ليس انسحاب ولكن.....

السلام عليكم ورحمة الله وبركاته...وبعد,
كل انسان يجب عليه انه يعمل الناس مثل مايحب انهم يعاملوه وهذا الكلام مافيه مشكلة ...المشكله اذا كان شخص الناس تعامله مثل ماهو يبي وأكثر وهو مايقدر يعاملهم بنفس المعامله!!!!!!!!
وهذاك الشخص هو .....أنا نعم هو أنا
لما أضيف موضوع وألقى الردود عليه كثيره يصيدني احباط لنه اني عارف نفسي اني ماراح أقدر أواصلهم بالرد على مواضيعهم , وان مالقيت ردود يصيدني احباط وأقول في نفسي ان موضوعي كان سئ
والأخير هو أرحم, المشكلة الكبيره هي باني ما أقدر أوفي الردود ,
أجلس احسبها في بالي يعني لو ضفت موضوع وجات الردود عليه لازم كلمة شكر على الأقل أحطها لهم والمفروض اني مثل ما ردوا على مواضيعي يكون لزوم أرد على مواضيعهم..
أقول يمكن ناس يعتبروني مغرور وأترفع عن الرد واذا حد قال كذا يكون ضاقت بي الوسيعة..
*السالفه أكبر من مجرد ردود ,السالفه هي المعامله
وهذي المشكلة الكبيرة توقف وراها كلمة هي (قل الوقت)
وعشان كذا أبي الكل يعذرني عن تقصيري ويحملني على محمل واحد من الخير ما أبي سبعين

يمكن أغيب ويطول غيابي بس ابي الكل يتأكد بن مهما طال الوقت أكيد راجع لن مالي غنا عنكم بعد الله سبحانه
وأوصيكم بن ماتنسوني

أخوكم
عذبي الفضل

اخوي عذبي ماجا منك قصور يابعدي

عز الله انك اجودي وكل مشاركاتك طيبه

وطال الزمن ولا قصر انت اخونا وولد عمنا

بس ها لاتطول علينا تراك عزيز علينا ياعذبي

اخوي عذبي ماجا منك قصور يابعدي


ماننساك ونحن في انتظارك ومشاركتك

عذبي على وزن وطفي >>>>>>>>> يبتسم
وين رايح يالغالي توك مشارك معنا بالمنتدى

يالغالي أما النظريه الي قلتها عن الردود أما أنك ترد عليهم أم لا
هذه ماهي غرور
بس على فكره الغياب لا يطول وترجع بالسلامة لنا

وعليكم السلام ورحمة الله وبركاته

يعطيك ألف عافية اخوي / عذبي الفضل

تستطيع ان تشارك وترد حسب استطاعتك

والشيء أفضل من لا شيء

مشكوووووووووووووور

غريب انت يا فضلي ,,, خذها ببساطة ...

يعني مو لازم تشكر احد , على مروره .
وتقدر تدخل اي موضوع وتحط مشاركتك فيه على كيفك :)

وبعدين من جاب طاري الغرور ,,

افا عليك يا عذبي ,, خذها ببساطة , وخلك معانا .. ترى المنتدى محتاج لوجودكم .

حبيبى عذبى تراك غالى عندى وغلاتك
من شخصيتك المعتد له وخفة ظلك ونبيل
أخلا قك صحيح ما صار بينى وبينك كثير
كلام فى المنتدى أو من خلا ل الماسنجر
ولكن كل اناء بما فيه ينضح والكتاب باين
من عنوانه , الله يشهد انه يعز علينا فقد
شخص عزيز مثلك فارجوا منك التواصل
بقدرأستطاعتك فالنت موجود فى جميع انحاء
العالم والله يحفظك فى حلك وترحالك