|
|
 |
 |
|
||||||||||
 |
 |
| مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
 |
|
|
أدوات الموضوع |
|
#1
29-09-2004, 11:13
|
||||||||
|
||||||||
|
الـفـقــر والـغــنــاء والـمـرجـلــة
بسم الله الرحمن الرحيم
السلام ورحمة الله وبركاته ولكم هذه المشاركه البسطه الـفـقــر والـغــنــاء والـمـرجـلــة قال من عدى حجا نفنوف عالـي ضأيقٍ صدره وكاثـرةٍ شطونـه ابدع القيفان من ضيقـات بالـي والغناء ما هي بتخفانـي لحونـه هاضني ياهل الوفاء شيً طرالـي وقلت قـولً بعلنـه للـي يبونـه اشهدً العـز فـي كثـر الحلالـي والعرب من قال مالـه يكرهونـه من معه مالً تراه يصيـر غالـي والفقير النـاس لازم يرخصونـه يرخصه حتى الرفيق اللي موالـي وأسرتـه لقـل مالـه يبغضونـه لا يريـده لا عمـام ولا خوالـي ويمكن ان عيال ابـوه يقاطعونـه والله لو هو مثل ابو زيد الهلالـي مـا يحسبونـه ولا يستعبرونـه والغني لو كان ما يسوى ريالـي غاليً عنـد العـرب ويقدرونـه ويمدحونه كل ما جالـه مجالـي وان بداله لازمً يقضـون شونـه لو ذليـلً يخلعـه زول الظلالـي ما يكافح لو (يدفل) فـي عيونـه أو بخيلً عن مزايا الجود خالـي يأخـذون بخاطـره ويجاملونـه عندهم هرجه كما السمن الزلالـي والفقير اليـا هـرج يستنكرونـه كم يعز المال من جـرفً هيالـي وكم عزيزً معسرً كثـرت ديونـه وكم رديًٍ حيث بيده راس مالـي جاوُ عكفان الشـوارب يخدمونـه حدة الحاجـة كريميـن السبالـي يسمعون امر الـردي وينفذونـه وغيرة مجرى الدهر سود الليالـي واختلف طبع الخلايق عن يكونـه واليمن اليـوم تغلبهـا الشمالـي والعوارف مقصدي ما يجهلونـه كل من كثرة فلوسـه مـا يبالـي وان خطب عند الرجال يجوزونه والبني البيـض حلـوات الدلالـي من عجز في المرجلة عافً فنونه والمراجـل مـا تهيـا للرجالـي غير من عقب اجتهـادً يبذلونـه من يباء كسب العلاء سهر الليالي والكسل يـرث لراعيـه المهونـه صدقونـي يامداغيـش العيالـي اتركوا نوم الضحـى لا ترقدونـه ودي ارشدكم ولو ما ارشدت حالي منصـحً بالنصـح للـي يقبلونـه والرجاء يالعارفين من الرجالـي لا بدى منـي قصـورً تكملونـه واسمحولي يالنشمـا فـي مقالـي والسلام اختـام للـي يسمعونـه قالها اللـي ذايـقً مـرً وحالـي وله روابع واخلفت بقعاء ضنونه وهذه القصيده للشاعر الكبير // حمد بن هادي المسردي القحطاني (يرحمه الله تعالى) منقول اخوكم 
|
|
29-09-2004, 11:30
|
#2 | |
|
مشرف القسم العام
|
السلام عليكم
الاخ / ali
صح لسان الشاعر ، ومشكور على النقل قصيدتك هذي ذكرتني ابيت شعر للشاعر الكويتي / سليمان الهويدي ياواهني اللي رصيده ملايين **وامضاه من راس القلم يقبلونه مشكور على المشاركه ، وننتظر منك المزيد . |
|
|
|
|
29-09-2004, 11:53
|
#3 | |
|
ضيف
|
رحم الله صاحب هذه القصيده
والله يعطيك ألف عافيه على نقل هذه القصيده الجميله وكما ذكرت أخي أخو حوشه بيت الشاعر الكبيرسليمان الهويدي رحمه الله ذكرتني بأبيات للشاعر النحرير على بن محمد القحطاني حيث يقول : يـاقــرب واشنطــن لنــــدن وبــــاريس ..................... حـذفـــة عصــى للــي رصيده مــلايين ويــاعـز حـالي للــرجـــال المـفالــيس ..................... الــي تظايـقـهم وجـيـــــه الديــــــــايين والي قضى عمره وهو خالي الكــيس ..................... مــــاشــاف من دنيــاه الا عمى العــين |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
