عضو في ضيافة مجلس الشعر..

خيالة تميم

انتي في ضيافة مجلس الشعر وحيلك بالاسئله لاوصيك

تحياتي

راعي العليا و انا خالتك موب كنك وهقتني

لكن ابشر بسعدك ان شاءالله لي عوده باكر ان الله قاله للموضوع

لاعدمتكم جميع

لا والله وانا خالك ماهقيت انك بتتوهقين في مثل هالمواضيع

وخذي راحتك

سهالات ان شاءالله

لي عوده يالذيب

لاعدمتك

كونوا بإنتظار الذائقه الشعريه الفذه

الشاعره / خيالة تميم


شكرا" لك أخي راعي العليا على الإختيار الموفق

دمتم بود

عمر المسعر

العفو ياعزوتي

تحياتي

خيالة تميم لها حضور مميز
اشكرك راعي العليا لإستضافتها

حياك الله ضيفتنا العزيزه
في إنتظارك بكل شوووق


,,’,,

ونحن كلنا شوق الى سماع

خيالة تميم

ونحن ننتظر هذا اللقاء

كل الشكر للجميع على مشاعرهم الطيبه

لاعدمتكم

السلام عليكم جميعاً

مساكم الله بالخير
بدايه اشكر راعي العليا على ترشيحه لي بيض الله وجهه

توكلنا على الله

المشاركة الأصلية كتبت بواسطة عبير الورد | ~

•
•


1- ماهي علاقتك بالشعر ؟!!

مـتـــذووووقه و عــاشقه للشــعر


2- من هو شاعرك المفضل ؟!!

والله كثير منهم : بداح العنقري " رحمة الله عليه " ... سالم بن جخير .. عبدالرحمن بن بديع ..
3- اعضاء تثق في ذائقتهم الشعرية ؟!!

راعي العليا ... عمر المسعر ...

4-عضو تقول انت سوبر ستار متذوقي الشعر بنبض العاصمه؟!!

اعذروني يالربع ..مابه احد

5- بيت شعر يحضرك دائما ؟!!

ليا انشدوك الناس فـ حرص على الميم *** ما اوحيت ماعينت ماشفت مدري

6- قصيده تعدها من اروع القصائـد ؟!!


تواجدك بالهمس هيض شعوري
واسجل احضوري ليا منك سجلت

أرجوك لاتكتب تقبل مروري
لانك قبل تكتب مرورك تقبلت

والمنتدى ماضن يهمه حضوري
انت المهم عنده و تبقى ولازلت

والمنتدى ماضن يحتاج نوري
نورتهم وانت العضو ماتفعلت..

ومن بعد ماجيت وتفعلت فوري
صرت المراقب والادارة وجملت

ونقص التواجد عندي ماهو ضروري
انت الضروري وباقي النقص كملت.


اشتاقلك وابغيك ضمن الحضوري
وان غبت عني يشهد الله تمللت.

وتدري وش اللي من دواعي سروري
انــي ليا رديـــت تـــكتب تقبــلت

7- هل لك محاولات في كتابه الشعر ؟!!

ماني بـشاعر لكن الشعر مولـود *** داخل حشاي و مرضعه من حروفي




8- لك مساحه بلآ حدود وحرية بلا قيود امتعنا بقصيدة على ذوقك ؟!!


( البقا لك يا زعيم الثـوره الليبيّـه )
يا المهيب المستهيب الوافي المستافـي

أبدعت بنت الحلال وصاغـت القافيّـه
وأبتسم حضرة جناب معمّـر القذافـي

سلهمت والعين فيها خلطـة ٍ سريّـه
بين رمش ٍ مستفيق وبين رمش ٍ غافي

يا ماشاء الله يا نجاح الساحه الشعبيّه
تمدحين وترزحين ولا عليـك إخلافـي

والقصيده لـو نقـول بيوتهـا قطيّـه
كثرّ الله خير قوم ٍ يبدعـون القافـي !

راسك المعصوب والدرّاعـه العاريّـه
هكذا ما تقتضيه المصلحه يـا كافـي

تجمعين من الخليـج العملـه النقديّـه
دوّري لك فـالمحيط الأطلسي صرافي

قدّمي ( دانات ) وأنتي فـالبحر حوريّه
وكل دانه من يدينـك لونهـا شفافـي

كبّروك وصـوّروك بمحـزم وجنبيّـه
وأستلمتي ورث أبونا والسنين عجافي

ما بقا الا تعتزيـن وتنطحيـن الهيّـه
كل بادي ليل رجلك تبـدي المشرافـي

لو ما حققتي جميع أحلامـك الورديّـه
الوكاد أنـك سنافيّـه وبنـت سنافـي

الله الله .. واحليـل الشاشـه الفضيّـه
ما بقا في عرضها شي ٍ علينا خافـي

يا معمرّ من يضيفك .. ضافته جنيّـه
والله أنك لا تضيف ونقص ماتنضافـي

لعنبو شعر ٍ تعرفه يـا **يـم الحيّـه
الأديب اللي سواتـك منطقـه ينعافـي

من كبر راسك ما تلبس غتره وطاقيّـه
تنفض الشوشه وحظّك طيّب ومتعافـي

تحكم الشعب المعنّا بين شمس وفيّـه
وتحسب أنك فـالمواقف تحكم الميقافي

من ثلاث عقود حسب السيره الذاتيّـه
بارد ٍ وجهك ورابض فـالمراح الدافي

يا الله أنّـك لا تسجلّهـا عليّـه سيّـه
مير مدري كيف يحكم كاهن وعرّافي ؟

لا قضيتي من زعيـم الثـوره الليبيّـه
أستضيفي يا نجاح .. محمد الصحّافـي


9- بيت شعر اذا ضاق صدركـ ترددهـ ؟!!

ياصدري تحمل ضيقتك والصدور قبور *** دفنا السوالف ماكشفنا لها عوره

10- اهدي بيت شعر لعضو بـ المنتدى ؟؟



يامنتدى الفضول مسّيك بالخير
ياملهم اللي مالقـى ملهـمٍ لـه

ياملتقى روس الكرام المناعيـر
عز الله إنـك للشعـر محـزمٍ لـه


11- أجمل بيت غزلي مر عليك .؟؟

لي صاحب يمشي على القطن واحفاه *** يامن يسوي له من الماء نعالي

أتمنى أن أكون وفقت في الإجابة

بيض الله وجيهكم ... ولا عدمتكم

ووجهك ابيض يالغاليه
اكييد وفقتي
حوار جمييل ومُمتع
صح لسانك واحساسك

,,’,,

ماهذا القاء يجعل قارئه يستمتع بحروفه و يعلق على كاتبه

اجدتي فاوجدتي الوجد بكلماتك الصاخبة الممزوجة بالهدوء

خيالة تميم

وانا خالك اشكرك على ماكتبتي بحق هذا الصرح الشامخ وباعضائه وصح السانك ودامت مشاعرك فياضه

عضو تقول انت سوبر ستار متذوقي الشعر بنبض العاصمه؟!!

اعذروني يالربع ..مابه احد

تعالي تعالي

وشو يعني مافيه

هههه


يعطيك العافيه وماقصرتي وشكرا على الاستجابة

تحياتي

اللي بعدوه

ابو لام

عبدالله السالم

الحر سابقا ً

ارجو الحضور حالاٌ

يامنتدى الفضول مسّيك بالخير
ياملهم اللي مالقـى ملهـمٍ لـه

ياملتقى روس الكرام المناعيـر
عز الله إنـك للشعـر محـزمٍ لـه


اول شي صح الله اللسان كل من شارك

وصح الله اللسان خيالة تميم على الابيات اللي اسعدتني

وقول ياخيالة تميم انتي مكسب للمنتدى

راعي العليا

انت اخترتني في وقت تدري ان مزاجي معفوس

بس لعيونك بكره راح احاول اروق الى اقصى حد ونشارك اخواني بالموضوع

مع اني ماحب ااجل عمل اليوم الى الغد

واحب اشكر جميع من شارك وتفاعل

ارق تحيه

على احر من الجمر ننتظرك ابو لام

متأكده انه راح يكون لقاااء غني بالذائقه والذوق والمذاق الفضلي الاصيل

لك الورد واشكاله