بهذه القصيده أخبرها عقاب بأن زوجها قد قتل .


أتمنى ان تكون القصيده أعجبتكم

تسلم اخوي على القصه الرائعه

وانها فعلا مؤثره

يعطيك العافيه الاصيل

الله يعافيك ويسلمك اخوي ابو مطلق
ومشكور على المرور

الاخ / الاصيل

يسلموووو على هالمشاركه الحلوه ، وعيال العواجي معروفين .

ومنهم جدعنا عند شوقك ثلاثين *** وكم خير من راس رمحي يونا
هذا البيت يدل على انهم ذبحوا 30 رجال ، بس بدل خويهم اللي مات .

تقبل تحياتي .

يسلمووووووووو اخو حوشه
مشكووووووور على المرور

الاصيل يعطيك الف عافية

الله يعافيك اخوي راعي العليا
مشكووووووور على المرور

قصه وقصيده رائعه تشكر على نقلها يا الأصيل

مشكوووور اخوي @@

الأخ عبدالله الفضلي
الاخت ظل القمر
مشكوووووووور على المرور
يسلموووووووو

يعطيك العافيه على القصيده فعلاً حزينا خصوصاً يوم درت ان زوجها مقتول


اختك: فجر

الله يعافيج فجر
مشكوووووووووووور على المرور