لا شرت ثوب الفرح تشتري لي باع خام ** يدفنوني ليلة العرس ويزفونها

ياسعد...

للشاعر/ خليل الشبرمي التميمي..

[poem font="Simplified Arabic,6,indigo,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
ياسعد وش شاف مجنون ليلى بالغرام=أشهد انه وان بِلِي بلوته ياهونها


ياسعد ليلاه وان مات فيها مستهام=تدري انه بالهوى ياسعد مجنونها


المصيبه من غدى ميتٍ له كم عام=عشقته ماتدري انه قتيل عيونها


قرهدت نفسه عليها ومرّ الكبد زام=ودوك قلبه ياسعد مزّعته طعونها


ياسعد والله يالولا الحيا واخشى الملام=والقرابه والحيا والهوى وجفونها


لاانهبه وانحاش واجلى جنوب ديار يام=ما يردن لو وقف جيش هتلر دونها


ياسعد راع الهوى بالهوى لاضيم شام=مايرده طول بيبانها وحصونها


وان غوى راع الهوى في هواها مايلام=لااجتمع غبن الزمن ياسعد وغبونها


ياسعد هي منوة اللي تمنى والمرام=لعن ابو حظٍ قصر ياسعد من دونها


أسمع الرعاد واخيل براق الغمام=بس مادري ياسعد وين وبل مزونها


وياسعد والله فلا اسلى هواها لاحرام=لو يلوح الشيب في لحيتي وقرونها


وخذ وصاتي ياسعد وصلّه بنت الحشام=ذي وصاتي كان غيري غدى مظنونها


لا شرت ثوب الفرح تشتري لي باع خام=يدفنوني ليلة العرس ويزفونها[/poem]

حي هالحضور ياعمر

صح لسان ولد العم

و سلم لنا ذوقك الراقي

لاعدمتك

سلم يمينك و سلم نقلك

الله يعطيك العافيه

تحياتي

المشاركة الأصلية كتبت بواسطة خيالة تميم

حي هالحضور ياعمر

صح لسان ولد العم

و سلم لنا ذوقك الراقي

لاعدمتك

حي نباك ياخيالة تميم

صح بدنك ولا هنتي

الله يسلمك

تحياتي

المشاركة الأصلية كتبت بواسطة شُـمُـوَخ { عُـِـزٍي }

سلم يمينك و سلم نقلك

الله يعطيك العافيه

تحياتي

الله يسلمك

والله يعافيك

تحياتي

وخذ وصاتي ياسعد وصلّه بنت الحشام
ذي وصاتي كان غيري غدى مظنونهـا

لا شرت ثوب الفرح تشتري لي باع خام
يدفنونـي ليلـة العـرس ويزفونـهـا

الله يعطيك العافية عمر

تسلم يمناك على ما سطرت

الله يعافيك ويسلمك

اسعدني مرورك امونه

تحياتي

اب اب اب لا حول ولاقوه الا با الله

اشكرك من صماصيم قلبي على ها المشاركه

المشاركة الأصلية كتبت بواسطة شموخ لا ميه

اب اب اب لا حول ولاقوه الا با الله

اشكرك من صماصيم قلبي على ها المشاركه

العفو من صماصيم قلبي على مرورك

أسعدني تواجدك العطر يا شموخه

تحياتي