لـــــغـــــز ؟

للاسف اني راح اطرح هاللغز ، وانا ماني عارف شنو الحل :(

على الله القى واحد يعرف حله ، واخص اخونا عبدالله الفضلي ، أبو الالغاز :)

يالحر الاشقر وش ثلاث لهن عين *** ثلاث روس وبينهن راس شايب
طافن حرم مكه وشدن هل الدين *** وقفن هجيج كنهن الركايب
ذبن اجلود اعقوبهن في فلسطين *** هن اذنبن والعود من الذنب تايب

يالله شدوا حيلكم .

<<<<<<<<<<<<<<<< وليش عبد اللة وهالمزيون مو مالي عينك
اول شئ يعطيك العافية ولد عمي على الموضوع واللغز اللي يفر
الراس و اعتقد لو يدري بة كوفي عنان حط رجلة ومابقا هالمنصب
اسمع ياولد عمي الجواب طال عمرك هي مكينة الباص ؟؟؟؟؟
لان مكينة الباص بعضهن ثلاث روس وراس شايب اللي هوا المكينة
بنفسها وهو ينقل الحجاج هاللي مو عاجبك الباص ينقل 45 حاج
واللة ياولد عمي مادري بس انشاء اللة الاجابة صح وانا اسف على الطمرة


أخوك سداح دوت كوم

ابن العم و أخي / أخو حوشه الغالي
أشكرك على تخصيصي من بين الاخوان ،
أما حل اللغز :
فأذكر في أحد الديوانيات في ( تيماء ستي ) ، طرح هذا اللغز ، فرمع أحد الاخوه رمعه فقال ( الستالايت ) ، والمقصود بالروس القلوب ؟
فقال صاحب اللغز ( صح ) هذا هو الحل ،
فاذا كان حل اللغز الستالايت ، فاللغز غير وارد ؟
واما بالنسبه لاجابة ( عطو سداح فرصه ) ، فهي أقرب للصواب ، مع مافيها من الغبش ، لأنه من الواضح سامع الاجابه ، فترجمها خطأ ؟
فلا توجد مكينه بثلاث روس ، انما برأس أو رأسين !!
فاذا كانت الاجابه هي مكينة الباص !! فالرؤوس هي البكرات ( بكرة الدينمو ـ وبكرة الكمبريسر ) ورأس الشايب ( بكرة الكرنك ) ،
وأما جلودهن فهي ( القوايش ) ، لأنها تبدل بعد المسافات الطويله ،
هذا ما أعرفه والله أعلم ،
أخوك / عبدالله الفضلي

الاخ / عبدالله الفضلي

لك كل الشكر على المحاولات هذه ، ولكن في نفس المكان ( تيماء ستي) ذكر حل الستالايت ، بس شلون ستلايت و ( ذبن جلود عقوبهم في فلسطين ) ؟؟!!

بالنسبه للباص ، شلون ( شدن هل الدين ) وشلون ( العود من الذنب تايب ) ؟؟!!

بصراحه انا مو مقتنع ليما الحين :S

تقبلوا تحياتي

الظاهر انك بتدوخنا ياخو حوشه دامك ماتعرف حله

الواحد مايطرح الغز الا وهو عارف حله

يلزمك حق يابن اخي والسحور عندك ذا الليل

بنمرك بالهيلكوبتر ام شكمانين

السلام عليكم ورحمه الله وبركاته



اخوووووووووحوشه


كنت جالس في البيت ولفت نظري المروحه ولها ثلاث ريش الثلاث ريش هن البنات

وبينهم القاعده الي هي راس الشايب والقاعده فيها حلقه صغيره الي هي العين

ويوم انه يقول طفن حرم مكه هذا لأن المروحه تدور بعباره تطوف ويوم يقول العود


من الذنب تايب هذا يقصد فيه العمود الي يمسك المروحه في السقف لانه ثابت

مايدورررررر
وهذا الي انا وصلت له وعسى اني جبت النتيجه



وتقبل تحياتي

الاخ / اهات شاعر

انزين وشلون ( ذبن جلود اعقوبهن في فلسطين )

؟؟؟؟؟

( ذبن جلود اعقوبهن في فلسطين ) هذاالي محيرني بس ان شاء الله

اذاقدرت رديت واذا انت عرفت شي علمني الله لا يهينك

واضيف الهجيج الصوت الي يصدر من صوت المروحه

عبدالله الفضلي
الي يسمع كلامك يقول ميكانيكي ( بكرة الدينمو بكرة الكمبريسر بكرة الكرنك القوايش ) وين قاعدين بسكراب
الظاهر لا الحينك متاثر بهذيك الايام يومنك ( معشش بسكراب الجهرا ) انت وسكاريبك
بالنهار تصلح وبالليل تقحص وتكسر
تذكر يومنك تدعم الرصيف وانت تقحص بالمسيره يوم فازة العراق بالمباراه
سؤال / شنو كان شعورك يوم تدعم الرصيف قدام الناس ( يعني قياده ) ؟
سؤال / ابي اعرف شنو السر بمنطقت ( الوفره ) يومنك تروح تقحصبها كل خميس انت والحثاله الي انا خابرهم ؟؟ ليه شوارع الجهرا تطردك يوم الخميس ؟ بدوووووووووووووون زعل

أبو سعود والله انك مفضح
أنا قلت هالحين حال اللغز ، أثاري ما وراك حل ؟
بالنسبه لسؤالك الأول : أي رصيف تقصد ؟ ترى الرصفان الي دعمتها واجد !!!
أما بالنسبه للحثاله الي أنا خابرهم !!
فأنت على رأس القائمه يا بعدي !!
على قولتك : بدوووووووووووون زعل