|
|
 |
 |
|
||||||||||
 |
 |
| مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
 |
|
|
أدوات الموضوع |
|
#1
04-05-2005, 10:29
|
||||||||
|
||||||||
|
اجمل ما قيل
سلام الله على حرٍ وقف بإسم الكرم قــــــــدَام سلامي كثر مامرَت ثواني العمـــــــــر بأيامي تحية كثر متتعب حروف الشاعر المقـــــــــدام تحية مابها يمنى ولا يسرى على الــــــــلامي أنا أشهد لو بغيت أكتب حروفي عام يـتبع عام ولو أكتب لين ما تشكي الدفاتروقعة أقــلامي ولو أدرس كثر ما تمشي ليالينا مع الأيـــــــام عجزت أوفي كرم شيخٍ شجاعٍ صافيٍ ســـامي ولكن لازم أهنَي من الخافق قبيلـــــــــــــة لام لأنَه من فوارسها شجاعٍ باللـــــــــــــــقا رامي عمر ,عمرك سمعت الليالي خوفت ضــــرغام أجل وشلون مايلقى الأمان العني الضــــــامي عمر لابةٍ تحمل كرم نجد وجمـــــــــــال الشام عريب الساس له وقفة أسد بالموقف الحـامي عريب الجد يستاهل لبس بالطيب أجود خـــام لك الله واضحٍ ماهي مجرد نهج إعــــــــــلامي تحية ياعمر خذها من إحساسي مع الإلهــــام تحية ترجمت شوفي حسب ماشاف إلهـــــامي عمر حمدان أبن عرَوج والله والسبع أنعــــام كلامي صدق ما قصدي لأن الشيخ قـــــــدامي (( نواف هلال )) 
|
|
07-05-2005, 02:04
|
#7 | |
|
ضيف
|
بسم الله الرحمن الرحيم
((( شمس القايله ))) مرحبا باللي حضرنا من بعــــــــــيد ومن قريب بإجتماعٍ كنه أشبه بإجتماع العايــــــــــــــــــــــــله إجتماعٍ يشفي اللي عايش بوقته صــــــــــــويب فيه تبكي كل عينٍ للهموم الزايــــــــــــــــــــــــــله كلنّا أبناء عمْ ولا بنا شخــــــــــــــــــصٍ غريب بالتواصل يعلم الله طايلين الطايـــــــــــــــــــــــــله والغريب اللي يجينا ينحــــــــــسب حسبة حبيب ما ينام اللي توقّا صاحبه حبايــــــــــــــــــــــــــــله دامنا نبغى نتكاتف ما بقى شـــــــــــــيٍ صعيب شمسنا بعد التكاتف مثل شمس القايــــــــــــــــــــله في بني لام التواصل يبري الجـــــــرح العطيب شوفة رجال القبيله منوة اللي نايــــــــــــــــــــــــله ما بهم والشاهد الله بالخصايل ما يعـــــــــــــيب والوليده ماله إلا بالزمن خصايــــــــــــــــــــــــــله وهم يعني بين شيخ وبين شهــــــــــم وبين ذيب نظرةٍ فيها برائه ما تجي متحايــــــــــــــــــــــــــله ودام أبو حمدان حاضر عز يالشــــــيخ العريب ما بقى همٍ وحملي لأجل عينه شايــــــــــــــــــــــله فارسٍ لامن تنهض رمــــــــــــــيته دايم تصيب المزايا عند مثله لا عدمته هايــــــــــــــــــــــــــــله واثق الحطوات يمشي ما مـــــــشى مثل الدبيب تشعل النار بزمانه بالوفا فتايـــــــــــــــــــــــــــــله من أقاصي نجد تمشي لـــــــين توصل تل أبيب تسمع بصيته لو إن حمولها متهايـــــــــــــــــــــــله صيرميٍ علم خصمه بالــــــــردى كت الشعيب وارثٍ طيب الفعايل ورث من سلايــــــــــــــــــــله يالله إني لا طلبتك طــــــــــــالبك زين النصيب طالبك نظرت عريبٍ نظرته متفايــــــــــــــــــــــله أسبل قماش القصايد ما غصــــــــبناها غصيب راضيه بالثوب لو هو طولت سبايــــــــــــــــــــــله ماشيه مشية غزالٍ يوم يمشي مســــــــــــتهيب كنها خشفٍ يلفلف بالدلع جدايـــــــــــــــــــــــــــــله حلّت حروف المعاني زحلوها مثل الــــــزبيب وقفّت زقفة وليده واقف لعدايــــــــــــــــــــــــــــــله إعتلت كل المراتب مالكه رتبة مهــــــــــــــيب مثل غيثٍ ساقه الله طوّلت همايــــــــــــــــــــــــــله قامت جنود القوافي تستمع لأمـــــــــــر النقيب كنّه أشبه بالنبيل وعزوته نبايـــــــــــــــــــــــــــــله روّحت صلبه لك الله صانعه مــــــثل القضيب في يدا شيخٍ فضيل وزاهيه فضايــــــــــــــــــــــــله ما توانت عند شيخٍ منظره ما هـــــــــــو كئيب وقّف بوجه الليالي يوم جتنا صايــــــــــــــــــــــــله يا عمر كن المراجل أم ترضـــــــــعك الحليب تنقطع قطعة مسافر ما لقى موبايـــــــــــــــــــــــــله المهم إني أبي اضرب يا تصــــــيب ويا تخيب قلت شي ويعلم الله شي ماني قايـــــــــــــــــــــــــله شيٍ بصدري لك الله يشــــــــــتعل مثل اللهيب فيه مجدٍ لازم إنك أنت مبطي نايـــــــــــــــــــــــــله لازم إنك شيخ شملٍ للنشـــــــــاما , مو عجيب شيخة اللّي بالمهابه طيّبه عمايــــــــــــــــــــــــــــله طيب أبو حمدان طبْ القــــــاع وأذهبها ذهيب هزهّا هزّة يمينه لا ضربَت طوايــــــــــــــــــــــــله لا سمع صوتٍ ينــــــادي راح لأجله مستجيب هيبته هيبة شجاعٍ والوفا حلايـــــــــــــــــــــــــــــله عـمـــــــر حمدان البخيت ومن هقابه ما يخيب كنْ ضيم الوقت رجلٍ والوليده غايــــــــــــــــــــــله فيه فزّة من تعـــــــــــــــزوى لا تنخّاه النسيب يكفي إنه طيب جدّه بالمهابه نايـــــــــــــــــــــــــــله ذكر أبو طربوش شمــــــــسٍ ما تهيّت للمغيب يرفض التاريخ ينسى بالزمن جمايـــــــــــــــــــــله في عمر شفت الشجاعه تكـسر العظم الصليب الأصيل اللّي شموخه واجده وسايـــــــــــــــــــــــله لا وقف ما فيه شك وموقــــــــفه ما هو مريب فيه روعه مثل نجمٍ من بعيد تخايــــــــــــــــــــــــله وكلمة الدكتور تعني كلمة الحـــــــــــر الأديب والفعايل ما توارت في ذرى قوايـــــــــــــــــــــــله ابن عروّج وكلامي شاهــــــــــــده ربٍ رقيب جرّب وتلقى كلامي تشرحه فعايــــــــــــــــــــــــله ما نطق ( لأ ) بحياته للغـــــــريب وللصحيب عنده أفعالٍ لك الله بالمهابه صايــــــــــــــــــــــــــله حرٍ وشهم وشجاع وفـــــــارس وجزل ولبيب كنْ ميدان المهابه طير شلوى جايـــــــــــــــــــــــله أشهد إنه مثل راسه جـــــــــنس حوّا ما تجيب ماشيٍ بدروب مجد ولا مشى المتمايـــــــــــــــــــله الوكاد إنه حليم وطيّب الـــــــــــــنفس ونجيب صامل ولا هزّ وقته بالكرب صمايـــــــــــــــــــــله يا جماعه والليالي جرحها مــــــــــــاله طبيب وإجتماعٍ شوف عيني وافيه مثايـــــــــــــــــــــــــله في بني لام المهابه وإزدياد الطــــــــيب طيب مثل نبلٍ بالمراجل والسهم دلايـــــــــــــــــــــــــــله لو شرحت اللي بصدري أصغر العـالم يشيب شوفة أبناء العمومه ما تهاب العايــــــــــــــــــــــــله عند شوفه مثل هذي سِعد عين المســــتصيب والليالي يعلم الله يا جماعه قايــــــــــــــــــــــــــــــله آل كثران ولقاهم موقف المجد المُــــــــــهيب والمغيره والمعاني بالمبادئ سايــــــــــــــــــــــــــله والفضول أصحاب مجد ولا بهم حـاجه تعيب ما يصير الطيب لولا هالورود الحايــــــــــــــــــــله المهم إنا إجتمـــــــــــعنا من بعيد ومن قريب وأبهجتنا شوف صوره لإجتماع العـــــــــــــــــــايله ( نواف هلال ) |
|
|
|
|
07-05-2005, 06:59
|
#8 | |
|
ضيف
|
الله يعطيك العافيه يا (خالدالحمد) على إيراد القصيدة الرائعه من الشاعر المتميز دائما مع تحفضي على بيتين (أشهد ان مثل راسك جنس حواء ماتجيب) ( لازم إنك شيخ شمل -----) فيها نظر----مع خلص الشكر لك يالغالي-
|
|
|
|
|
07-05-2005, 10:03
|
#9 | ||
|
ضيف
|
اقتباس:
بس لي تساءل انت تعرف الشيخ عمر ؟ و اذا ما تعرفه ليه تتحفظ على كلام زين انقال باحد اقربائك ؟ و اذا عندك شي انا سبق و قلت اي شي انا مستعد ان اجاوب عليه و التساءل الثاني هل عندك شك ان احد يقدر ان يجمع بني لام غير ابن عروج ؟ اخي الكريم بوضحلك حاجة محد غير الدكتور عمر عنده هذي الهمة العالية انا ااكد لك للامور التالية حبه الكبير للقبيلة و وفائه لها و ثقافته الكبيرة بها و اندفاعه لها بالاضافة انه من سلالة لزام و قدرته المالية و غيرته عليها لانها لم تاخذ حقه مثل باقي القبائل حيث القبائل الثانية لها افواج و سيط و سمعة و نحن كثير من الناس لا يعرفون حتى ( بني لام ) بل يقتصر الامر على التعريف بالفضلي او الكثيري او المغيري و بعضهم يعرفون بالعوائل مثال الابراهيم ما يقولون الفضلي و لا اللامي ان كنت مخطا فقل انا مخطئ اعطيك مثال على القبائل الاخرى مثال الشمري ان كان من اول شمر او اخرها او من كبارها او صغارها ان سالته عن حمولته يقول انا شمري و يسكت و القحطاني كذلك و العجمي و المطيري و العنزي و الدوسري الخ.......... اخي الكريم ان كان لديك اي تحفظ فاشرحه لا تدعه مبهما فنحن لسنا بناقصين من يكسر مجاديفنا على قولة القائل فربما انت تدري ماذا جرى بعد الاحتفالات و الاجتماعات التي حصلت في مسكة و ضريا و المزاحمية . ارجو ان نكون يا اخي متفاهمين في هذا الامر بالاضافة الى شكرنا الكبير لولاة الامر لاهتمامهم بوضع قبيلتنا و النظر بها على انها من اكبر القبائل و له امجاد كبيرة بالاضافة انها من اسس قبيلة طي المشهورة |
||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
