مخرج ثلاثه شيله

السلام عليكم ورحمة الله وبركاته
قصيده لشاعر سداح العتيبي
بصوت ناصر الرزيني

http://www.motir.net/vb/uploaded/107_1273427471.mp3
من ديوان اقرب جهاز

مقدمة الديوان

http://www.motir.net/vb/uploaded/107_1273427903.mp3

يا مخـرج 3 عقـب دار الزمـان ومـال
على الدايري يا ليت ما شفت لـك لوحـه

لمحتك وأنا سالي وفـي طرقتـي رحّـال
ودقّ الجرس في صدري ونقّض جروحـه

يا ليتك مجـرد لوحـه وكبـري ومدخـال
ولا لك من الذكـرى مسـارات مفتوحـه

بديت أستعيد اللي مضى وأفتـح الاقفـال
عسى نعمة النسيـان ماهيـب مذبوحـه

علاقـه وزالـت مـيـر تأثيـرهـا لازال
أكابـد نتايجهـا والأشـواق مسمـوحـه

تخاطف عيوني كيف أحيل الغـلا وأحتـال
ولي عين مستوره .. ولي عين مفضوحه !

علشان من حطّت في قلبـي لهـا منـزال
تعلّت عروشه وأبتـدت تهـدم صروحـه

لها بالوصوف الفارقـه مضـرب الأمثـال
ذكيّـه ولمّاحـه وحـلـوه و مملـوحـه

تمازحني وترمي علـيّ المـزوح أشكـال
وأسيـرّ لهـا قلبـي بجـدّه وبمـزوحـه

تقول أنت شاعر والمشاعر على مـا قـال
ما باقي تغنيّ غير فـي حـيّ منفوحـه !

سقى الله قصيد ٍ كان فـي حبّهـا يختـال
أغطيّـه بوشـاح المحبيّـن وأشـوحـه

قضينا وبأحكـام القضـاء تقنـع العقّـال
وكل ٍ عن الثاني سحـب روحـه بروحـه

لوّ أن الجفاء قاسي يهون الجفاء لا طـال
عسى الله يوفّق كـل مسلـم لمصلوحـه

أبدفـن محبّتهـا تحـت هيبـة الرجـال
وأبدعي لهـا وتـروح بالستـر مبيوحـه

عساها تدوم بخير وتعيش بأحسـن حـال
وتبادلنـي الدعـوى والأعمـار منقوحـه

عليها السلام ورحمـة الله مـن الأهـوال
ومن شـرّ وقـت ٍ يعترضهـا بساموحـه


قصيده رائعه وأداء أروع وأروع

صح لسان الشاعر و صح منطوق المنشد

سلمت يمناك أخي حفيد على هذا الإختيار والذائقه الرائعه

تحياتي

ياسلام على الذوق الراقي

شيلة رائعة بكل معنى الكلمة

جهودك واضحة أخوي حفيد

أشكرك من أعماق قلبي

يالعلكم تسلمون

مروركم شرف لي

والحمد لله ان ذوقي اعجبكم