سوايا الرز والمندي

قصيدة فكاهية للشاعر سعيد الأكلبي

نهـار العيـد قابلتـه غـزالٍ زايـفٍ نبـتـه وكلمنـي وكلمتـه ورحنـا فـي خرايطـهـا عليه العود دندوني – ياقدامـي يامـن دونـي يقول الثـوب هدونـي تقـول انـه مهبّطهـا وعليه العين هدّاجه – مايقدر يرفـع حجاجـه وساعٍ فيهن دعاجه وبعـد بالكحـل ماغطهـا وعليه من الشعرغدرا – ليامنه انحـدر حـدرا مقاديمه على الصدرا وعلى الامتـان يبسطهـا وعليه العنق ممغوطه - وزغدٍ كنـه القوطـه دلوعـه وشمحوطـه ياحـظ اللـي يقلّطـهـا وعليه الطول متساوي – لانيجيري ولاجـاوي عودٍ بالحلا راوي وصـوف الزيـن صافطهـا وعليه من الدلع غنجه – تتل الروح من طنجه لو شافـوه الافرنجـه تسلـم لـه خرايطهـا وعليه من الرخا شلقه – بلا كويـه ولا فلقـه فـمٍ كنـه الحِلقـه هنـي اللـي يمشّطـهـا عطيته رقم جوّالي – وقمـت اضبّـط عقالـي عسى يطـرب لموالـي وتقبلنـي وسايطهـا لزمني قاوي الهمـه – مطـوع لابـسٍ عمِّـه يوم انه رفـع كمـه يبـي فالوجـه يخْبطهـا مسكت يديـه ياقـوه – اكيـد مطـوع فتـوّه تـوه فالغـدا تـوه قـدور الضغـط ماسطهـا طلبتـه يغّفـر الزلّـه – وملتنـا هـي الملّـه وكـل انسـان لـه علّـه تعابطـه ويعابطهـا رحمني جعله الرحمه – عقب ماشافني فحّمـه وقال اشرد مع الزحمه وجيت الباب شاخطهـا لقيت العسكري التالف – يقول الموتر مخالـف وانا في ذمتي حالـف قسيمـه لـك بخططهـا تغفلته ودقيت سلف – ابيه يبطّل مـن الحلـف انانيـه وقلـة ولـف تعبنـا مـن تسلطـهـا وفجأه دقت الساعه – صـلاة الصبـح فزّاعـه تنادي حزة الطاعـه علـى التنبيـه ضابطهـا وقمت اشوف من حولي – واعس يدَي ورجولي هذا ماهوب معقولـي انـا شكلـي ملخبطهـا وطلعت امثل الجندي-بطل في فلمـي الهنـدي سوايا الرز والمندي لياجـا الكبـد يضغطهـا

صح اللسانك


ولسان قايلها



تسلم على الابيات الجميلة



تقبل مروري

غلام

هههههههههههأأي

قصيدة فكاهيه صح الله لسان الشاعر وتسلم أيدك النقل الرائع

هههههههه

رووووعه

يعطيك العافيه غلام