مساجله شعريه

محمد حرف الكاف

بس بمشيها هاه

نــاس تجـــي وتروح ماهزت الروح
** وناس غلاها ثابت وسط الارواح

ياللي بنيت من الوفــا قصر وصروح
** قصر مشيّد مع هل الجود ماطاح

حطمت قلبي في عذابـي تماديـت
ليتك ترى في غيبتك وش جرالي

نسيت حبي كيف عنـي تخليـت
حطمت قلبـي يالغضـي عزتالـي

يا زمن وقف أبجمع ما تبــقى من شتاتي
أبجمع أوراقي و أفكر وش جنيت من البدايه

هـــون عـلـيـك مــــن الـضـغـايـن والاحــقــاد"
" لا مـــنـــزحٍ خــصــمـــك ولا مـسـتـحــلّــه

هويتك كثر رعشات الخفوق وثانيات اليوم
هويتك كثر ما صاح إسمك بداخل شراييني

هويتك كثر ما طيفك لفاني وانحرمت النوم
هويتك كثر ما نادوا على إسمك وإدمعت عيني

[poem font="simplified arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
كان ودك ما تزيد الصدر ضيقه=لا تسمع لــ..الدعاوي والشكاوي
وش يهمك وش صديق(ن) من صديقه=ما مشى لك بالمحاسن والمساوي
رافق اللي فاهم(ن) واجب رفيقه=لا نخيته جاوبك راعي نخاوي[/poem]

المفروض بيت يبدأ بحرف الياء يا دحوم

لإن آخر حرف إنهت فيه الأبيات اللي أنا كتبتها حرف الياء

هذي طريقه المساجله الشعريه الله يعطيك العافيه

ويالله نمشيها هالمره = )

ياواصلن قطعي وقاطع وصالي
أرجوك اسمعني وكلمه وجاتك

إن كنت ما أهمك وخاطرك سالي
تعال صارحني وبرر سواتك

وان كنت ماخذني قصيد وتسالي
ماحب أكون بيوم من تسلياتك

أشكرك يا أخي طه الكبيسي


وأختي الهنوف على التنبيه

كتبت الشعر من شان خاطر عيــــونـــه
لولاه حتـــى طــاري الشـــعر مــابيــــه

جــذع الشجـر وش كـان لولا غـــصــونــه
هـو روح شعـري وامنياتـه ومـاضـــيــه

هذي الدنيا عجايب في عجايب
تنتهي من حزن وتبدأ حزن ثاني

ياليتنـي مـن قبـل لا احبـه اقفيـت
والا ان دروبي عن دروبـه تناحـت

اهون علـي مـن البكـا والتناهيـت

واشلى من سدود(ن) على الناس باحت

عرفت كيف الحي يفرق عـن المِيـت

وعرفت قيمة نعمتـي يـوم راحـت

قولولـه انـي عقـب بعـده تدانيـت

ورجلي عن دروب المعافين شاحـت

البعد نار وطاعـت العـذل كبريـت

يقصر على بعده .. ترى الكبد فاحـت

تكفى يازمان النكادة علي بالهون
حيث إني من بلاويك غديت عطيب

رجـواك يارب العباد يهـلـن المـزون
عـلى قاع حظي ولا يـرجع يخـيب

بحرك قريب القاع وكلن يغيصه
مانشرب الأقداح من عقب تقريح

رووحي على حبك كانت حريصه
متربعا حبك على العرش تربيع

عز الله حبي لك أكبر نقيصه
جرحك كبير وما نفع فيه ترقيع

أول شقيق القلب وانتى خليصه
واليوم غدرك لوع القلب تلوويع

أنسى زمان الحب وأنسى قصيصه
وأبعد بعيد هناك من غير توديع

عفاالله عن ملذات الهوى والعشق والتخمين
وسجات الغرامَ ولذة الحب الحقيقيه
فديتك يوم تاخذني على كيفك ولا ادري وين
معك من وين ماذعذع هواك ومالت الفيه