في ليلة الجمعة

	[poem font="Simplified Arabic,4,black,bold,normal" bkcolor="burlywood" bkimage="" border="double,medium,black" type=4 line=0 align=center use=ex num="0,black"] في ليلة الجمعة مع ليلة السبت=في آخر ليال أيام عيد الضحيه جمعت بين النفس والدمع والصمت=كنوز همن في فؤادي خفيه يامحرقن دمي لياجيت وإن غبت=يامولعن قلبي بصبح وعشيه يامغوين فكري على هاجسن زفت=يامطفشن نفس تحب الوفيه وش آخر النية تراني تعذبت=وش جابنا نمشي بدربن سويه أباسئلك من ربك اليوم ماخفت=ولاطرت في خاطرك مشفقيه ياحزن لو إنك عليه تفضلت=ماشفت عيني من سواتك شقيه دخلت في قلبي صغير وترعرعت=لين أصبحت دنياك تأمر عليه ياحزن ربيتك وأنا الحين وقفت=أبي تفارقني ونمحي الخطيه أخطيت في حقي وأنا أقول سامحت=لكن عيني لاتشوفك قفيه ياحزن يمكن من صفاتك تعلمت=بعض الدروس الغامظات العصيه والله لاجيت المجالس وسولفت=أحس نفسي تحبس أرواح حيه صاير صديقن للعناوين مارحت=تبغى تسوي حضرتك فوضويه ياحزن مايخفاك ماأخفيت بالكفت=وداري بنفسي ماتحب الرديه كم ليلتن مع صاحبي قدتنقدت=أستأذنه ماأمداني أجلس شويه لاجيت أكلم صاحبي قلتلي شفت=إنك على دربي تسوق المطيه دربك تراني ماسلكته ولاجبت=طاريك له في سالفه أو قضيه ياحزن من عيبك تراني تعقدت=كني غريمن لك وفيني وصيه أغرقتني في بحر الأوهام وهرجت=بعض النجوم الساهرات الحليه وكم ليلتن في بردهاصحت وأسهرت=عينن من الهوجاس جاها بليه وكم ساعتن تبكي على حالهانمت=وأصحى وألاقي خدتي مسرحيه وأطلب تمن حاضر تراني تكفلت=لأعطيك ماتقدر عليها يديه وشف لك خوين غير قلبي ولاهنت=على طريقك لاتوصي المنيه[/poem] الشاعر : ياسر بن محمد الدويسي

صح الله لسانك

ابيات قمة الروعة

مزيد اخي الحبيب من الابداع الشعري

صح السانك ياياسر وتسلم يمينك

احسنت باختيار القافيه

صـح لـسـانـك اخـوي يـاسـر الـدويـسـي

تقبل مروري ---->> شاعره الفضول

صح لسانك يـ بو تركي .

أبيات ممتازة و لا تبخل علينا بـ جديدك.

آبيات رآئعه ،،،، صح الله لسانك

تسلم أناملك على ما كتبت

تحياااتي لك

تقبل مروري

تحية طيبة أبو تركي , أبيات جميلة و رائعة تدل على عمق المشاعر والأحاسيس نتمنى أن نرى المزيد من العطاء المتجدد .

صح لسان وسلمت يمناك على هذا الطرح الطيب لاهنت

ابدعت في طرحك فشكراً لك بم نقلت لنا

دمت بحفظ الرحمن

صح الله لسانك اخى

ابيات قمة الروعة والجمال

تحياااتي لك

صح لسانك ابوتركي قصيده روعه

صح السانك اخوي بيات رايعة بس عندي ملاحظة بسيطه وهي

صدر البيت بنيته على حرفين مثل السبت , تغيبت , تعذبت ثم بعد

ذلك غيرته مثل الصمت الى اخر القصيدة هذا يخل بالقافيه

ارجو ان تقبل مروري وملاحظاتي دمت بخير

اخي العزيز محمد هناك ملحوظه على ملحوظتك انك نسيت ان الشده والسكون تعتبر حرف والسبت وغبت الزام مالايلزم وبامكانك عرضها على اي شاعر فستجد ان القافيه سليمه ولك مني جزيل الشكر :)

المشاركة الأصلية كتبت بواسطة سنجار وقفار

اخي العزيز محمد هناك ملحوظه على ملحوظتك انك نسيت ان الشده والسكون تعتبر حرف والسبت وغبت الزام مالايلزم وبامكانك عرضها على اي شاعر فستجد ان القافيه سليمه ولك مني جزيل الشكر :)

اخوي الشعر مايعترف بالشده والسكون عطيك مثال تقريبي

السبت.غبت, طبت, شبت, هبت, جبت, ماخبت,تكهربت, تدربت,تغربت,

الثاني

الصمت, قمت, عمت ,همت , نمت, شمت ,افهمت

الاول حرف ب +ت

الثاني حرف م +ت

الثالث زفت, عفت ,شفت , خفت ,عرفت, طفت, حرف ف+ت

صح لسانك

تسلم على القصيده الجميله

دمت بود

اخي العزيز محمد يبدو انك مافهمة وش اقصد او انا ماعرفة كيف اوصلك المعلومه لكن انا بكتب لك قصيده لشاعر الكبير مهدي بن سعيد واتوقع انه شاعر معروف لايختلف عليه اثنين وبامكانك البحث عنه في قوقل قصيدته تقول

يامتعب الخطوه على الدرب لاهنت وشلون تحزن والشمال بجهاتك

جرب تمارس ضحكتك وين ماكنت واحزان عمرك سترها في عباتك

الريح قامت وانحنت وانت ماقمت ياحي لاتنهار قاوم وفاتك

ياكبرها لاصاح داعيك وين انت وجا ينتخيك ولا لقا الاعصاتك

ادري وصلت اخر الصبر وتعبت مابه نكد في رحلة الهم فاتك

بعض المرايا تعكسك مثل ماانت ولابعضها مايوريك ذاتك

اخترتلك بعض الابيات من قصيدته الي تعتبر من افضل القصائد الي كتبها ولاحض القافيه واتمنى انك فهمت قصدي .....اخوك ابو تركي