قال الشاعر في نجد وبيروت

بين نجد وبيروت


يانجد صيفك يقطع القلب حرّه *** شتان مـا بينـك ومـا بيـن بيـروت


أقفى ربيعك بالفرح والمسرّه *** وصيفك وصل بالعج والحـر والمـوت


جوٍ سموم القيـظ دايـم تكـرّه *** وإليـا ركـد مـا كنـي إلا بتابـوت


وإليا لحقني فيك بعض المعرّه *** إسمحلي أرحل عن فيافيـك بسكـوت


شهرين ابيها منك فالعام مرّه *** ألبس بها البنطال والبس بهـا الكـوت


آخذ على لبنان والشام فرّه *** وآكل مـن الرمـان والخـوخ والتـوت


وأشوف ناسٍ فالبلد مستقـرّه *** سـوو لهـم فيهـا مقاييـل وبيـوت


وأمر دربٍ قدمي الزين مرّه *** ياكثر مـا شفتـه يجـي فيـه ويفـوت


زين وغنج وعيون حلوه وغرّه *** يمشي على كيفه مع الناس مفلـوت


تقصر فنيلة فاتني دون سرّه *** و???? يرقص لي علـى دقـة الجـوت


كنّه غرير ولاش علمٍ يغرّه *** لا خـاف مـن ربـه ولاهـوب مكبـوت


علقني بسحرة وخيرة وشرّه *** سحرٍ ذكـر هـاروت شـرّه لمـاروت


وإليا إنتهى الميعاد بترك مقرّه *** واعصي هوى قلبٍ من الزين مبهـوت


واحزم شناط العفش والثوب أزرّه *** وارجع بشوقٍ من مدى شوق بخوت


ويانجد صيفك لو ذبحني بحرّه *** حييت في حضنك وفي حضنك المـوت

ويانجد صيفك لو ذبحني بحرّه *** حييت في حضنك وفي حضنك المـوت

صح لسان الشاعر
وصح نقلك
وتسلم ويعطيك العافيه

أبن الشرقية




صح السانك ولسان شاعرها


ابيات جميلة

أبن الشرقية

قصيدة جميلة وبارك الله فيك يالغالي

بس أنا أقول يازين السياحة في أجواء المملكة لوهي مره ترجع له وتقول ماهي نفس هذيك المره